23
ივლისიდღის ზოგადი ასტროლოგიური პროგნოზი
48 წლის იტალიელ მსახიობ მონიკა ბელუჩის სახეზე გაჩენილი ნაოჭებიც კი უხდება.
მაროკოში გამართულ საერთაშორისო კინოფესტივალზე Marrakech International Film Festival მონიკამ მამაკაცების გული დაიპყრო. "მისი გამოჩენისას სუნთქვა შეგვეკრა", - ემოციებს ვერ მალავდნენ ღონისძიების სტუმრები. ვარსკვლავმა არჩევანი შავ ჯინსსა და ქურთუკზე შეაჩერა.
ცნობილია, რომ მონიკა პლასტიკურ ქირურგებს არ სწყალობს და ყოველთვის აცხადებს, რომ ქალმა საკუთარ ასაკს პატივი უნდა სცეს.
"არ ვიცი როგორი გარეგნობა მექნება 10 წლის შემდეგ, მაგრამ ერთი რამ დანამდვილებით ვიცი, გაყინულ მზერას ნაოჭებიანი, ცოცხალი ღიმილი მირჩევნია", - ამბობს მონიკა.
მას ფილმებში 1990 წლიდან იღებენ. თუმცა, მსოფლიო პოპულარობა 2000 წელს გადაღებულმა იტალიურმა მელოდრამამ - "მალენამ" მოუტანა.
მონიკა ფრანგ მსახიობზე, ვინსენტ კასელზეა დაქორწინებული. წყვილს 2 ქალიშვილი - 8 წლის დევა და 2 წლის ლეონი ჰყავთ.
მომზადებულია dailymail.co.uk-ის მიხედვით.
ასევე იხილეთ: მონიკა ბელუჩი Dolce & Gabbana-სთვის გადაიღეს
