5
ივნისიდღის ზოგადი ასტროლოგიური პროგნოზი
"კახეთის რეგიონული განვითარების პროექტს" ფინანსური პოლიცია სწავლობს. რეგიონული განვითარებისა და ინფრასტრუქტურის საზოგადოებასთან ურთიერთობის სამსახურის უფროსის მოადგილის, მეგი კიკაჩეიშვილის განცხადებით, პროექტში აღმოჩენილი ხარვეზები უკვე მიეწოდა საფინანსო პოლიციას, თუმცა თუ რა ეტაპზეა აღნიშნული საქმის განხილვა, უცნობია.
თელავში ნადიკვრის პარკის გახსნას პირადად საქართველოს პრეზიდენტი, მიხეილ სააკაშვილი დაესწრო, თუმცა პარკი დღეს სავალალო დგომარეობაშია - ადგილზე სამშენებლო მასალების ნარჩენებია მიტოვებული, რაც მოქალაქეების უკმაყოფილებას იწვევს. აღნიშნულ საკითხთან დაკავშირებით კითხვები აქვს ფინანსთა სამინისტროსაც.
აღნიშნულთან დაკავშირებით თელაველები უკმაყოფილებას გამოთქვამენ. როგორც მოსახლეობა აცხადებს, პარკში მდებარე ატრაქციონები მხოლოდ პრეზიდენტის ვიზიტის დროს მუშაობდა.
რეგიონული განვითარებისა და ინფრასტქრუტურის მინისტრმა დავით ნარმანიამ და მისმა მოადგილემ შოთა მურღულიამ ერთ-ერთ პრესკონფერენციაზე განაცხადეს, რომ "კახეთის რეგიონული განვითარების პროექტის" განხორციელებისას გაფორმებულ ხელშეკრულებაში დარღვევები იყო აღმოჩენილი. შურღაიას თქმით, ნადიკვრის პარკის 4,6 მლნ ლარის ღირებულების პროექტში განსხვავებამ 700 000 ლარი შეადგინა.
