29
მაისიდღის ზოგადი ასტროლოგიური პროგნოზი
საპარლამენტო უმრავლესობის ერთ-ერთი ლიდერი, ზაქარია ქუცნაშვილი, უმცირესობისგან სულ მცირე 20 პარლამენტარის გამიჯვნას ელოდება.
"თვენახევარია, რაც პარლამენტი მუშაობს და "ერთიან ნაციონალურ მოძრაობას" შვიდი დეპუტატი ოფიციალურად გაემიჯნა. თუ ასე და ამ ტემპით გაგრძელდა, ვფიქრობ, ექვს თვეში უმცირესობიდან 20 კაცი გავა", - განუცხადა "ინტერპრენიუსს" ზაქარია ქუცნაშვილმა.
უნდა აღინიშოს, რომ საპარლამენტო კულუარებში აქტიურად საუბრობენ უმცირესობიდან დეპუტატების მოსალოდნელი გასვლის შესახებ. აქცენტი ძირითადად უპარტიო მაჟორიტარებზე კეთდება და საუბარია იმის შესახებ, რომ "ნაციონალთა" რიგი მაჟორიტარების ბაზაზე შესაძლოა, პარლამენტში კიდევ ერთი ახალი, ე.წ. დამოუკიდებელ დეპუტატთა ფრაქცია შეიქმნას.
ხაზგასასმელია ისიც, რომ პარლამენტში ინიცირებულია საკანონსტიტუციო ცვლილებების პროექტი, რომლის დამტკიცების პერსპექტივა სულ მცირე 100 დეპუტატის გადაწყვეტილებაზეა დამოკიდებული. საპარლამენტო უმრავლესობაში შემავალი 83 დეპუტატის გარდა, საკანონსტიტუციო პროექტს ექვსკაციანი დამოუკიდებელი ფრაქცია - "უპარტიო, დამოუკიდებელი მაჟორიტარები" უჭერს მხარს. ღია მხარდამჭერი პროექტს "ნაციონალური მოძრაობიდანაც" გამოუჩნდა: - გარდაბნის მაჟორიტარმა გიორგი ფეიქრიშვილმა საკუთარი მხარდაჭერა პროექტზე ხელმოწერითაც დაადასტურა. პარლამენტში ამჟამად არსებული სურათის მიუხედავად, უმრავლესობაში ერთმნიშვნელოვნად აცხადებენ, რომ ინიცირებული საკონსტიტუციო პროექტის ჩავარდნის საფრთხე არ არსებობს და თავად უმცირესობიდან მოსალოდნელზე მეტი მხარდამჭერი ეყოლება.
