მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მარინა კახიანის ვაჟს და მსახიობ ქეთი ხიტირს რომანი აქვთ?
23:13 / 09-12-2012
არ ვიცი, მარკ ცუკერბერგი ფიქრობდა თუ არა ჟურნალისტებზე მაშინ, როდესაც "ფეისბუქს" ქმნიდა, მაგრამ მისი გამოგონება ჩვენი პროფესიის ადამიანებისთვის აშკარად დიდი და სასარგებლო მიღწევა რომაა, ეს უდავოა. მოგეხსენებათ, ეს სოციალური ქსელი დღეს გახდა ტრიბუნა საზოგადოებისთვის, რომელსაც სურს საკუთარი გრძნობების, აზრებისა და ურთიერთობების საჯაროდ გამოხატვა, ჩვენ კი, ჟურნალისტებს, მეტი რაღა დაგვრჩენია, თუ არა მასში კირკიტი და ცნობილ ადამიანებზე მეტი ინფორმაციის მოძიება.
ამხელა შესავალი იმისთვის დამჭირდა, რომ სწორედ "ფეისბუქიდან" მიღებული ინფორმაცია გახდა ამ მასალის დაწერის მიზეზი.
მოკლედ, რამდენიმე დღის წინ რუსთაველის თეატრის მსახიობ ქეთი ხიტირის გვერდზე ასეთმა ინფორმაციამ ამოანათა - "ურთიერთობაშია ვათა მატარაძესთან". ვათა მატარაძე რუსთაველის თეატრის მთავარი ადმინისტრატორი და მსახიობ მარინა კახიანის ერთადერთი ვაჟია. რასაკვირველია, ამ ინფორმაციის სასწრაფოდ გადამოწმება განვიზრახე და ორივე მხარეს დავურეკე. პირველად ვათასთან ვარჩიე დაკონტაქტება, რომელმაც ზრდილობიანად მიპასუხა, რომ არ უყვარს ინტერვიუები, პრესა და ამ თემაზე საუბარი არ სურდა. რას ვიზამდი, ისღა დამრჩენოდა, ქეთისთვის დამერეკა და ასეც მოვიქეცი.
- ქეთი, გამარჯობა. ჟურნალ "რეიტინგიდან" გაწუხებთ, ინფორმაციის გადამოწმება გვინდა თქვენთან..
- კი ბატონო, გისმენთ...
- ცოტა ხნის წინ თქვენს "ფეისბუქის" გვერდზე გამოჩნდა ინფორმაცია, სადაც წერთ, რომ ურთიერთობაში ხართ ვათა მატარაძესთან, რას ნიშნავს ეს, გიყვართ ერთმანეთი და ერთად ხართ?
- დიახ, ასეა.
- როდის დაიწყო თქვენი სიყვარულის ამბავი?
- არ მინდა ამაზე საუბარი.
- როგორც ვიცით, ოჯახი გქონდათ, დიდი ხანია ეს ურთიერთობა დამთავრდა?
- კი, ორი წელია.
- თქვენ და ვათა ერთად ცხოვრობთ, თუ უბრალოდ შეყვარებულობის პერიოდი გაქვთ?
- არა, ერთად არ ვცხოვრობთ.
- თქვენმა და ვათას ოჯახის წევრებმა, მაგალითად ქალბატონმა მარინამ, თუ იცის თქვენი გრძნობების შესახებ?
- არ ვიცი, ალბათ იცის.
- დიდი მადლობა.
როგორც გავიგე, წყვილმა ერთმანეთი რუსთაველის თეატრში გაიცნო, დამეგობრდნენ და შემდეგ ეს გრძნობა სიყვარულში გადაიზარდა. ინფორმაციისთვის იმასაც გეტყვით, რომ ვათას ჰყავდა ცოლი, ეკა, რომელიც რუსუდან კერვალიშვილის ბიზნესპარტნიორ ქეთი ჟორდანიას ქალიშვილია და თავად ცნობილი სახე არ ყოფილა. ჰყავს ოთხი წლის შვილი, რომელსაც სახელი - გია, მამის პატივსაცემად დაარქვა. ოჯახი ქეთისაც ჰქონდა, მაგრამ ახლა, სავარაუდოდ, ვათასთან აპირებს ცხოვრების დაკავშირებას. ვნახოთ, როგორ განვითარდება მოვლენები. "რეიტინგი" წყვილს ბედნიერებას უსურვებს.
ქეთი მელაძე
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
