მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დაპირისპირება შოუბიზნესში "წითელი ბასანოჩკების" გამო
23:03 / 23-12-2012
გიორგი დათიაშვილისა და თაკო მელიქიშვილის დუეტი "წითელი ბასანოჩკები" რადიო "არ დაიდარდოს" ეთერში დიდი პოპულარობით სარგებლობს. როგორც გავიგეთ, მომღერლებმა ეთერ ჭელიძის სიმღერის ჩაწერა, რომელსაც ტექსტიც და მელოდიაც შეცვლილი აქვს, ნახევარი წლის წინ გადაწყვიტეს. საინტერესოა ამ სიმღერის ისტორიაც. ეთერ ჭელიძემ ეს მელოდია შექმნა აკაკი წერეთლის ლექსზე "იას სინაზე მოვსტაცე", გარკვეული ხნის შემდეგ ფილმში "ისინი" ერთ-ერთმა პერსონაჟმა გიტარაზე შეასრულა. წლების მერე კი ეს სიმღერა მთლიანად შეცვლილი ტექსტით რესტორნების ფანოღ-სიმღერებს შორის აღმოჩნდა. გარდაცვლილი კომპოზიტორის შვილმა, ნინო ელბაქიძემ, დღემდე არ იცის, ვინ შეუცვალა ტექსტი დედის სიმღერას. მცირე ხნის წინ კი "წითელი ბასანოჩკები" "პროფილის" ეთერში დათუნა მგელაძემ და ქრისტინე იმედაძემ შეასრულეს, რითაც გიორგი დათიაშვილი და თაკო მელიქიშვილი ძალიან გაანაწყენეს. "წითელი ბასანოჩკები", როგორც გიორგი ამბობს, თავდაპირველად ანრი ჯოხაძესა და ეთერ კაკულიას უნდა შეესრულებინათ, მაგრამ როდესაც ანრიმ გაიგო, რომ სიმღერა მის კოლეგებს უკვე ნამღერი ჰქონდათ, უარი თქვა, დათუნა მგელაძე და ქრისტინე იმედაძე კი, გიორგისა და თაკოს მოსაზრებით, არაკოლეგიალურად მოიქცნენ.
გიორგი დათიაშვილი:
- "წითელი ბასანოჩკები" ეთერ ჭელიძის სიმღერაა, მისი პირვანდელი ვარიანტი რომანსი გახლდათ, ორიგინალური ვერსია ჯაზურია. არ მახსოვს, რომელ წელს გამოვიდა ფილმი "ისინი", მაგრამ იქ ვნახე, ერთ-ერთი პერსონაჟი ამ სიმღერას გიტარაზე როგორ ასრულებდა. შემდეგ რესტორნის მომღერლებმა მას ტექსტი შეუცვალეს და თავისებურად გადააკეთეს. შეიძლება ითქვას, რომ სიმღერის 70% შეცვლილია. მერე და მერე ამა თუ იმ რესტორანში ყველა ისე მღეროდა, როგორი ტექსტიც თავში მოუვიდოდათ.
რაც შეეხება "პროფილში" ნამღერ ვარიანტს, მგონია, რომ ეს არაკოლეგიალობის მაგალითია. ეს სიმღერა მე და თაკო მელიქიშვილმა გავაჰიტეთ და არ არის ლამაზი, რომ დათუნა მგელაძემ და ქრისტინე იმედაძემ იმღერეს. ამის გამო პანიკაში ნამდვილად ვერ ჩავვარდებოდი, მაგრამ სანამ გადაცემა ეთერში გავიდოდა, დათუნას დავურეკე და ვუთხარი, რომ ეს სიმღერა ჩვენ გვქონდა შესრულებული. დათუნამ მითხრა, ყველაფერს გავარკვევო, მაგრამ გადაცემაში მაინც იმღერა. ჩემი აზრით, ეს სცდება მეგობრობასა და კოლეგიალობას. მე სხვას იმავეს არ გავუკეთებდი.
ამბობდნენ, ჩვენ ვიღადავეთ და გემოვნებიანად შევასრულეთ ფანოღური სიმღერაო. მაგრამ საქმე ისაა, რომ მე და თაკომაც ღადაობისთვის ჩავწერეთ "წითელი ბასანოჩკები" და არა სერიოზულად. რაც შეეხება გემოვნებას, დათუნა მგელაძეს კარგი გემოვნება აქვს, მაგრამ მე ვერ მასწავლის, რა არის კარგი და რა - ცუდი. ისე გამოვიდა, რომ მათ იციან, როგორ უნდა გაკეთდეს სიმღერა გემოვნებიანად და დათიაშვილმა არ იცის. ანრი ჯოხაძესა და ეთერ კაკულიას უნდა შეესრულებინათ თავიდან "წითელი ბასანოჩკები" "პროფილში", მაგრამ ეთერ ჭელიძის შვილმა, ნინო ელბაქიძემ, უთხრა, რომ ჩვენ გვქონდა ჩაწერილი და ანრიმ უარი თქვა ამ სიმღერაზე.
- სანამ მომღერლებს შეეხმიანებოდი, "პროფილის" პროდიუსერისთვის არ დაგირეკავს?
- გვანცა კილასონია ყოფილა პროდიუსერი და ის აგვარებდა ამ საკითხებს. "არ დაიდარდოში" მივიდა და დათუნასა და ქრისტინეს ნამღერი "წითელი ბასანოჩკები" ჩაასმევინა რადიოს ბადეში, მაგრამ ჩვენი ვერსია არ ამოუღიათ, რადგან თაკო მელიქიშვილი ამ რადიოს თანამშრომელია და გარდა ამისა, თავადაც იციან თანამშრომლობა.
თაკო მელიქიშვილი:
- მეც ვფიქრობ, რომ ეს არაკოლეგიალური საქციელია, როცა იცი, რომ შენმა კოლეგებმა სიმღერა 6-7 თვის წინ ჩაწერეს. მე და გიორგის კონცერტებზე ამ სიმღერით გვიწვევენ. რადიოში პირველ ადგილზეა. საერთოდ, მომღერალი ჯერ არკვევს, ვისი სიმღერაა და მერე ასრულებს. მგონია, რომ უნდა გაეთვალისწინებინათ ჩვენი ფაქტორი.
- თქვენ ამ სიმღერის შესრულებაზე ნებართვა აღებული გქონდათ?
- ნინო ელბაქიძისგან ავიღეთ ნებართვა, მადლობა მას, რომ გვაჩუქა ეს სიმღერა, რადგან ჩვენ ის არ შეგვიძენია და ასევე ხალხს, რომ ჩვენი შესრულებით შეიყვარეს "წითელი ბასანოჩკები".
დათუნა მგელაძე:
- სანამ "პროფილისთვის" ამ სიმღერას ჩავწერდით, გიორგიმ დამირეკა და ვისაუბრეთ. მე ავუხსენი, რომ გადაცემა ამზადებდა პროექტს და მე არაფერ შუაში არ ვიყავი. ვურჩიე, გადაცემის ავტორებისთვის დაერეკა. ასე შევთანხმდით და ნორმალურად დავასრულეთ საუბარი. ის, რაც შემდეგ ითქვა, მგონი, ძალიან უხერხულია, მაგრამ, მართალი გითხრათ, ამ თემაზე მეტი კომენტარის გაკეთება აღარ მინდა.
გვანცა კილასონია, "პროფილის" პროდიუსერი:
- მთელ მსოფლიოში მიღებულია სიმღერების ქავერების შესრულება. ჩვენ ახლაც, ისევე, როგორც სხვა გადაცემების დროს, დავურეკეთ ავტორს, ამ შემთხვევაში კომპოზიტორის შვილს, ნინო ელბაქიძეს და ნებართვა სიმღერის ერთჯერადად შესრულებაზე მისგან ავიღეთ. თანაც, თავად ნინომ უკვე გაარკვია ყველაფერი და ეს საკითხი, პრობლემასაც ვერ დავარქმევ, უკვე გადაწყვეტილია.
ნინო ელბაქიძე, ეთერ ჭელიძის შვილი:
- პირველ რიგში, მინდა ხაზგასმით ვთქვა, რომ სიმღერის ეს ვარიანტი განსხვავდება პირვანდელი ვერსიისგან. დედაჩემს "წითელი ბასანოჩკები" მეგობრების წრეში არ შეუსრულებია, როგორც ეს პრესაში დაიწერა. ეს სიმღერა დედამ შექმნა აკაკი წერეთლის ლექსზე "იას სინაზე მოვსტაცე". ერთ-ერთ კინოფილმში შესრულებული ვარიანტი გიორგის მოუსმენია და არ იცოდა, რომ ეს მელოდია ეთერ ჭელიძეს ეკუთვნოდა. "წითელი ბასანოჩკები" პირველად რადიოს ეთერში მოვისმინე. რადგან გიორგი ჩემი ახლობელია, პრეტენზია არ გამომითქვამს და მივეცი უფლება, რომ სიმღერა შეესრულებინათ. მინდა ვთქვა, რომ როდესაც სიმღერა უკვე გაჰიტებულია, მერე აზრი არ აქვს, ვინმეს მისი შესრულება აუკრძალო. ზოგადად, კარგი იქნება, თუკი მანამდე მომმართავენ ხოლმე, სანამ ჩაწერას დააპირებენ, მაგრამ ამ შემთხვევას ეს არ ეხება, რადგან გიორგის არ სცოდნია, ვინ იყო სიმღერის კომპოზიტორი.
შემდეგ "პროფილიდან" დამირეკეს და ერთჯერადად გადაცემაში ამ სიმღერის შესრულების ნებართვა მთხოვეს. ამ შემთხვევაშიც არ დამიშლია. არ ვარ ის ადამიანი, რომ პრეტენზიები გამოვთქვა და ვინმეს ჩხუბი დავუწყო. ახლობლებს ვერაფერს ვეტყვი. ბევრი რამ არასწორად ხდება, მაგრამ ვერავის ავუკრძალავ "დავალ საყვარელ ქუჩებში" ან "ჭაღარა თბილისი" შეასრულონ. როგორც ვიცი, "იმედის ტალღაზე" "წითელი ბასანოჩკები" მარიკა თხელიძემ და ზუზუმაც იმღერეს. ზუზუც ასევე ჩემი ახლობელია... რა ვქნა, ვისაც უნდა, იმღეროს დედაჩემის სიმღერები (იღიმება). თუმცა კარგი იქნებოდა, ეს სიმღერა არ გაფანოღებულიყო.
- ტექსტი ვინ შეუსაბამა, იცით?
- წარმოდგენა არ მაქვს. დედაჩემზე გადაცემის მომზადებას ვაპირებ და როცა მომეცემა შესაძლებლობა, მოვყვები ამ სიმღერის ისტორიას.
ნინო მურღულია
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
