მნიშვნელოვანი ინფორმაცია
28
მაისიდღის ზოგადი ასტროლოგიური პროგნოზი
ოთხშაბათი, მთვარის მეორე დღე დაიწყება 04:56-ზე, მთვარე კირჩხიბში გადავა 21:36-ზე – კარგია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. მოგზაურობა, მივლინებები. ერთ-ერთი საუკეთესო დღეა ქორწინებისთვის. ამ დღეს შექმნილი ოჯახი ძლიერი და მეგობრული იქნება. კარგია მტვერსასრუტით სახლის დალაგება, სანტექნიკის გამოცვლა. აუცილებელია ნათურების, ჭაღების გაწმენდა, აგრეთვე ჭურჭლისა და სარეცხის გარეცხვა. კარგი დღეებია მცენარეების მორწყვისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გუგა კუზანოვი: მკერდის გადიდების ამდენი ოპერაცია წინა წლებში არ მახსოვს
23:00 / 21-12-2012
ახალ წელს ყველა ადამიანი სიახლის მოლოდინითა და იმედით ხვდება. ზოგი სიახლის შეტანას გარეგნობაში ცდილობს და პლასტიკურ ქირურგს მიმართავს, ახალ წელს გარეგნობაშეცვლილი და გალამაზებული რომ შეხვდეს. იმ ცვლილებებზე, რაც 2012 წელს პლასტიკურ ქირურგიაში მოხდა, პლასტიკური ქირურგი გუგა კუზანოვი გვესაუბრება.
- როგორც ყოველ ახალ წელს, განწყობა კარგი მაქვს. 2012 წელსაც არა უშავდა... ქვეყანაშიც იყო ცვლილებები, შეიცვალა მთავრობა და ა.შ. ყველა სიახლეს დადებითად ვხვდები და იმედი მაქვს, ახალ მთავრობასთან ერთად ჩვენს ქვეყანაში ვითარება გაუმჯობესდება.
- 2012 წელს პლასტიკურ ქურურგიაში თუ იყო რაიმე ცვლილება, სიახლე?
- მსოფლიოში ყოველწლიურად, ყველა სფეროში არის წინსვლა, სიახლეები, მათ შორის იყო პლასტიკურ ქირურგიაშიც, მაგალითად, გაჩნდა ახალი ფორმის იმპლანტები, თუმცა ისეთი რამ არ მომხდარა, რომ პლასტიკური ქირურგია გადაეტრიალებინოს.
- წელს ყველაზე ხშირად რომელ პლასტიკურ ოპერაციებზე იყო მოთხოვნა?
- 2012 წელს უამრავი მკერდის გადიდება-კორექციამ მოგვიწია, ამდენი ოპერაცია წინა წლებში არ მახსოვს. ალბათ, საზოგადოება გაიზარდა და მიხვდა, რომ ეს ოპერაცია არ არის სახიფათო, რომ სისულელეა, რა საშინელებებსაც ჰყვებოდნენ იმპლანტებზე.
- ცხვირის ოპერაციის რაოდენობას გადააჭარბა?
- არა, ცხვირი ყოველთვის აქტუალურია აზერბაიჯანში, სომხეთსა და საქართველოში. საქართველოში კიდევ სულ სხვანაირად დგას ეს საკითხი: სჭირდებათ თუ არა, მოდიან და იკეთებენ, არადა, ისეთებიც მოსულან, კეხიანი ცხვირი ძალიან რომ უხდებოდათ.
- ძირითადად როგორი ცხვირის გაკეთებას გთხოვენ, ე.წ. აპრეხილის თუ სწორის?
- ჩემი პაციენტების 90 პროცენტი ითხოვს, რომ მათი ცხვირი არ ჰგავდეს ნაოპერაციებს - ბუნებრივი სურთ. არადა, წინა წლებში მასობრივად მოითხოვდნენ მონიკა ბელუჩისნაირ ცხვირს. მონიკა ბელუჩი ულამაზესი ქალია, მაგრამ ლამაზ ქალს, ცხვირის გარდა სხვა ნაკვთებიც ლამაზი აქვს. თუმცა მონიკა ბელუჩის ცხვირი შეიძლება სხვა ადამიანისთვის კატასტროფა იყოს - საშინლად არ მოუხდეს. თვალები და ცხვირი ადამიანის სავიზიტო ბარათია. თუ ცხვირი უშნო გაქვს და "ყვირის", ამას "პლაშში" ვერ დამალავ.
- ნაოპერაციები ცხვირი თუ გადაგიკეთებიათ?
- რა თქმა უნდა. როდესაც ცხვირზე ზედმეტი ხორცია მოჭრილი, ან იმპლანტებით ვავსებთ, ან ავტოქსოვილით. ავტოქსოვილის შემთხვევაში მეთორმეტე ნეკნიდან (ეს ნეკნი არაფრის მაქნისია, ტყუილად დევს სხეულში, ისევე როგორც აპენდიციტი) ვიღებთ ხრტილს, მოდელირებას ვუკეთებთ და ვდებთ ცხვირის ძგიდის ადგილას - ასე იდეალურად გამოდის. ხოლო თუ პირველი ოპერაციის შემდეგ ნესტოები აქვს ზედმეტად აჭრილი, ყურის ნიჟარიდან ვიღებთ ხრტილს და ასე ვავსებთ ცხვირის ნესტოს. ეს ყველაფერი ელიავას ბაზრობას ჰგავს, სადაც იყიდება დაშლილი ნაწილები, რომლითაც მანქანებს აწყობენ (იცინის). სხვათა შორის, უშნო ცხვირის გამოსწორება უფრო ადვილია, ვიდრე "გაფუჭებულის".
- ფეხები თუ დაგიგრძელებიათ?
- არა, და ეს ოპერაცია საქართველოში სილამაზის გამო არც გაკეთებულა.
- წინასაახალწლოდ ქალები აქტიურდებიან, სურთ გალამაზება. მაინც რა პროცედურებისთვის მოგმართავენ ხოლმე?
- ტუჩების გადიდებისთვის, რომელსაც 5 წუთი სჭირდება, ბოტოქსის ინიექციების და პატარ-პატარა ნაოჭების კორექციისთვის.
- საქალწულო აპკის აღდგენა კვლავ აქტუალურია?
- სხვათა შორის, 2012 წელს ამ ოპერაციის მსურველთა რიცხვმა იკლო, რაც მისასალმებელია. ვერ ვიტან ამ ოპერაციას და არ მესმის, რატომ აკეთებენ ამას ქალები. ამ ყველაფერში ბრალი მამაკაცებს მიუძღვით, თორემ დარწმუნებული ვარ, არც ერთ ქალს არ სურს.
- ახალ წელს რამე ოჯახური ტრადიცია გაქვთ?
- ყოველ ახალ წელს შინ, ოჯახთან ერთად ვხვდები. ივას, მამაჩემს, ასეთი ტრადიცია აქვს: ყოველ 3 იანვარს მისი უახლოესი ადამიანები, მეგობრები, ძირითადად მამაკაცები, მასთან იკრიბებიან და ხაშს მიირთმევენ. ანუ სამდღიანი ქეიფის შემდეგ ივა "ბახუსოთერაპიას" ატარებს (იცინის).
- ბატონო გუგა, თქვენს გვარზე, წარმომავლობაზე ხშირად კამათობენ...
- ვიცი, ვიცი. ზოგი ამბობს, რუსები არიანო, ზოგიც ბერძნებად მოგვიხსენიებს. რეალურად კი გვაქვს საგვარეულო გერბი, რომელიც თარიღდება 1743 წლით. კუზანოვები ვართ კახელები, ჩვენი გვარი მოდის სოფელ ველისციხიდან. ჩვენი გვარის შტო გაიყო ორად - კუზანაშვილებად და გამტკიცულაშვილებად. ეს გვარები ახლაც ცხოვრობენ ამ სოფელში. მაგრამ რუსიფიკაციის პერიოდში ჩემმა წინაპრებმა კუზანოვებად გადაიკეთეს გვარი. იმხანად ასე ხდებოდა, მაგალითად, ბარნაველებმა გვარი ბარნოვებად გადაიკეთეს და ა.შ. ჩვენი გვარის ფუძე არის "კუზ", ალბათ, რომელიმე წინაპარი კუზიანი იყო და ამიტომაც "უბოძეს" ეს გვარი (იცინის).
ნინო მაისურაძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შინაგან საქმეთა მინისტრად გელა გელაძე დაინიშნა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
