სახლი ხეზე

ინგლისის საგრაფო კენტში მცხოვრებმა არქიტექტორმა კრის უალიმ კომფორტული სახლი ხეზე ააშენა. სახლის ასაშენებლად 7 თვე და 60 000 გირვანქა სტერლინგი დაიხარჯა.

სახლში გაყვანილია წყალსადენის სისტემა და ელექტრობა. შენობა გადაჭრილ ხეებს ეყრდნობა, ინტერიერშიც ხის ელემენტებია გამოყენებული. თანამედროვე ინვენტარს ძველი ავეჯი ერწყმის და ერთი შეხედვით, პატარა, მყუდრო სახლი მდიდრულ ხუთვარსკვლავიან სასტუმროს გავს.

4 შვილის ბაბუას ხეზე სახლის აშენების იდეა გაუჩნდა, როდესაც ნახა, როგორ თამაშობდნენ მისი შვილიშვილები ხის გარშემო. როდესაც კრისის ერთ-ერთმა შვილიშვილმა ხეზე აძრომა სცადა, შეშინებულმა ბაბუამ დაუყვირა. გოგონამ ტირილი დაიწყო, მაშინ ბაბუა დაპირდა, რომ ამ ხეზე სახლს აუშენებდა, მის კენწეროზე კი საძინებელი ექნებოდა.

მომზადებულია odditycentral.com-ის მიხედვით.