რომის პაპი "ტვიტერზე" დარეგისტრირდა

ვატიკანში რომის პაპის, ბენედიქტ XVI მიკრობლოგ "ტვიტერზე" დარეგისტრირების ოფიციალური ღონისძიება გაიმართა. სასულიერო პირის წარმომადგენლებმა რომის პაპი მიკრობლოგზე @BenedictusPPXVI-ის ნიკით დაარეგისტრირეს.

"ტვიტერზე" ბენედიქტ XVI გვერდზე, ჯერ არცერთი ჩანაწერი არ გამოჩენილა. პირველ შეტყობინებას რომის პაპი 12 დეკემბერს თავად განათავსებს. ბენედიქტ XVI ჩანაწერების გაკეთებას როგორც ყოველდღიურად, ისე დიდი საეკლესიო დღესასწაულების დროს აპირებს.

"ტვიტერზე" რომის პაპის პროფილს უკვე 6000-მდე ხელმომწერი ჰყავს.

აღსანიშნავია, რომ ვატიკანი უკვე დიდი ხანია აქტიურად იყენებს სხვადასხვა სოციალურ ქსელებს. ცოტა ხნის წინ მოხმარებაში ჩაეშვა საერთაშორისო პორტალი, რომელიც ყველა კათოლიკური ეკლესიის ვებგვერდს აერთიანებს.

როგორც BBC-ი იუწყება, ბენედიქტ XVI იშვიათად განათავსებს "ტვიტებს" საკუთარი ხელით, ვინაიდან ხშირად არ იყენებს კომპიუტერს.

ვატიკანის ასეთი აქტიურობა სოციალურ ქსელებში, ახალგაზრდა თაობის ეკლესიასთან დაახლოებას ემსახურება.

იხილეთ ვიდეო: რომის პაპს "ტვიტერზე" საკუთარი გვერდი ექნება

მომზადებულია BBC-ს მიხედვით.