მიშა თავ­ხე­ლი­ძე და გია ხუ­ხაშ­ვი­ლი ერ­თმა­ნეთს უპი­რის­პირ­დე­ბი­ან. და­პი­რის­პი­რე­ბის მი­ზე­ზი ჩვენს ქვე­ყა­ნა­ში არ­სე­ბუ­ლი დე­მოკ­რა­ტი­ის ხა­რის­ხია. სულ ცოტა ხნის წინ გა­ზეთ "კვი­რის პა­ლიტ­რის" გა­მო­კი­თხვა­ში, თე­მას - "რო­გორ აფა­სებთ დღეს სა­ქარ­თვე­ლო­ში დე­მოკ­რა­ტი­ის ხა­რისხს?" 403 მკი­თხვე­ლი გა­მო­ეხ­მა­უ­რა. 9.9% მი­იჩ­ნევს, რომ ქვე­ყა­ნა­ში დე­მოკ­რა­ტი­ის ხა­რის­ხი მა­ღა­ლია, 24.9%-ის აზ­რით - სა­შუ­ა­ლო­ზე მა­ღა­ლია, 47.1% ფიქ­რობს, რომ სა­შუ­ა­ლოა, 7.5% სა­შუ­ა­ლო­ზე და­ბალ შე­ფა­სე­ბას აძ­ლევს, 2.4% კი ამ­ბობს, რომ დე­მოკ­რა­ტი­ის ხა­რის­ხი და­ბა­ლია. დე­მოკ­რა­ტი­ის ხა­რისხზე, ახა­ლი ჩი­ნოვ­ნი­კე­ბის გა­და­წყვე­ტი­ლე­ბებ­სა და მიმ­დი­ნა­რე მოვ­ლე­ნე­ბი­სად­მი სა­ზო­გა­დო­ე­ბის და­მო­კი­დე­ბუ­ლე­ბა­ზე მიშა თავ­ხე­ლი­ძე და გია ხუ­ხაშ­ვი­ლი გვე­სა­უბ­რე­ბი­ან.

- რო­გორ შე­ა­ფა­სებთ ქვე­ყა­ნა­ში დე­მოკ­რა­ტი­ის ხა­რისხს?

მიშა თავ­ხე­ლი­ძე:

- ახა­ლი მთავ­რო­ბა დე­მოკ­რა­ტი­უ­ლად ნამ­დვი­ლად არ იქ­ცე­ვა. ახა­ლი მი­ნის­ტრე­ბი აღ­მაშ­ფო­თე­ბელ, უპ­რე­ცე­დენ­ტო გან­ცხა­დე­ბებს აკე­თე­ბენ. სა­გა­რეო საქ­მე­თა მი­ნის­ტრი ამ­ბობს, რომ ძვე­ლი მთავ­რო­ბის წევ­რე­ბი კრი­მი­ნა­ლე­ბი არი­ან, იუს­ტი­ცი­ის მი­ნის­ტრი უდა­ნა­შა­უ­ლო­ბის პრე­ზუმფცი­ას არ­ღვევს, გე­ნე­რა­ლუ­რი პრო­კუ­რო­რი კი ტე­ლე­ვი­ზი­ით სა­უბ­რობს, ვის და­ჭე­რას აპი­რებს და რა საქ­მეს გახ­სნის. პარ­ლა­მენ­ტში კი უმ­ცი­რე­სო­ბას სრულ იგ­ნო­ნი­რე­ბას უწე­ვენ. უმ­რავ­ლე­სო­ბა "ნა­ცი­ო­ნა­ლებ­თან" თა­ნამ­შრომ­ლო­ბა­ზე უარს ამ­ბობს და კა­ნო­ნებს პი­რა­დი ინ­ტე­რე­სე­ბის გათ­ვა­ლის­წი­ნე­ბით იღე­ბენ...

გია ხუ­ხაშ­ვი­ლი:

- ჯერ და­ზუს­ტე­ბით რა­მის თქმა ძნე­ლია, მაგ­რამ ხაზ­გას­მით შე­იძ­ლე­ბა აღი­ნიშ­ნოს, რომ 1-ლი ოქ­ტომ­ბრის შემ­დეგ ბევ­რი სა­სი­კე­თო ცვლი­ლე­ბა გან­ხორ­ცი­ელ­და. რაც ყვე­ლა­ზე მნიშ­ვნე­ლო­ვა­ნია, თა­ვი­სუფ­ლად მუ­შა­ო­ბის სა­შუ­ა­ლე­ბა მი­ე­ცა ყვე­ლას, მათ შო­რის მე­დი­ის წარ­მო­მად­გენ­ლებ­საც. სა­ზო­გა­დო­ე­ბა სა­კუ­თარ წუ­ხილს ხმა­მაღ­ლა გა­მოთ­ქვამს. შე­გახ­სე­ნებთ, რომ სულ ცოტა ხნის წინ ხალ­ხს სა­ჯა­როდ სო­ცი­ა­ლურ პრობ­ლე­მებ­ზე ლა­პა­რა­კი­საც კი ეში­ნო­და. მიმ­დი­ნა­რე­ობს სა­მარ­თლი­ა­ნო­ბის აღ­დგე­ნის ძა­ლი­ან მძი­მე პრო­ცე­სი, რა­საც თან მცი­რე ხარ­ვე­ზე­ბი ახ­ლავს, თუმ­ცა დარ­წმუ­ნე­ბუ­ლი ვარ, რომ დრო­თა გან­მავ­ლო­ბა­ში ყვე­ლა­ფე­რი გა­მოს­წორ­დე­ბა.

- თქვე­ნი აზ­რით, არის თუ არა ბო­ლოდ­რო­ინ­დე­ლი და­კა­ვე­ბე­ბი პო­ლი­ტი­კუ­რად მო­ტი­ვი­რე­ბუ­ლი?

მიშა თავ­ხე­ლი­ძე:

- რა თქმა უნდა, არის. ქვე­ყა­ნა­ში შერ­ჩე­ვი­თი მარ­თლმსა­ჯუ­ლე­ბაა. ყო­ფი­ლი ჩი­ნოვ­ნი­კე­ბი­დან და "ნაც­მოძ­რა­ო­ბის" წევ­რე­ბი­დან უკვე 30-ზე მეტი ადა­მი­ა­ნია დას­ჯი­ლი. თვალ­ში სა­ცე­მია, რომ პრო­კუ­რა­ტუ­რა ასე­თი­ვე მონ­დო­მე­ბით არ იძი­ებს იმ საქ­მე­ებს, სა­დაც შე­საძ­ლოა, "ქარ­თუ­ლი ოც­ნე­ბის" ან სხვა ოპო­ზი­ცი­უ­რი ძა­ლის წარ­მო­მად­გენ­ლის და­ნა­შა­უ­ლებ­რი­ვი ქმე­დე­ბა გა­მო­იკ­ვე­თოს.

გია ხუ­ხაშ­ვი­ლი:

- არა­სე­რი­ო­ზუ­ლია იმის თქმა, რომ ბო­ლოდ­რო­ინ­დე­ლი და­კა­ვე­ბე­ბი პო­ლი­ტი­კუ­რა­დაა მო­ტი­ვი­რე­ბუ­ლი. ჩვენ ჯერ კი­დევ ძა­ლი­ან კარ­გად გვახ­სოვს, რო­გო­რი იყო სა­ა­კაშ­ვი­ლის ხე­ლი­სუფ­ლე­ბის რე­ჟი­მი და მათი მოქ­მე­დე­ბის მე­თო­დე­ბი. ნამ­დვი­ლად ვერ ვხე­დავ პო­ლი­ტი­კუ­რი დევ­ნის ნიშ­ნებს. ერთი ადა­მი­ა­ნიც კი არ არის უსა­მარ­თლოდ და­კა­ვე­ბუ­ლი. პი­რი­ქით, დამ­ნა­შა­ვე­ებ­მა გი­რა­ოს გა­დახ­დით თავი პა­ტიმ­რო­ბას და­აღ­წი­ეს. ბევ­რი მათ­გა­ნი, რო­მე­ლიც უშუ­ა­ლოდ მო­ნა­წი­ლე­ობ­და რეპ­რე­სი­უ­ლი მან­ქა­ნის მუ­შა­ო­ბა­ში, ჯერ კი­დევ თა­ვი­სუ­ფა­ლია. ასეთ სი­ტუ­ა­ცი­ა­ში პო­ლი­ტი­კურ დევ­ნა­ზე სა­უ­ბა­რი სა­სა­ცი­ლოა.

- რო­გორ გგო­ნი­ათ, რის სა­ფუძ­ველ­ზე ამ­ბობს ივა­ნიშ­ვი­ლი, რომ მო­მა­ვალ არ­ჩევ­ნებ­ში "ქარ­თულ ოც­ნე­ბას" სე­რი­ო­ზუ­ლი კონ­კუ­რენ­ტი არ ეყო­ლე­ბა?

მიშა თავ­ხე­ლი­ძე:

- ივა­ნიშ­ვი­ლის ოც­ნე­ბაა, რომ პო­ლი­ტი­კურ სპექტრში მის­გან და­მო­უ­კი­დე­ბე­ლი პო­ლი­ტი­კუ­რი ძალა არ არ­სე­ბობ­დეს. მას სურს, რომ ყვე­ლა პო­ლი­ტი­კო­სი, ვი­საც რა­მის გა­კე­თე­ბა უნდა, მას­თან მი­დი­ო­დეს ნე­ბარ­თვი­სა და მო­წყა­ლე­ბის მი­სა­ღე­ბად. ივა­ნიშ­ვი­ლის მე­სა­ი­დუმ­ლე არ ვარ, მაგ­რამ რო­გორც მისი სა­უბ­რე­ბი­დან ირ­კვე­ვა, თავს ქარ­თვე­ლი ერის მა­მად მი­იჩ­ნევს და ფიქ­რობს, რომ ნე­ბის­მი­ე­რი პო­ლი­ტი­კუ­რი ძალა კურ­თხე­ვას მის­გან უნდა იღებ­დეს. ამ ოც­ნე­ბის აღ­სას­რუ­ლებ­ლად პირ­ველ რიგ­ში "ნაც­მოძ­რა­ო­ბის" მარ­გი­ნა­ლი­ზა­ცი­ას ან დაშ­ლას შე­ეც­დე­ბა, შემ­დეგ კი "ქარ­თუ­ლი ოც­ნე­ბის". დიახ, მას ძლი­ე­რი და და­მო­უ­კი­დე­ბე­ლი "ქარ­თუ­ლი ოც­ნე­ბა" ისე­ვე არ სჭირ­დე­ბა, რო­გორც "ნაც­მოძ­რა­ო­ბა".

გია ხუ­ხაშ­ვი­ლი:

- ბა­ტონ ბი­ძი­ნას სრუ­ლი სა­ფუძ­ვე­ლი ჰქონ­და ეთ­ქვა, რომ "ქარ­თულ ოც­ნე­ბას" მო­მა­ვალ არ­ჩევ­ნებ­ში კონ­კუ­რენ­ტი არ ეყო­ლე­ბა. ამა­ზე დღე­ვან­დე­ლი რე­ა­ლო­ბა მე­ტყვე­ლებს. არ არის გა­მო­რი­ცხუ­ლი, რომ დრო­თა გან­მავ­ლო­ბა­ში ახა­ლი პო­ლი­ტი­კუ­რი ძალა ჩა­მო­ყა­ლიბ­დეს.

- რამ­დე­ნად მარ­თე­ბუ­ლად მი­იჩ­ნევთ პრე­ზი­დენ­ტის­თვის ორი­დან ერთი თვითმფრი­ნა­ვის ჩა­მორ­თმე­ვის ფაქტს?

მიშა თავ­ხე­ლი­ძე:

- ივა­ნიშ­ვი­ლი ქვეყ­ნის ბედ­ზე კი არა, სა­ა­კაშ­ვი­ლის, ბო­კე­რი­ა­სა და კი­დევ რამ­დე­ნი­მე ადა­მი­ა­ნის მი­მართ შუ­რის­ძი­ე­ბა­ზე ფიქ­რობს. პრე­ზი­დენ­ტის თვითმფრი­ნა­ვის შე­ნახ­ვა რამ­დე­ნი­მე მი­ლი­ო­ნი ჯდე­ბა. თუ ხელ­ფა­სი მხო­ლოდ 20 ლარი გაქვს, იტყვი, რომ ეს ძა­ლი­ან დიდი თან­ხაა, მაგ­რამ 8-მი­ლი­არ­დი­ა­ნი ბი­უ­ჯე­ტის­თვის უმ­ნიშ­ვნე­ლოა. ივა­ნიშ­ვი­ლი თა­ვი­სი­ვე მთავ­რო­ბის მიერ შექ­მნილ 2013 წლის ბი­უ­ჯეტ­ში 740 მი­ლი­ონ ლარს მთავ­რო­ბის ახა­ლი ინი­ცი­ა­ტი­ვე­ბის­თვის გა­მო­ყოფს. რად­გან მის გარ­და ხე­ლი­სუფ­ლე­ბა­ში გა­და­წყვე­ტი­ლე­ბებს რე­ა­ლუ­რად არა­ვინ იღებს, გა­მო­დის, რომ ამ კაც­მა თა­ვი­სი­ვე იდე­ე­ბის­თვის გა­მო­ყო თით­ქმის მი­ლი­არ­დი ლარი. ასეთ დროს, იმის თქმა, რომ ქვე­ყა­ნას პრე­ზი­დენ­ტის თვითმფრი­ნა­ვის შე­სა­ნა­ხი ფული არა აქვს, სა­სა­ცი­ლოა.

გია ხუ­ხაშ­ვი­ლი:

- მე თუ მკი­თხავთ, მი­ხე­ილ სა­ა­კაშ­ვილს ერთი თვითმფრი­ნა­ვიც არ სჭირ­დე­ბა. შე­გახ­სე­ნებთ, რომ პრე­ზი­დენ­ტად კურ­თხე­ვის დროს თა­ვად­ვე თქვა, - ხალ­ხის­თვის გან­კუთ­ვნი­ლი რე­ი­სე­ბით უნდა ვი­სარ­გებ­ლოო. სხვა­თა შო­რის, თა­ვი­დან მეტ­რო­თიც ხში­რად და­დი­ო­და. ეს ხუმ­რო­ბით, მაგ­რამ ორი თვითმფრი­ნა­ვი მა­ინც გა­და­მე­ტე­ბუ­ლი ფუ­ფუ­ნე­ბაა. მით უფრო, თუ მარ­შრუ­ტე­ბი მრა­ვალ­ფე­რო­ვა­ნია და ფრე­ნე­ბი ეგ­ზო­ტი­კურ ქვეყ­ნებ­შია გან­ხორ­ცი­ე­ლე­ბუ­ლი. მე თუ მკი­თხავთ, პრე­ზი­დენტს მხო­ლოდ ერთი, ისიც პრე­მი­ერ­თან სა­ზი­ა­რო თვითმფრი­ნა­ვი უნდა ჰქონ­დეს. ალ­ბათ და­მერ­წმუ­ნე­ბით, რომ დღეს ივა­ნიშ­ვი­ლის ვი­ზი­ტე­ბი ბევ­რად უფრო მნიშ­ვნე­ლო­ვა­ნია, ვიდ­რე სა­ა­კაშ­ვი­ლის.

- რას ფიქ­რობთ, 1-ელ ოქ­ტომ­ბრამ­დე მი­ხე­ილ სა­ა­კაშ­ვი­ლი სა­ქარ­თვე­ლოს პრე­ზი­დენ­ტის შე­სა­ფე­რი­სად ცხოვ­რობ­და?

მიშა თავ­ხე­ლი­ძე:

- ივა­ნიშ­ვი­ლი ია­პო­ნე­ლი არ­ქი­ტექ­ტო­რის მიერ აშე­ნე­ბულ შუ­შის სა­სახ­ლე­ში ცხოვ­რობს. მე­ტყვით, რომ ეს მან თა­ვი­სი ფუ­ლით აი­შე­ნა. კი ბა­ტო­ნო, ასეც არის, მაგ­რამ ახა­ლი ხე­ლი­სუფ­ლე­ბის სხვა წარ­მო­მად­გენ­ლებ­მა ისე­თი რა გა­ა­კე­თეს, რომ "ტო­ი­ო­ტა ლენდ კრუ­ი­ზე­რის" ახა­ლი ჯი­პე­ბი ჩა­მო­ი­რი­გეს? სა­სა­ცი­ლოა, რომ ეს ხალ­ხი პრე­ზი­დენტს თვითმფრი­ნავ­სა და სა­სახ­ლის გა­ნა­თე­ბას აყ­ვედ­რის.

გია ხუ­ხაშ­ვი­ლი:

- სა­ა­კაშ­ვი­ლი ნე­ბის­მი­ე­რი, ძლი­ე­რი, წელ­გა­მარ­თუ­ლი სა­ხელ­მწი­ფოს პრე­ზი­დენტზე უფრო მეტ ფუ­ფუ­ნე­ბა­ში ცხოვ­რობ­და. მა­შინ, რო­დე­საც მის ხალ­ხს უკი­დუ­რე­სად უჭირ­და, ის ქვეყ­ნის ბი­უ­ჯე­ტი­დან ათე­უ­ლო­ბით თუU ასე­უ­ლო­ბით მი­ლი­ონს მხო­ლოდ სა­კუ­თა­რი ხუშ­ტუ­რე­ბის­თვის ხარ­ჯავ­და. მისი არა­სე­რი­ო­ზუ­ლი ქმე­დე­ბე­ბი კი თი­თო­ე­უ­ლი ჩვენ­გა­ნის სო­ცი­ა­ლურ და ეკო­ნო­მი­კურ მდგო­მა­რე­ო­ბა­ზე აი­სა­ხე­ბო­და.

- NDI-ს კვლე­ვე­ბის მი­ხედ­ვით, ბი­ძი­ნა ივა­ნიშ­ვი­ლი რეს­პონ­დენ­ტთა 80 პრო­ცენტს მოს­წონს, მი­ხე­ილ სა­ა­კაშ­ვი­ლი კი - 29 პრო­ცენტს. თქვენ რას იტყვით ამის შე­სა­ხებ?

მიშა თავ­ხე­ლი­ძე:

- ასე­თი შე­დე­გი გან­პი­რო­ბე­ბუ­ლია იმით, რომ ქარ­თვე­ლე­ბის უმ­რავ­ლე­სო­ბა ჯერ საბ­ჭო­თა კავ­ში­რის ეპო­ქა­შია ჩარ­ჩე­ნი­ლი.

გია ხუ­ხაშ­ვი­ლი:

- ეს კონ­კრე­ტუ­ლი კვლე­ვა რე­ა­ლო­ბას ჰგავს, მაგ­რამ არ ვიცი, რამ­დე­ნად ზუს­ტია ის.

- NDI-ის კვლე­ვე­ბის მი­ხედ­ვით, პრე­ზი­დენ­ტი სა­ა­კაშ­ვი­ლი აგ­ვის­ტო­ში გა­მო­კი­თხულ­თა 61 პრო­ცენტს მოს­წონ­და, ბოლო კვლე­ვის მი­ხედ­ვით მას ახლა მხო­ლოდ 29 პრო­ცენ­ტი აქვს. რით არის ეს გან­პი­რო­ბე­ბუ­ლი?

მიშა თავ­ხე­ლი­ძე:

- იმით, რომ ქარ­თვე­ლე­ბის ნა­წი­ლი ნე­ბის­მი­ერ პო­ლი­ტი­კოს­ში მე­სი­ას ეძებს და მხარს იმას უჭერს, ვინც "მე­სი­ე­ბის შე­ჯიბ­რე­ბა­ში" გა­ი­მარ­ჯვებს. აგ­ვის­ტო­ში გა­მარ­თულ "მე­სი­ე­ბის სო­ცი­ა­ლის­ტურ შე­ჯიბ­რე­ბა­ში" იმარ­ჯვებ­და სა­ა­კაშ­ვი­ლი და ხალ­ხიც მას უჭერ­და მხარს. ისე მოხ­და, რომ შე­ჯიბ­რე­ბა­ში ივა­ნიშ­ვი­ლი და­წი­ნა­ურ­და და გა­ი­მარ­ჯვა, ჰოდა, ხალ­ხმაც მას და­უ­ჭი­რა მხა­რი. თუმ­ცა, ისიც უნდა ვთქვა, რომ "ნაც­მოძ­რა­ო­ბა" არ­ჩევ­ნებ­ში და­მარ­ცხე­ბის გამო შო­კი­დან ვერ გა­მო­ვი­და, ძალა ვერ მო­იკ­რი­ბა სა­ი­მი­სოდ, რომ სა­ზო­გა­დო­ე­ბას ახა­ლი, მკა­ფიო იდე­ო­ლო­გი­უ­რი პლატ­ფორ­მი­თა და ახა­ლი გეგ­მე­ბით წა­რუდ­გეს. იმე­დია, რა­მეს იზა­მენ, თო­რემ ძა­ლი­ან სამ­წუ­ხა­რო იქ­ნე­ბა, თუ "ქარ­თუ­ლი ოც­ნე­ბა", - ეს არა­ბუ­ნებ­რი­ვი პო­ლი­ტი­კუ­რი გა­ერ­თი­ა­ნე­ბა ქვე­ყა­ნა­ში დო­მი­ნანტ ძა­ლად დარ­ჩე­ბა.

გია ხუ­ხაშ­ვი­ლი:

- NDI-ის კვლე­ვის მე­თო­დე­ბი ჩემ­თვის სრუ­ლი­ად გა­უ­გე­ბა­რია. გა­საკ­ვი­რი არ არის, რომ დღეს ივა­ნიშ­ვი­ლი სა­ა­კაშ­ვილ­ზე გა­ცი­ლე­ბით დიდი რე­ი­ტინ­გით სარ­გებ­ლობს, მაგ­რამ სა­ინ­ტე­რე­სოა, ორი თუ სამი თვის წინ სრუ­ლი­ად გან­სხვა­ვე­ბუ­ლი შე­დე­გე­ბი რა­ტომ და­დეს? პირ­და­პირ გე­ტყვით, რომ ამ ორ­გა­ნი­ზა­ცი­ის კვლე­ვე­ბის შე­დე­გე­ბი ქარ­თვე­ლი ხალ­ხის­თვის შე­უ­რა­ცხმყო­ფე­ლია. ე.ი. გვე­უბ­ნე­ბი­ან, რომ ქარ­თვე­ლი ხალ­ხი თა­ვის შე­ხე­დუ­ლე­ბას იმის­და მი­ხედ­ვით იც­ვლის, თუ ვინ არის ხე­ლი­სუფ­ლე­ბა­ში.

- სა­ქარ­თვე­ლოს პრე­მი­ერ-მი­ნის­ტრის სპე­ცი­ა­ლურ­მა წარ­მო­მად­გე­ნელ­მა რუ­სეთ­თან ურ­თი­ერ­თო­ბა­ში, ზუ­რაბ აბა­ში­ძემ გა­ნა­ცხა­და, პირ­ველ­მა შეხ­ვედ­რამ გვაჩ­ვე­ნა, რომ დი­ა­ლო­გი შე­საძ­ლე­ბე­ლი­აო. თქვე­ნი პო­ზი­ცია რო­გო­რია ამ სა­კი­თხთან და­კავ­ში­რე­ბით?

მიშა თავ­ხე­ლი­ძე:

- რუ­სეთ-სა­ქარ­თვე­ლოს შო­რის დი­ა­ლო­გი წლე­ბის გან­მავ­ლო­ბა­ში მიმ­დი­ნა­რე­ობ­და ჟე­ნე­ვის მო­ლა­პა­რა­კე­ბის ფარ­გლებ­ში. რუ­სე­თი 2008 წელს სა­ქარ­თვე­ლო­ში გან­ხორ­ცი­ე­ლე­ბუ­ლი აგ­რე­სი­ის გამო და­სავ­ლე­თის მხრი­დან გან­სა­კუთ­რე­ბულ ზე­წო­ლას გა­მუდ­მე­ბით გა­ნიც­დი­და და გა­მუდ­მე­ბით ცდი­ლობ­და, აქ­ცენ­ტი სხვა რა­მე­ზე გა­და­ე­ტა­ნა. ახლა რუ­სეთს სა­შუ­ა­ლე­ბა ეძ­ლე­ვა, ამ ე.წ. დი­ა­ლო­გის სა­შუ­ა­ლე­ბით მსოფ­ლი­ოს უთხრას, რომ სა­ქარ­თვე­ლოს­თან თა­ვად აგ­ვა­რებს პრობ­ლე­მას და სხვე­ბის ჩა­რე­ვა სა­ჭი­რო არ არის...

გია ხუ­ხაშ­ვი­ლი:

- შე­დე­გი იქ­ნე­ბა თუ არა, დი­ა­ლო­გის და­წყე­ბა მა­ინც აუ­ცი­ლე­ბე­ლია. მე­გობ­რებ­თან ლა­პა­რა­კი ძა­ლი­ან ად­ვი­ლია, რთუ­ლი სწო­რედ მტერ­თან დი­ა­ლო­გის და­წყე­ბაა. წი­ნას­წა­რი სკეპ­ტი­ციზ­მი, რომ ამ დი­ა­ლოგს აზრი არა აქვს, დესტრუქ­ცი­უ­ლია. "ნა­ცი­ო­ნა­ლე­ბი" რუ­სეთ­თან დი­ა­ლოგს არ აწარ­მო­ებ­დნენ. ეს იყო რუ­სუ­ლი და ქარ­თუ­ლი მხა­რე­ე­ბის მო­ნო­ლო­გი, რო­მელ­საც ორი­ვე მხრი­დან ყო­ველ­თვის არა­დიპ­ლო­მა­ტი­უ­რი გან­ცხა­დე­ბე­ბი მოჰ­ყვე­ბო­და. ახა­ლი ხე­ლი­სუფ­ლე­ბა ნამ­დვი­ლი დი­ა­ლო­გის და­წყე­ბას ცდი­ლობს. უსა­ფუძ­ვლო ნამ­დვი­ლად არ არის შიში, რომ რუ­სებ­მა ეს დი­ა­ლო­გი შე­საძ­ლოა, სა­თა­ვი­სოდ გა­მო­ი­ყე­ნონ, - არც გა­საკ­ვი­რია. ასე­თი საფრ­თხე მხო­ლოდ რუ­სეთ­თან კი არა, ნე­ბის­მი­ერ ქვე­ყა­ნას­თან მო­ლა­პა­რა­კე­ბის დროს არ­სე­ბობს. ამი­ტომ არის აუ­ცი­ლე­ბე­ლი, რომ პრო­ცეს­ში პრო­ფე­სი­ო­ნა­ლე­ბი ჩავ­რთოთ, რომ­ლე­ბიც ქვეყ­ნის ეროვ­ნულ ინ­ტე­რე­სებს არ დათ­მო­ბენ.

ხა­თუ­ნა ბახ­ტუ­რი­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)