მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თეონა კონტრიძე რუსებმა სოულის თეთრ დედოფლად აღიარეს
23:15 / 26-12-2012
ძალიან გამიხარდა, რომ ქართველი თეონა კონტრიძე რუსეთში ასე ძალიან უყვართ. ბოლო დროს არ მესმოდა ამბები მის შესახებ და ჩემს საყვარელ ინტერნეტში შევძვერი. აღმოჩნდა, რომ თეონა ძალიან აქტიურად მუშაობს, ძირითადად - კორპორატიულ წვეულებებზე და რუსების საყვარელი შემსრულებელია. მას თამამად უწოდებენ სოულის თეთრ დედოფალს და თანამედროვეობის განუმეორებელ პრიმას.
ერთ დროს თეონას სოსო პავლიაშვილმა გაუკვალა გზა, როცა აჩუქა კომპოზიცია Just do it, მერე კი თვით ამერიკელი შემსრულებლის გლორია გეინორის მოწონება დაიმსახურა.
"თბილისში დავიბადე, სუპერმუსიკალურ ოჯახში და ერთდროულად დავიწყე სიარული, ლაპარაკი და სიმღერა. საბავშვო ბაღშიც და მერე ანსამბლ "მზიურშიც" აბსოლუტური პრიმა ვიყავი. სოლოკარიერა კი სოსო პავლიაშვილმა გამაბედვინა და მისი ნაჩუქარი კომპოზიცია დღემდე ჩემი სავიზიტო ბარათია. მერე უკვე გნესინების სახელობის მუსიკალური სასწავლებელი დავამთავრე მოსკოვში, სოლომოღვაწეობა დავიწყე მოსკოვის კლუბებში, გავიმარჯვე საერთაშორისო კონკურსებში და სახელიც გავითქვი", - ამბობს თეონა თავის ინტერვიუებში.
თეონამ ქართველების შემდეგ რუსი მელომანები მოხიბლა და რუსულ შოუბიზნესში ისე კარგად იგრძნო თავი, ქართული ესტრადისკენ აღარ გამოუხედავს. თამამი და ხანდახან სკანდალური თეონას გამოსვლები ჯაზის, ბლუზისა და ეთნომუსიკის ნაზავია და მას "მუსიკალურ გულწრფელობასაც" უწოდებენ.
თეონას თავისი ჯგუფი ჰყავს და გარდა იმისა, რომ ჯაზსა და სოულს მღერის, საბჭოთა პერიოდის ცნობილ კომპოზიციებსაც ასრულებს, რომლებიც დიდი მოთხოვნით სარგებლობს. მით უმეტეს, რომ ცნობილი სიმღერები ჯაზთან და ლათინოსთან არის შეზავებული და ისეა გადაკეთებული, ბევრი ვერ ცნობს.
თეონას ხშირად ეკითხებიან, ასეთი ენერგია მისი ქართული ტემპერამენტის დამსახურება თუა. "ალბათ ასეა, თუმცა ყოველთვის ასეთი ხასიათი მქონდა და საქართველოსთვისაც კი ჩემი ენერგია მეტისმეტი იყო. მე ქართული მენტალიტეტიც არ მაქვს, უკვე 15 წელია იქ არ ვცხოვრობ. მე მაქვს ქართველის მენტალიტეტი, რომელიც რუსეთში ცხოვრობს. ჩემზე ბევრმა კულტურამ მოახდინა გავლენა, მათ შორის ამერიკულმა, რომელზეც ვგიჟდები".
თეონა ორ შვილს ზრდის მოსკოვში, აქტიურად მუშაობს და როგორც ამბობს, მისი მთავარი შთაგონების წყარო მხოლოდ და მხოლოდ სიყვარულია.
DJ ბუკლე
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
