18
ივნისიდღის ზოგადი ასტროლოგიური პროგნოზი
ლოპოტას ხეობაში სპეცოპერაციის შედეგად ლიკვიდირებული ასლან მარგოშვილის და ბაჰაუდინ ალდამოვის მშობლები საქმის გამოძიების მსვლელობით უკმაყოფილოები არიან. როგორც მერაბ მარგოშვილმა კახეთის საინფორმაციო ცენტრთან საუბრისას განაცხადა, ხალხი, ვინც ამ საქმეში ფიგურირებდა, თანამდებობებს ინარჩუნებენ.
"არანაირი ინფორმაცია არ მაქვს. ისიც არ ვიცი, ვინმე დაიკითხა ამ საქმის ირგვლივ თუ არა. მქონდა მოლოდინი, რომ ახალი ხელისუფლება ამ საქმეს გამოიძიებდა. რამდენჯერმე თქვეს, რომ ამ საქმეს პირველ რიგში გამოიძიებდნენ. ახმეტაში ჩამოსვლის დროს პირადად ივანიშვილმა თქვა. ამის შემდეგ კიდევ ბევრმა გაიმეორა. ის ხალხი, ვინც ამ საქმეში ფიგურირებს, კვლავ თანამდებობებზე რჩებიან. ძველი ხელისუფლება რომ ყოფილიყო, დარწმუნებული ვარ, რომ ერთ-ორ კაცს მაინც გაათავისუფლებდნენ, ვისი დაუდევრობითაც ვითომ ეს ხალხი გადავიდა ლოპოტას ხეობაში, ისე რომ ვერავინ ვერ გაიგო", - აცხადებს მერაბ მარგოშვილი.
მისივე თქმით, ახალგაზრდები პანკისიდან ლოპოტას ხეობაში ხელისუფლების ძალოვანი სტრუქტურების, კერძოდ, ანტიტერორისტული ცენტრის თანამშრომლებმა გადაიყვანეს.
სრული ვერსია
