8
ივლისიდღის ზოგადი ასტროლოგიური პროგნოზი
პედაგოგთა ანაზღაურება თვეში 70-80 ლარით გაიზრდება. ამის შესახებ ფინანსთა მინისტრმა ნოდარ ხადურმა დღეს გამართულ ბრიფინგზე განაცხადა. მინისტრმა მედიას 2013 წლის ბიუჯეტის ძირითადი პარამეტრები წარუდგინა.
"განათლებისა და მეცნიერების სამინისტროს მთლიანი ასიგნება შეადგენს 670.0 მლნ ლარს, სადაც ძირითადად გაზრდილია სკოლების ვაუჩერული დაფინანსება, რაც იძლევა საშუალებას, ნაწილობრივ გაიზარდოს მასწავლებელთა ხელფასები. ასევე გაზრდილია სტუდენტების სასწავლო გრანტების და მეცნიერების ხელშეწყობის პროგრამების დაფინანსება. გაორმაგდა სახელმწიფო სასწავლო გრანტის დაფინანსება, რისთვისაც ბიუჯეტში დამატებით გამოყოფილია 10.2 მლნ ლარი; საჯარო სკოლის პედაგოგთა საბაზო შრომის ანაზღაურება გაიზრდება თვეში 70-80 ლარით, რისთვისაც ბიუჯეტში გათვალისწინებულია 50 მლნ ლარი. 2012-2013 სასწავლო წლის მეორე სემესტრის დაწყებისთანავე 190 სკოლის 9000-ზე მეტი მოსწავლე უზრუნველყოფილი იქნება ტრანსპორტირებით", - აღნიშნა ნოდარ ხადურმა.
ქვეყნის მთავარი საფინანსო დოკუმენტის თანახმად, კულტურისა და ძეგლთა დაცვის სამინისტროს დაფინანსება 80 მლნ ლარით განისაზღვრა. მომავალ წელს დაფინანსება არ შუმცირდება არც ერთ სსიპ-ს (მუზეუმები, თეატრები, ანსამბლები და სხვა).
2013 წლის ბიუჯეტის პროექტი საქართველოს პარლამენტმა 20 დეკემბერს დაამტკიცა.
