16
ივლისიდღის ზოგადი ასტროლოგიური პროგნოზი
ახმეტის რაიონის სოფელ ზემო ალვანში სტალინის განახლებული ძეგლი გაიხსნა. კახეთის საინფორმაციო ცენტრის ცნობით, ძეგლის გახსნას პარტია "თავისუფალი საქართველოს" ლიდერი კახა კუკავა და საზოგადოება "სტალინელის" თავმჯდომარე გრიშა ონიანი დაესწრნენ.
"ობიექტური წარსული არ უნდა დავივიწყოთ, ეს არის ჩვენი ისტორია და არავის აქვს უფლება ეს ძეგლი აიღოს", – განაცხადა კახა კუკავამ. ძეგლთან სოფელ ზემო ალვანში მცხოვრები 60-მდე ადამიანი შეიკრიბა. მათ სტალინის ძეგლი გვირგვინით შეამკეს.
სტალინის ძეგლის აღდგენის ფაქტის გასაშუქებლად ზემო ალვანში უცხოური მედიასაშუალებების რეპორტიორებიც ჩავიდნენ.
შეგახსენებთ, რომ ზემო ალვნიდან 2011 წლის 16 ივნისს, ღამით, ფარულად აღებული ძეგლი, თუშებმა სოფლის ცენტრში 2012 წლის 1 ოქტომბრის საპარლამენტო არჩევნების შემდეგ, 25 ნოემბერს დააბრუნეს. ძეგლი დაზიანებული იყო. ზემო ალვანის მაცხოვრებლებმა ძეგლი და მემორიალი სოფელში შეგროვებული თანხით აღადგინეს.
