23
ივნისიდღის ზოგადი ასტროლოგიური პროგნოზი
სავარაუდოდ, შორენა შავერდაშვილი ძალიან ბევრს იცინებდა ნანუკა ჟორჟოლიანის მიერ ნათქვამ "არტილერიაზე", მაშინ, როდესაც ის არტერიას გულისხმობდა. ვიდეო, სადაც ნანუკა საკუთარ გადაცემაში მომხდარ ჩხუბზე კომენტარს აკეთებდა, ინტერნეტსივრცის ერთ-ერთ ჰიტად იქცა. ნანუკას ლალი მოროშკინასა და თაკო ფხაკაძის შეხლა-შემოხლის და ჩანგლაობის ეპიზოდის აღსაწერად სიტყვა არტერია დასჭირდა და არტილერია თქვა. შეეშალა, უცოდინარობით თქვა თუ სხვა რამით, ეს კიდევ ცალკე თემაა და იმდენად ძველი, რომ აღარ ღირს გარჩევად, მაგრამ ეს ძალით ინტელექტუალური და სვეტსკი საზოგადოება როგორ აქილიკებდა და რა სიტყვებით ამკობდა "ნანუკას შოუს" წამყვანს, მაგას რა დაგვავიწყებს. მათ შორის, რა თქმა უნდა, იქნებოდა ჟურნალ "ლიბერალის" რედაქტორი შავერდაშვილიც, რომელსაც, როგორც ვიცით, განათლება ამერიკის შეერთებულ შტატებში აქვს მიღებული და ალბათ ამიტომაც "ქართული არ ეკერკება". გარდა ამისა, როგორც მისი ბოლოდროინდელი გამოსვლიდან შევატყვეთ, შავერდაშვილს დიდად არც მათემატიკა ეხერხება, განსაკუთრებით გეომეტრია და აშკარაა, რომ როდესაც მათემატიკის მასწავლებელი სამკუთხედის შესახებ ელაპარაკებოდა სწავლას მოწყურებულ მოსწავლეებს, მათ შორის იმ დღეს შორენა შავერდაშვილი არ იყო.
უდრის თუ არა კათეტი კათეტერს? რა თქმა უნდა, არა. პირველი მათემატიკოსების ლექსიკონში შედის, მეორე - სამედიცინო მუშაკების. მაინც, ყოველი შემთხვევისთვის, შეგახსენებთ, რომ მართკუთხა სამკუთხედის მართი კუთხის მოპირდაპირე გვერდს ეწოდება ჰიპოტენუზა, ხოლო დანარჩენ ორ გვერდს - კათეტი. რაც შეეხება კათეტერს, ეს სამედიცინო ხელსაწყოა.
როგორც ჩანს, შორენა შავერდაშვილს სურდა, კახა ბენდუქიძესთან "პრეს-პრესში" თავისი სრული "ჩაფლავების" შემდეგ მათემატიკის ელემენტარული ცოდნა გამოემჟღავნებინა და ის მაინც ეთქვა სწორად, რომ მართკუთხა სამკუთხედის კათეტთა კვადრატების ჯამი ჰიპოტენუზის კვადრატს უტოლდება. მისი ეს მცდელობაც სრული კრახით დასრულდა...
შორენა თავის ტელემიმართვას "კვირის აზრებში" ასე იწყებს (სტილი დაცულია) - "ეძღვნება მამას, დედას და კახა ბენდუქიძეს. შეიძლება, ჟურნალისტმა არ იცოდეს, რომ მართკუთხა სამკუთხედში კათეტერების კვადრატების ჯამი ჰიპოტენუზის კვადრატის ტოლია, მაგრამ უნდა იცოდეს, რომ რაღაცის 1,5-ჯერ გაზრდა 12%-იან ზრდაზე მეტია..."
როგორც ამერიკაში იტყვიან ხოლმე, ოოპს, კახა ბენდუქიძე კვლავ გაღიმებული სახით უცქერის ქართული ჟურნალისტიკის "მეტრებს", რომლებიც ტელევიზიით ჭკუას გვასწავლიან, "ლიბერალის" რედაქტორი კი, აშკარაა, თავისი საქმის ჩარჩოებს ისევ გასცდა და მისი ცხვირი კვლავ უადგილო ადგილას იპოვეს, ისევე, როგორც მცირე ხნის წინ, როდესაც სახალხო დამცველის შერჩევით იყო დაკავებული. ვანო ჯავახიშვილი თავის გადაცემაში უკვე გამოეხმაურა რედაქტორის "ოქროს ფრაზას", ხოლო "ჩიტის" "ფეისბუქის" გვერდზე შავერდაშვილის სახელობის სამკუთხედის ფოტო გამოქვეყნდა...
ჩვენ კი უმორჩილესად ვთხოვთ ჩვენს ძვირფას კოლეგას, შორენა დეიდა, შეეშვით რა, მათემატიკას და ბენდუს და მიხედეთ თქვენს საქმეს, ჟურნალის კეთებას, რომელიც შედარებით უკეთესად გამოგდით.
DJბუკლე
(გამოდის ორშაბათობით)
