მნიშვნელოვანი ინფორმაცია
10
ივლისიდღის ზოგადი ასტროლოგიური პროგნოზი
10 ივლისი, ხუთშაბათი, მთვარის მეთექვსმეტე დღე დაიწყება 22:46-ზე – დაასრულეთ დაუსრულებელი დავალებები. მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ფულადი ოპერაციები. დოკუმენტების, კონტრაქტებისა და ხელშეკრულებების გაფორმება. მივლინება. მოლაპარაკებების წარმოება. მუშაობის დაწყება ახალ ადგილას. უარყოფითი ემოციების გამოვლენა. არ არის რეკომენდებული ცხოველური საკვების მიღება. დღის მენიუ უნდა შედგებოდეს ხილისა და ბოსტნეულისგან. დღეს ურთიერთობების დალაგებას და კამათს აზრი არა აქვს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ გადავიდა ლიკა ლაბაძე საზოგადოებრივი მაუწყებლიდან "იმედზე"
23:15 / 21-12-2012
მოცეკვავემ და ტელეწამყვანმა - ლიკა ლაბაძემ საზოგადოებრივი მაუწყებლის დილის გადაცემა დატოვა და "იმედზე", ახალ დილის გადაცემაში გადავიდა. ამბობს, რომ ამის მიზეზი მხოლოდ და მხოლოდ კარიერაში სიახლისა და ცვლილებების სურვილი იყო.
- არხიდან ყოველგვარი კონფლიქტის გარეშე, მშვიდობიანად წამოვედი. უბრალოდ, შემომთავაზეს, მუშაობა "იმედის" დილის გადაცემაში დამეწყო და მეც, ეს შანსი ხელიდან არ გავუშვი. ჩავთვალე, რომ კარიერაში ცვლილება იყო საჭირო. მინდოდა, სხვა არხზე და სხვა ფორმატის გადაცემაში მომესინჯა ძალები. ზოგადად, ცვლილება და სიახლე მიყვარს. ისე, არც იმას დავივიწყებ, რომ "პირველ არხზე" ავიდგი ფეხი და ამ ტელევიზიის ყოველთვის მადლობელი ვიქნები.
- "ახალი დილა" როდის დაიწყება?
- იანვრიდან. ეს გადაცემა ძალიან დინამიკური, ხალისიანი და სხვადასხვა თემით დატვირთული იქნება.
- შენი გადაწყვეტილება გარკვეულ რისკს არ შეიცავდა? ვგულისხმობ იმას, რომ დატოვე სტაბილური სამსახური და გადახვედი არხზე, რომელიც ჯერჯერობით, მთლად წელში გამართული ვერ არის...
- ნამდვილად ასეა! არხი მართლაც, თითქმის თავიდან იწყებს ჩამოყალიბებას, მაგრამ ამ ეტაპზე ასე ჩავთვალე საჭიროდ სწორედ იმ მიზეზების გამო, რაც უკვე გითხარით.
- ვიცი, რომ პროექტის - "ახალი ხმა" შესარჩევ ტურებში მონაწილეობდი, თუმცა ეკრანზე არ გამოჩენილხარ...
- დიახ. ორივე შესარჩევი ტური გადავლახე, მაგრამ ბოლოს, ვიფიქრე, რომ ჯერ ისე კარგად არ ვიყავი მომზადებული, რომ გამერისკა და საზოგადოების წინაშე წარვმდგარიყავი და ხალხზე დიდი შთაბეჭდილება მომეხდინა. როცა ჩავთვლი, რომ საამისოდ მზად ვარ ან ისევ კონკურსში მივიღებ მონაწილეობას, ან დამოუკიდებლად დავიწყებ სასცენო კარიერას.
- თუკი ორივე ტური გადალახე, ეს იმას ნიშნავს, რომ შემდეგ ტურებში მონაწილეობის მიღება ღირდა...
- როგორც ჩანს, გულმა მიგრძნო, რომ ძლიერი კონკურენტები მეყოლებოდა. გადაცემას თვალს ვადევნებდი და ვფიქრობდი, რომ "ახალ ხმაში" დიდხანს ვერ ვიქნებოდი, პროექტს მალე დავტოვებდი და ამის გადატანა გამიჭირდებოდა. თანაც, მეუბნებოდნენ, რომ საზოგადოება ჩემგან ბევრს მოითხოვდა, მე კი იმდენს ვერ გავაკეთებდი, როგორც ეს ცეკვის შემთხვევაში შევძელი. მიხარია, რომ ამას თავის დროზე მივხვდი. არ მინდოდა, ვინმეს ეთქვა, - შემდეგ ტურში მხოლოდ იმიტომ გადაიყვანეს, რომ უკვე პოპულარულიაო...
- თავად ორგანიზატორებმა არ გირჩიეს პროექტში დარჩენა?
- როგორ არა! თითქმის ყველა მირჩევდა, ბრძოლა გამეგრძელებინა. ალბათ, პროექტისთვის კარგიც იქნებოდა, მასში მონაწილეობას თუ მივიღებდი, მაგრამ გადაწყვეტილება არ შევცვალე...
- შენს კარიერაში კიდევ რაიმე სიახლე ხომ არ არის?
- მე და სოფო ტოროშელიძე (ჯგუფ "ელდრაინის" სოლისტი. - ავტ.) იანვარში სტუდიას გავხსნით: ეს იქნება 10-დან 20 წლამდე მოზარდებისთვის. მთავარი ის არის, რომ შევეცდებით, მომავალ მომღერლებს ცეკვისა და სიმღერის ერთდროულად კარგად შესრულების აუცილებლობა შთავაგონოთ. სტუდიის სახელი Teens Club იქნება.
შორენა ლაბაძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
