სა­მარ­თალ­დამ­ცა­ვე­ბი 8 წლის შემ­დეგ, 2004 წლის 23 ნო­ემ­ბრის ღა­მეს, გი­ორ­გო­ბას, თბი­ლის­ში მომ­ხდა­რი შემ­ზა­რა­ვი მკვლე­ლო­ბის საქ­მეს ხე­ლახ­ლა მი­უბ­რუნ­დნენ. მარ­თა­ლია, 19 წლის დე­დი­სერ­თა ბი­ჭის, ამი­რან (ბუტა) რო­ბა­ქი­ძის მკვლე­ლო­ბის საქ­მე­ზე გა­ნა­ჩე­ნიც გა­მო­ტა­ნი­ლია, ბრალ­დე­ბულ­მა სას­ჯე­ლიც მო­ი­ხა­და და ახლა უკვე თა­ვი­სუ­ფა­ლია, წლე­ბია ამ საქ­მე­ზე ხმა­უ­რი არ შე­წყვე­ტი­ლა. მოკ­ლუ­ლის ოჯა­ხი და სა­ზო­გა­დო­ე­ბა დამ­ნა­შა­ვის მსუ­ბუ­ქი მუხ­ლით გა­სა­მარ­თლე­ბას აპ­რო­ტეს­ტებ­და. ისიც ცნო­ბი­ლია, რომ ვარ­დე­ბის რე­ვო­ლუ­ცი­ის წლის­თავ­ზე პატ­რუ­ლის იმი­ჯი რომ არ შე­ლა­ხუ­ლი­ყო, პატ­რუ­ლის თა­ნამ­შრომ­ლის მიერ ჩა­დე­ნილ და­ნა­შა­ულს თა­ვი­სი სა­ხე­ლი არ და­ერ­ქვა. პი­რი­ქით, ძა­ლოვ­ნე­ბის ფან­ტა­ზია ისე შორს წა­ვი­და, რომ სრუ­ლი­ად უდა­ნა­შა­უ­ლო ბი­ჭე­ბი კრი­მი­ნა­ლე­ბად შე­რა­ცხეს. მოკ­ლუ­ლის ოჯა­ხი იძუ­ლე­ბუ­ლი გახ­და, თა­ვად გა­ერ­კვია სი­მარ­თლე. ყვე­ლა დამ­ნა­შა­ვე ჩი­ნოვ­ნი­კის ვი­ნა­ო­ბა და­ად­გი­ნა, ამას ექ­სპერ­ტი­ზის დას­კვნაც და­ერ­თო და 8 წლის გან­მავ­ლო­ბა­ში საქ­მის გამ­ყალ­ბებ­ლე­ბის დას­ჯას უშე­დე­გოდ ითხოვ­დნენ. ახა­ლი ხე­ლი­სუფ­ლე­ბის მოს­ვლის­თა­ნა­ვე, ბუ­ტას მა­მამ პრო­კუ­რა­ტუ­რა­ში სარ­ჩე­ლი შე­ი­ტა­ნა და მისი შვი­ლის საქ­მის ხე­ლა­ხა­ლი გა­მო­ძი­ე­ბა მო­ი­თხო­ვა.

ყვე­ლა­ფე­რი ასე და­ი­წყო: "2004 წლის 23 ნო­ემ­ბერს ბუ­ტამ მთე­ლი დღე სახ­ლში გა­ა­ტა­რა, მე­გობ­რე­ბი ურე­კავ­დნენ, მაგ­რამ ბი­ნი­დან არ გა­სუ­ლა, რად­გან კბი­ლი სტკი­ო­და. სა­წოლ­ზე წა­მო­წო­ლი­ლი იყო, როცა სა­ღა­მოს 9 სა­ათ­ზე, ირაკ­ლი მი­ქა­ბე­რი­ძემ და­უ­რე­კა და მას­თან შე­სახ­ვედ­რად წა­ვი­და. ძა­ლი­ან შევ­შფოთ­დი. - დედა, მე­გო­ბარს შევ­ხვდე­ბი და მალე მო­ვა­ლო, - მი­თხრა. მერე გა­ვი­გე, ირაკ­ლი მისი ჯგუ­ფე­ლი ყო­ფი­ლა. ახა­ლი და­მე­გობ­რე­ბუ­ლე­ბი იყ­ვნენ და უთ­ქვამს, ჩემს მე­გობ­რებს გა­გაც­ნო­ბო. დი­დუ­ბე­ში მათ­თან წა­ვი­და", - ასე იხ­სე­ნებს იმ სა­ბე­დის­წე­რო დღეს ია მეტ­რე­ვე­ლი. გვი­ა­ნო­ბამ­დე ბი­ჭე­ბი ერ­თად იყ­ვნენ. ექ­სპერ­ტი­ზით დად­გე­ნი­ლია, რომ არც ერთი მთვრა­ლი არ ყო­ფი­ლა. ერთ-ერ­თის მან­ქა­ნა­ში ბო­ლოს 6 ახალ­გაზ­რდა ჩაჯ­და და სახ­ლში ბრუნ­დე­ბოდ­ნენ, როცა პატ­რუ­ლის თა­ნამ­შრო­მელ­მა დი­დუ­ბის ეკ­ლე­სი­ის წინ გა­ა­ჩე­რა. ბი­ჭე­ბი მან­ქა­ნი­დან გად­მო­ვიდ­ნენ. ცნო­ბი­ლია, რომ პატ­რულს ბუ­ტამ გი­ორ­გო­ბა მი­უ­ლო­ცა და ეკ­ლე­სი­ის წინ პირ­ჯვა­რიც გა­და­ი­წე­რა. ახალ­გაზ­რდე­ბი პო­ლი­ცი­ელს ესა­უბ­რე­ბოდ­ნენ. მისი მე­წყვი­ლე მან­ქა­ნა­ში იჯდა. მო­უ­ლოდ­ნე­ლად, პატ­რუ­ლის მე­ო­რე ეკი­პა­ჟიც გა­ჩერ­და. რო­გორც ირ­კვე­ვა, ისი­ნი მე­წყვი­ლემ გა­მო­ი­ძა­ხა. მე­ო­რე მან­ქა­ნი­დან მთვრა­ლი პო­ლი­ცი­ე­ლე­ბი გად­მო­ვიდ­ნენ. ისი­ნი შე­ი­ა­რა­ღე­ბუ­ლე­ბი იყ­ვნენ. მოკ­ლუ­ლის მე­გობ­რე­ბის თქმით, პო­ლი­ცი­ე­ლე­ბი იგი­ნე­ბოდ­ნენ და ყვე­ლას ას­ფალტზე და­წო­ლა უბ­რძა­ნეს. ერ­თმა ბუ­ტა­საც შე­ა­გი­ნა. ხე­ლე­ბა­წე­ულ­მა ახალ­გაზ­რდამ ჰკი­თხა, - დე­დას რა­ტომ მა­გი­ნე­ბო. ამას გას­რო­ლა მოჰ­ყვა. ბუტა წა­იქ­ცა.

მის­მა მე­გობ­რებ­მა ყვი­რი­ლი ატე­ხეს და "სას­წრა­ფოს" გა­მო­ძა­ხე­ბა ითხო­ვეს. ია­რაღ­მო­მარ­ჯვე­ბუ­ლი პატ­რუ­ლის თა­ნამ­შრომ­ლე­ბი კი ას­ფალტზე პირ­დაღ­მა გა­წო­ლილ მის მე­გობ­რებს გან­ძრე­ვის სა­შუ­ა­ლე­ბას არ აძ­ლევ­დნენ. ასე მათ სამი სა­ა­თი გა­ა­ტა­რეს. ეს დრო ძა­ლოვ­ნებს იმ საქ­მის შე­სა­თხზა­ვად დას­ჭირ­დათ, რაც შემ­დეგ სა­ინ­ფორ­მა­ციო სა­შუ­ა­ლე­ბე­ბით გავ­რცელ­და. შემ­თხვე­ვის ად­გილ­ზე ძა­ლო­ვა­ნი სტრუქ­ტუ­რის მა­ღალ­ჩი­ნოს­ნე­ბი მალე მი­ვიდ­ნენ. ას­ფალტზე გა­წო­ლილ ბი­ჭებს ეს­მო­დათ, რო­გორ თხზავ­დნენ ვერ­სი­ებს. ბო­ლოს, მა­ღალ­ჩი­ნო­სან­მა ბრძა­ნე­ბა გას­ცა: "რას უყუ­რებთ, გა­ძეძ­გეთ ია­რა­ღე­ბით, ამას მე ხომ არ გა­ვა­კე­თებ!" მარ­თლაც, ბრძა­ნე­ბა ოპე­რა­ტი­უ­ლად შეს­რულ­და. უამ­რა­ვი ია­რა­ღი მო­ი­ტა­ნეს და მან­ქა­ნა­ში მთე­ლი არ­სე­ნა­ლი გაჩ­ნდა. შს სა­მი­ნის­ტროს კა­მე­რამ უკვე ია­რა­ღი­ა­ნი ბი­ჭე­ბი გა­და­ი­ღო და ვერ­სი­აც შე­ი­თხზა. სა­პატ­რუ­ლო პო­ლი­ცი­ის უფ­როს­მა, ზუ­რაბ მი­ქა­ძემ მა­შინ ტე­ლე­ვი­ზი­ებ­თან ასე­თი კო­მენ­ტა­რი გა­ა­კე­თა: "და­კა­ვე­ბუ­ლია შე­ი­ა­რა­ღე­ბუ­ლი ყა­ჩა­ღუ­რი ჯგუ­ფი, რომ­ლებ­მაც წი­ნა­აღ­მდე­გო­ბა გა­უ­წი­ეს პო­ლი­ცი­ე­ლებს და ერთი ლიკ­ვი­დი­რე­ბუ­ლია".

მა­შინ ბუ­ტას მე­გობ­რე­ბის წი­ნა­აღ­მდეგ ია­რა­ღის უკა­ნო­ნო შე­ნახ­ვა-ტა­რე­ბის ბრალ­დე­ბით საქ­მეც აღიძ­რა და 3 მათ­გა­ნი 5 თვე ცი­ხე­შიც იჯდა. მა­შინ­დე­ლი სა­ხალ­ხო დამ­ცვე­ლის, სო­ზარ სუ­ბა­რის მწვა­ვე მოხ­სე­ნე­ბის შემ­დეგ, ბი­ჭებს პა­ტიმ­რო­ბა მსუ­ბუ­ქი სას­ჯე­ლით შე­უც­ვა­ლეს, თუმ­ცა წლე­ბის მან­ძილ­ზე პრო­ბა­ცი­ო­ნე­რე­ბი იყ­ვნენ. დღეს კი ახა­ლი მთა­ვა­რი პრო­კუ­რო­რი არ­ჩილ კბი­ლაშ­ვი­ლი აცხა­დებს, რომ ბრალ­დე­ბა, რო­მე­ლიც გარ­დაც­ვლილ ახალ­გაზ­რდას და მის მე­გობ­რებს წა­უ­ყე­ნეს, ყალ­ბია და არ შე­ე­სა­ბა­მე­ბა სი­ნამ­დვი­ლეს. პრო­კუ­რა­ტუ­რამ პა­სუ­ხის­გე­ბა­ში უკვე მის­ცა თბი­ლი­სის სა­პატ­რუ­ლო პო­ლი­ცი­ის ყო­ფი­ლი უფ­რო­სი, ზუ­რაბ მი­ქა­ძე. გა­მო­ძი­ე­ბის ვერ­სი­ით, ზუ­რაბ მი­ქა­ძემ 2004 წლის 24 ნო­ემ­ბერს, და­ახ­ლო­ე­ბით ღა­მის 01:30 სა­ათ­ზე, დი­დუ­ბის პან­თე­ო­ნის მიმ­დე­ბა­რე ტე­რი­ტო­რი­ა­ზე, შემ­თხვე­ვის ად­გილ­ზე ყოფ­ნის დროს, სა­პატ­რუ­ლო პო­ლი­ცი­ის თა­ნამ­შრო­მე­ლი აი­ძუ­ლა გა­მო­ძი­ე­ბის­თვის ცრუჩ­ვე­ნე­ბა მი­ე­ცა. ამ ჩვე­ნე­ბის მი­ხედ­ვით, ბუტა რო­ბა­ქი­ძე და მისი მე­გობ­რე­ბი შე­ი­ა­რა­ღე­ბუ­ლი იყ­ვნენ და ყა­ჩა­ღუ­რი დაჯ­გუ­ფე­ბის წევ­რე­ბად გა­მო­ცხად­ნენ. გა­მო­ძი­ე­ბით დად­გინ­და, რომ ბუტა რო­ბა­ქი­ძის მკვლე­ლო­ბის შემ­დეგ შემ­თხვე­ვის ად­გილ­ზე მი­ვიდ­ნენ სა­პატ­რუ­ლო პო­ლი­ცი­ის, ქა­ლა­ქის მთა­ვა­რი სამ­მარ­თვე­ლოს უფ­რო­სი და პო­ლი­ცი­ის სხვა თა­ნამ­შრომ­ლე­ბი. მათ პო­ლი­ცი­ის იმი­ჯის მო­სა­ლოდ­ნე­ლი შე­ლახ­ვის­გან თა­ვის არი­დე­ბის მიზ­ნით ჩა­ი­დი­ნეს და­ნა­შა­უ­ლი. კერ­ძოდ, ზუ­რაბ მი­ქა­ძემ სხვა პი­რებ­თან ერ­თად, გა­მო­ძი­ე­ბით და­უდ­გე­ნელ დროს, და­უდ­გე­ნე­ლი პი­რის­გან მარ­თლსა­წი­ნა­აღ­მდე­გოდ შე­ძე­ნი­ლი ცე­ცხლსას­რო­ლი ია­რა­ღი და საბ­რძო­ლო მა­სა­ლა სა­პატ­რუ­ლო პო­ლი­ცი­ის ორი მან­ქა­ნით მი­ი­ტა­ნა შემ­თხვე­ვის ად­გილ­ზე. ამის შემ­დეგ, მი­სი­ვე და­ვა­ლე­ბით, პო­ლი­ცი­ის თა­ნამ­შრომ­ლებ­მა ცე­ცხლსას­რო­ლი ია­რა­ღი და საბ­რძო­ლო მა­სა­ლა მტკი­ცე­ბუ­ლე­ბე­ბის ფალ­სი­ფი­კა­ცი­ის მიზ­ნით და­ა­ლა­გეს შემ­თხვე­ვის ად­გილ­ზე.

ამი­რან რო­ბა­ქი­ძის გვამ­თან და­დეს "კა­ლაშ­ნი­კო­ვის" სის­ტე­მის ავ­ტო­მა­ტი ერთი მჭი­დი­თა და 27 ვაზ­ნით, ხოლო სხვა პი­რებს გა­უ­ნა­წი­ლეს ად­გილ­ზე მი­ტა­ნი­ლი ია­რა­ღი, საბ­რძო­ლო მა­სა­ლა და ამ­გვა­რად შე­ი­ტა­ნეს მათ­თვის სა­სურ­ვე­ლი მო­ნა­ცე­მე­ბი დათ­ვა­ლი­ე­რე­ბი­სა და პი­რა­დი ჩხრე­კის ოქ­მებ­ში. ზუ­რაბ მი­ქა­ძემ შემ­თხვე­ვის ად­გილ­ზე ყოფ­ნის დროს აი­ძუ­ლა სა­პატ­რუ­ლო პო­ლი­ცი­ის თა­ნამ­შრო­მე­ლი გ. ჭ. გა­მო­ძი­ე­ბის­თვის ცრუ ჩვე­ნე­ბა მი­ე­ცა ხე­ლოვ­ნუ­რად შექ­მნილ მტკი­ცე­ბუ­ლე­ბებ­ზე, რაც ამ უკა­ნას­კნელ­მა შე­ას­რუ­ლა", ­- ამ­ბობს არ­ჩილ კბი­ლაშ­ვი­ლი. ამ ბრალ­დე­ბით წარ­დგა სა­სა­მარ­თლოს წი­ნა­შე ზუ­რაბ მი­ქა­ძე, მო­სა­მარ­თლე ნატო ხუ­ჯა­ძემ კი არ და­აკ­მა­ყო­ფი­ლა პრო­კუ­რა­ტუ­რის მო­თხოვ­ნა და მი­ქა­ძე 16 000-ლა­რი­ა­ნი გი­რა­ოს გა­დახ­დის სა­ნაც­ვლოდ, პა­ტიმ­რო­ბი­დან გა­ა­თა­ვი­სუფ­ლეს. მი­ქა­ძე ამ­ჟა­მად სახ­ლში იმ­ყო­ფე­ბა. მან გა­მო­ძი­ე­ბას უკვე მის­ცა ჩვე­ნე­ბა და რო­გორც მისი ად­ვო­კა­ტი აცხა­დებს, ის პი­რიც და­ა­სა­ხე­ლა, ვინც უშუ­ა­ლოდ ამ ბი­ჭე­ბის­თვის ია­რა­ღის ჩა­დე­ბის ბრძა­ნე­ბაც გას­ცა. სოსო რო­ბა­ქი­ძე ზუ­რაბ მი­ქა­ძის გა­თა­ვი­სუფ­ლე­ბას აპ­რო­ტეს­ტებს და იმ მო­სა­მარ­თლის დას­ჯა­საც მო­ი­თხოვს, რო­მელ­მაც მას გი­რაო შე­უ­ფარ­და. ეს გა­და­წყვე­ტი­ლე­ბა მან უკვე გა­ა­სა­ჩივ­რა სა­ა­პე­ლა­ციო სა­სა­მარ­თლო­ში. თვლის, რომ მი­ქა­ძე სა­ში­ში დამ­ნა­შა­ვეა და მან შე­საძ­ლოა მოწ­მე­ებ­ზე ზე­წო­ლა ისევ მო­ახ­დი­ნოს.

ია მეტ­რე­ვე­ლი, ბუ­ტას დედა:

- ჩემს შვილს სი­ცო­ცხლე წა­არ­თვეს, უმო­წყა­ლოდ მო­მიკ­ლეს, სა­ში­ნელ დღე­ში ჩა­აგ­დეს მისი მე­გობ­რე­ბი, ამ­ხე­ლა ტყუ­ილს აბ­რა­ლებ­დნენ... სი­მარ­თლე გი­თხრათ, ვე­ლო­დი იმ დღეს, როცა ქვე­ყა­ნა­ში აღ­დგე­ბო­და სა­მარ­თა­ლი. მი­ქა­ძის და­კა­ვე­ბა რომ მოხ­და, მთე­ლი თბი­ლი­სი მი­ლო­ცავ­და. სა­ზო­გა­დო­ე­ბის ინ­ტე­რე­სი იმ­დე­ნად დიდი იყო ამ საქ­მე­ზე, რომ ბუ­ტას ტრა­გე­დია ერთი ოჯა­ხის ტრა­გე­დი­ას გას­ცდა. სამ­წუ­ხა­როდ, ბუ­ტა­თი და­ი­წყო ამ ხე­ლი­სუფ­ლე­ბამ და მი­ვიდ­ნენ იქამ­დე, რომ 140 ახალ­გაზ­რდა დახ­ვრი­ტეს უმო­წყა­ლოდ. მი­ქა­ძის გა­მოშ­ვე­ბა გი­რა­ო­თი უკა­ნო­ნო­ბაა. თა­ნაც, მი­ქა­ძეს მი­ზე­რუ­ლი თან­ხა გა­და­ახ­დე­ვი­ნეს. რა თქმა უნდა, ვიცი, რომ ისევ კუბ­ლაშ­ვი­ლის ხელ­შია სა­სა­მარ­თლო, მაგ­რამ მა­ინც არ ვფიქ­რობ­დი, ამას თუ გა­ბე­დავ­დნენ. ყვე­ლა დე­ტა­ლი ჩემი შვი­ლის საქ­მე­ზე არ არის ჩემ­თვის ცნო­ბი­ლი. ვიცი, რომ მი­ქა­ძე, რო­მელ­მაც ია­რა­ღი მო­ი­ტა­ნა, აქ­ტი­უ­რად იყო ჩარ­თუ­ლი ამა­ში. დამ­ნა­შა­ვეა გვა­ზა­ვაც. და­ნარ­ჩე­ნე­ბიც ალ­ბათ გა­მოჩ­ნდე­ბი­ან. პა­სუ­ხი უნდა აგონ პატ­რუ­ლის იმ თა­ნამ­შრომ­ლებ­მაც, რომ­ლე­ბიც ცრუჩ­ვე­ნე­ბას იძ­ლე­ოდ­ნენ. პა­სუ­ხი უნდა აგოს გუ­რამ დო­ნა­ძემ. ის და მი­ქა­ძე სა­ერ­თოდ, სა­სა­მარ­თლო­ში და­კი­თხვა­ზეც კი არ მო­სუ­ლან. დო­ნა­ძე სა­ერ­თოდ უარ­ყოფს იქ ყოფ­ნას. არა­და, ეს ცნო­ბი­ლია. როცა ეს ტრა­გე­დია მოხ­და და ტე­ლე­ვი­ზი­ით სიც­რუე გა­და­ი­ცა, ბუ­ტას მა­მი­დამ მე­ო­რე დღეს დო­ნა­ძეს და­უ­რე­კა და უთხრა, - ჯერ გა­არ­კვი­ეთ, ვინ არის ეს ბავ­შვი და მერე და­აბ­რა­ლეთ, ასე­თი რა­მეს რომ აბ­რა­ლებთ, არ გრცხვე­ნი­ა­თო? მა­შინ მას დო­ნა­ძე და­ე­მუქ­რა, - თქვენ ნა­ხავთ, ახლა რა­საც ვი­ზა­მო.

მარ­თლაც, რამ­დე­ნი­მე წუთ­ში "სო­დე­ლე­ბი" თუ ვი­ღაც პი­რე­ბი მი­ვიდ­ნენ მა­მი­დის სახ­ლში და კარ­ზე ბრა­ხუ­ნი ატე­ხეს. მა­მი­დამ კარი არ გა­უ­ღო და მო­ი­თხო­ვა მე­ზობ­ლე­ბის მოყ­ვა­ნა. მა­შინ და­ე­მუქრნენ. რომ ჰკი­თხო, დო­ნა­ძე იქ არ იყო. მან ყალ­ბი ცნო­ბაც კი გა­ა­კე­თა კარ­გა ხნის შემ­დეგ, რომ ვი­თომ მივ­ლი­ნე­ბა­ში იყო. სი­ნამ­დვი­ლე­ში დო­ნა­ძეც მთა­ვა­რი მოქ­მე­დი პირი გახ­ლდათ. გარ­და ამი­სა, არ­სე­ბობს მისი მუ­ქა­რის წე­რი­ლე­ბი, რო­მე­ლიც ბუ­ტას ბა­ბუ­ას გა­მო­უგ­ზავ­ნა და შე­მოთ­ვლე­ბი, - ჭკვი­ა­ნად იყა­ვით, თო­რემ ნა­ხავთ, რას ვი­ზა­მო. როცა აქ­ტი­უ­რად ვი­თხოვ­დით საქ­მის გა­მო­ძი­ე­ბას, ეს მუ­ქა­რე­ბი ბუ­ტას ბა­ბუ­ის ოჯახ­ზე ხორ­ცი­ელ­დე­ბო­და. ხე­ლე­ბა­წე­ულ ბუ­ტას ეს­რო­ლა ბა­შა­ლე­იშ­ვილ­მა. ვი­თომ გა­უ­ვარ­და ია­რა­ღი და 4 წელი მი­უ­სა­ჯეს. თუმ­ცა, თა­ვის პირ­ველ ჩვე­ნე­ბა­ში წერ­და, და­მიზ­ნე­ბით ვეს­რო­ლე, რად­გან ხელ­ში ავ­ტო­მა­ტი ეჭი­რა და მე მეს­რო­დაო. ამ ტრა­გე­დი­ის შემ­დეგ, 8 თვე მუ­შა­ობ­და ისევ სა­პატ­რუ­ლო პო­ლი­ცი­ა­ში. ძა­ლი­ან მძი­მეა ეს ყვე­ლა­ფე­რი. ამ­დე­ნი წელი გა­ვი­და, მაგ­რამ ჩემ­თვის ეს თით­ქოს გუ­შინ იყო. ახ­ლი­დან გა­მეხ­სნა ეს ჭრი­ლო­ბა. აღ­მაშ­ფო­თე­ბე­ლი იყო არ­ჩევ­ნე­ბამ­დე მე­რა­ბიშ­ვი­ლის მიერ გა­კე­თე­ბუ­ლი გან­ცხა­დე­ბა, - ამ ბი­ჭე­ბის ჩა­ხოც­ვა რომ მოხ­და, იმი­ტომ ვართ კარ­გად, რომ კრი­მი­ნა­ლი არ არი­სო. არა­და, უდა­ნა­შა­უ­ლო ბი­ჭე­ბი ამო­ხო­ცეს. რო­გორ იქ­ნე­ბო­და კრი­მი­ნა­ლი, როცა თვი­თონ იყ­ვნენ კრი­მი­ნა­ლე­ბი და მათი ში­შით რა­ი­მის ჩა­დე­ნას ვინ გა­ბე­დავ­და? უნდა დად­გეს მე­რა­ბიშ­ვი­ლის პა­სუ­ხის­მგებ­ლო­ბის სა­კი­თხიც, რად­გან ის ხელ­მძღვა­ნე­ლობ­და მა­შინ ყვე­ლა­ფერს.

კობა კო­ბა­ხი­ძე, ზუ­რაბ მი­ქა­ძის ად­ვო­კა­ტი:

- ზუ­რაბ მი­ქა­ძე იყო ად­მი­ნის­ტრა­ცი­უ­ლი სამ­სა­ხუ­რის უფ­რო­სი ვა­კე­ში, მერე წა­მო­ვი­და იქი­დან სხვა სამ­სა­ხურ­ში და თურ­მე იქ და­ტო­ვა ია­რა­ღის არ­სე­ნა­ლი. მერე გად­მო­ზი­და და­უდ­გე­ნე­ლი პი­რის­გან შე­ძე­ნი­ლი ია­რა­ღი და­უდ­გე­ნელ ად­გი­ლას და ინა­ხავ­და და­უდ­გე­ნელ პი­რებ­თან ერ­თად. ეს ია­რა­ღი შემ­დეგ გა­და­ი­ტა­ნა და გას­ცა გან­კარ­გუ­ლე­ბა, რომ ეს ჩა­ე­დოთ რო­ბა­ქი­ძი­სა და მისი მე­გობ­რე­ბის­თვის. ასე­თია მის­თვის შე­რა­ცხუ­ლი ბრალ­დე­ბა. ახლა დას­კვნა თქვენ გა­ა­კე­თეთ. მას მერე კაცი უშიშ­რო­ე­ბის საბ­ჭო­ში მუ­შა­ობ­და, მერე შსს-ში და მა­ლავ­და ია­რაღს. მა­შინ ხომ შე­იძ­ლე­ბო­და, სახ­ლშიც ჰქო­ნო­და ია­რა­ღი? რა­ტომ არ ჩა­ა­ტა­რეს მის ბი­ნა­ში ჩხრე­კა? რო­ბა­ქი­ძის საქ­მის მა­სა­ლებ­საც გა­ვეც­ნო­ბი. ფაქ­ტია, ამ მკვლე­ლო­ბას­თან კავ­შირ­ში არ არის ზურა მი­ქა­ძე და ინ­ფორ­მა­ცია არას­წო­რად ვრცელ­დე­ბა. მას ამ ფაქ­ტის შემ­დეგ გან­ვი­თა­რე­ბულ მოვ­ლე­ნებს აბ­რა­ლე­ბენ. არ უნდა ასო­ცირ­დე­ბო­დეს მისი სა­ხე­ლი მკვლე­ლო­ბას­თან. მა­საც ჰყავს ოჯა­ხი. და­ნა­შა­უ­ლი უკვე მომ­ხდა­რი იყო, როცა ის შემ­თხვე­ვის ად­გილ­ზე მი­ვი­და. დად­გე­ნი­ლია და ფაქ­ტია, რომ თა­ვი­დან ია­რა­ღი არ იყო - მერე გაჩ­ნდა. ის პე­რი­მეტრს აკონ­ტრო­ლებ­და. კერ­ძოდ - მან­ქა­ნე­ბის მოძ­რა­ო­ბას. ამ დროს უკვე შემ­თხვე­ვის ად­გილ­ზე იმ­ყო­ფე­ბო­და მთე­ლი კრი­მი­ნა­ლუ­რი პო­ლი­ცია. იქ იყო გორ­გო­ძე, გვა­ზა­ვა, ზუ­რაბ ბაქ­რა­ძე და მთე­ლი ქა­ლა­ქის კრი­მი­ნა­ლუ­რი პო­ლი­ცი­ის შე­მად­გენ­ლო­ბა, უფორ­მოდ. წარ­მო­იდ­გი­ნეთ, მა­შინ გა­მომ­ძი­ე­ბე­ლიც არ მი­უშ­ვეს შემ­თხვე­ვის ად­გილ­ზე, პო­ლი­ცია აკონ­ტრო­ლებ­და სი­ტუ­ა­ცი­ას. მი­ქა­ძემ და­ი­ნა­ხა ია­რა­ღი და გა­ი­გო­ნა, რომ კრი­მი­ნა­ლუ­რი პო­ლი­ცი­ის ერთ-ერ­თმა მა­ღალ­ჩი­ნო­სან­მა თქვა, - "გა­ძეძ­გეთ ყვე­ლა­ფე­რი ია­რა­ღით, მე უნდა მე­მუ­შა­ვა თქვენ მა­გივ­რად?" მი­ქა­ძე ამ ჩი­ნოს­ნის გვარს ასა­ხე­ლებს თა­ვის ჩვე­ნე­ბა­ში, ის ადრე არა­ვის და­უ­სა­ხე­ლე­ბია, თუმ­ცა ბევ­რმა იცო­და.

მი­ქა­ძემ გა­დად­გა ეს ნა­ბი­ჯი და თქვა სი­მარ­თლე. ეს სწო­რედ ის პერ­სო­ნაა, რო­მელ­ზეც ამ­ჟა­მად და­ზა­რა­ლე­ბუ­ლი აზა­რი­აშ­ვი­ლი, ბუ­ტას მე­გო­ბა­რი ამ­ბობს: ის კაცი ამ­ბობ­და ბუ­ტა­ზე - ამას ენა აქვს მგო­ნი გად­მოგ­დე­ბუ­ლი, უნდა ამო­ვაჭ­რათ, ამის დე­დაც! - ეს ჩვე­ნე­ბე­ბიც საქ­მე­შია. ვინ იტყო­და ამას, ყვე­ლამ კარ­გად იცის. მი­ქა­ძე და­ნა­შა­უ­ლის და­ფარ­ვა­ში ცნობს თავს დამ­ნა­შა­ვედ. ის ამ­ბობს იმას, რა ფაქ­ტიც ნახა. ამ დროს უკვე ფსი­ქო­ლო­გი­უ­რი გავ­ლე­ნის ქვეშ იყო. ის აღი­ა­რებს და­ნა­შა­ულს და იმას, რომ არ თქვა სი­მარ­თლე, მაგ­რამ ეს არის თა­ნამ­დე­ბო­ბის ბო­რო­ტად გა­მო­ყე­ნე­ბა და არა - სამ­სა­ხუ­რებ­რი­ვი უფ­ლე­ბა­მო­სი­ლე­ბის გა­და­მე­ტე­ბა. მერ­წმუ­ნეთ, მთე­ლი 8 წელი ამის გამო ვერ ის­ვე­ნებ­და ეს კაცი, ამი­ტომ დი­ა­ბე­ტიც და­ე­მარ­თა, იმ­დე­ნად გა­ნიც­დი­და", - ამ­ბობს ად­ვო­კა­ტი. ამ 8 წლის გან­მავ­ლო­ბა­ში მი­ქა­ძე არც ერთხელ არ და­უ­კი­თხავთ. პირ­ვე­ლად ახლა დაჰ­კი­თხეს, თქვა კი­დეც სი­მარ­თლე და და­ა­სა­ხე­ლა ბრძა­ნე­ბის გამ­ცე­მი. ეს სოსო რო­ბა­ქი­ძე­საც უთხრა. გა­მო­ძი­ე­ბამ იცის მისი ვი­ნა­ო­ბა. არ ვიცი, რა­ტომ არ უნ­დათ, ის პირი სა­მარ­თალ­ში მის­ცენ, ვინც რე­ა­ლუ­რად ეს ბრძა­ნე­ბა გას­ცა და ვი­ნა­ო­ბაც იცი­ან. ია­რაღ­თან არა­ვი­თა­რი კავ­ში­რი მი­ქა­ძეს არ ჰქო­ნია, ის თავს დამ­ნა­შა­ვედ არ ცნობს.

რო­გორც ჩანს, მა­შინ­დე­ლი მი­ნის­ტრი, ირაკ­ლი ოქ­რუ­აშ­ვი­ლიც საქ­მის კურ­სში იყო. ისიც ცნო­ბი­ლია, რომ ამ საქ­მის ირ­გვლივ ისიც და­ი­კი­თხე­ბა. უკვე დაჰ­კი­თხეს ძა­ლოვ­ნებ­მა შს მი­ნის­ტრის ყო­ფი­ლი მო­ად­გი­ლე­ე­ბი - ლე­ვან გვა­ზა­ვა და გია ლორ­თქი­ფა­ნი­ძე. ჯერ­ჯე­რო­ბით უც­ნო­ბია, და­ი­კი­თხა თუ არა მა­ღალ­ჩი­ნო­სა­ნი ბაქ­რა­ძე. არც დო­ნა­ძე გა­მო­ჩე­ნი­ლა პრო­კუ­რა­ტუ­რა­ში. ფაქ­ტია, გა­მო­ძი­ე­ბა მიმ­დი­ნა­რე­ობს და ყვე­ლა დე­ტალს ფარ­და აეხ­დე­ბა. მოკ­ლუ­ლის ოჯა­ხი პო­ზი­ცი­ის შეც­ვლას არ აპი­რებს და უკ­ლებ­რივ ყვე­ლა იმ პი­რის დას­ჯას მო­ი­თხოვს, რომ­ლე­ბიც ამ გა­ყალ­ბე­ბა­ში მო­ნა­წი­ლე­ობ­დნენ.

თეა ხურ­ცი­ლა­ვა

ჟურ­ნა­ლი "გზა"

(გა­მო­დის ხუთ­შა­ბა­თო­ბით)