10
ივნისიდღის ზოგადი ასტროლოგიური პროგნოზი
საქართველოს პრემიერ-მინისტრი ბიძინა ივანიშვილი გაზეთ "კვირის პალიტრასთან" ექსკლუზიურ ინტერვიუში ყარსი-ახალქალქის პროექტის დადებით და უარყოფით მხარეებზე საუბრობს. მისი შეფასებით, ყარსი-ახალქალაქის სარკინიგზო პროექტი საქართველოსთვის გეოპოლიტიკურად სასარგებლოა, მაგრამ პირველ ეტაპზე ეკონომიკურად ბევრ კითხვას ბადებს.
"ყარსი-ახალქალაქის სარკინიგზო პროექტი გეოპოლიტიკურად სასარგებლოა, მაგრამ ეკონომიკურად ეს ქვეყნისთვის პირველ ეტაპზე ბევრ კითხვას იწვევს. გეოპოლიტიკურად კარგია, რაც მეტი ტრანზიტი იქნება საქართველოზე, მაგრამ ეკონომიკურად, როცა ყარსის რკინიგზა გაიხსნება, ჩვენს ძველ, ტრადიციულ რკინიგზაზე, რომელიც აზერბაიჯანიდან მოდის და 2-3-ჯერ დიდია, ტვირთბრუნვა შემცირდება. ეს დაეტყობა ჩვენ პორტებსაც. აი, ეს კითხვა დგება", - აცხადებს ბიძინა ივანიშვილი ინტერვიუში.
პრემიერ-მინისტრის აზრით, პროექტი საქართველოსთვის მომავალ ეტაპზეც შეიძლება არ იყოს ეკონომიკურად საინტერესო, თუ საერთო ტვირთბრუნვა არ გაიზრდება.
"ჩვენ დღეს ძალიან კარგი ურთიერთობა გვაქვს აზერბაიჯანთან, ვაპირებთ, რომ ეს მეგობრულ და ახლო ურთიერთობაში გადავზარდოთ. ვფიქრობ, ისეთ პარტნიორთან, როგორიც აზერბაიჯანია, ჩვენ მოვახერხებთ ამ თემების დარეგულირებას", - აღნიშნა პრემიერ-მინისტრმა.
ბიძინა ივანიშვილთან ინტერვიუს სრული ვერსია 24 დეკემბერს, "კვირის პალიტრის" წლის ნომერში გამოქვეყნდება.
