6
ივნისიდღის ზოგადი ასტროლოგიური პროგნოზი
ჟურნალ "ლიბერალის" მთავარი რედაქტორი შორენა შავერდაშვილი, სოციალურ ქსელ "ფეისბუქში" საზოგადოებრივი მაუწყებლის დირექტორის არჩევასთან დაკავშირებით სამეურვეო საბჭოს უპასუხისმგებლობაზე საუბრობს. მისი განცხადებით, საბჭო ელემენტალურ საჯარო ინტერესების დაცვას არ უზრუნველყოფს.
"დღესვე შეირჩა საზოგადოებრივი მაუწყებლის დირექტორობის კანდიდატების შორტ-ლისტი, ცოტა ხნის წინ დასრულდა საბჭოს სხდომა... ხვალ და ზეგ უკვე ამ 5 კანდიდატის მოსმენაა დაგეგმილი, საბჭოზე... ისე მიარიხინებენ ამ პროცესს, რომ არ იქნება არც საჯარო თუ სატელევიზიო დებატები დირექტორობის კანდიდატებს შორის და არც კანდიდატებს ექნებათ დრო მოემზადონ გასაუბრებებისთვის... ამისთვის მათ 24 საათზე ნაკლები მისცეს - ერთი საათის წინ შეატყობინეს, რომ ხვალ უნდა გამოცხადნენ გასაუბრებაზე! ვერც მედია მოასწრებს კუდის მოქნევას, რომ კანდიდატებისა თუ პროცესის შესახებ ილაპარაკოს! მოკლედ, ისევ არ არსებობს არჩევნების პროცესი და ისევ დანიშნავენ დირექტორს!",- წერს შავერდაშვილი სოციალურ ქსელში და დასძენს, "ისევ სრულიად უპასუხისმგებლოდ იქცევა საბჭო და არ უზრუნველყოფს ელემენტალურ საჯარო ინტერესების დაცვას!".
საზოგადოებრივი მაუწყებლის დირექტორის მეორე ტურში გადასულ კანდიდატებთან გასაუბრება, დღეს საღამოს 6 საათზე დაიწყება და ორი დღე გაგრძელდება. პირველი ტური ხუთმა კანდიდატმა - ნიკოლოზ მახარაშვილმა, მეგი თადგირიძემ, თიკა რუხაძემ, ნათია აბრამიამ და გიორგი ბარათაშვილმა გადალახეს.
