2
ივნისიდღის ზოგადი ასტროლოგიური პროგნოზი
უფლებადამცველ ლია მუხაშავრიას იმედი ჰქონდა, რომ ამნისტიის შედეგად მინიმუმ ორჯერ მეტი პატიმარი გათავისუფლდებოდა, სხვებს კი სასჯელი გაუნახევრდებოდათ, - ამის შესახებ მუხაშავრიამ "ინტერპრესნიუსს" პარლამენტში ამნისტიის კანონპროექტთან დაკავშირებით დღეს მიღებული გადაწყვეტილების კომენტირებისას განუცხადა.
"იმის გამო, რომ ბოლო წლებში ჩვენთან სასამართლო პრაქტიკულად არ ფუნქციონირებდა და გადასინჯვის მექანიზმი ჯერ არ შექმნილა, დიდი იმედი მქონდა, რომ ამნისტია უფრო ფართო, მისი პოლიტიკა კი უფრო შემწყნარებლური იქნებოდა. როდესაც შეკრებითობის პრინციპი არსებობდა და სასჯელები დაჯამებულია, ეს ძალიან მცირე ვადაა და პატიმრებს პრაქტიკულად არანაირ შეღავათს არ უკეთებს", - აღნიშნა მუხაშავრიამ.
მისივე აზრით, თუ ამნისტიას პარალელურად სხვა ჰუმანური ნაბიჯები არ მოჰყვება, "ქართულ ოცნებას" მხარდამჭერები მოაკლდება და მისი რეიტინგი დაეცემა.
სასჯელის 1/4-ით შემცირება იმ პატიმრებსაც შეეხებათ, რომლებსაც "ამნისტიის შესახებ" პროექტით გათვალისწინებული მუხლები არც ერთი ფორმით არ ეხებოდათ. შესაბამისი გადაწყვეტილება იურიდიულ საკითხთა საპარლამენტო კომიტეტის დღევანდელ სხდომაზე მიიღეს.
"ამნისტია მსჯავრდებულთა ძალიან დიდ ნაწილს ეხება და მცირეს - არა. უსამართლობა იქნება, ვინმეს გამოტოვება, ამიტომ მიმაჩნია, რომ სამართლიანი გადაწყვეტილებაა მიღებული", - აცხადებს პროექტის ერთ-ერთი ავტორი ეკა ბესელია.
სასჯელის 1/4-ით შემსუბუქება მხოლოდ ისეთ მსჯავრდებულებს ვერ შეეხებათ, რომელთა მიმართ "სისხლის სამართლის კოდექსით" თავისუფლების უვადოდ აღკვეთაა გათვალისწინებული.
