ლევან პირველი თეა წულუკიანს პოლიტიკური ნიშნით დევნაში ადანაშაულებს
ავსტრიაში მცხოვრები ქართველი ბიზნესმენი ლევან პირველი იუსტიციის მინისტრ თეა წულუკიანს პოლიტიკური ნიშნით დევნაში ადანაშაულებს.
როგორც "ამბები.გე"-ს ლევან პირველმა განუცხადა, მან პოლიტპატიმრებისა და პოლიტდევნილების საკითხზე მომუშავე საპარლამენტო კომისიას მიმართა, მისი გვარი განსახილველი სიიდან ამოიღონ.
"მე პოლიტიკური დევნილის სტატუსი უკვე გამაჩნია ევროკავშირის კანონმდებლობით და ავსტრიის ფედერალური კანონის საფუძველზე. ეს სტატუსი ჟენევის კონვენციის საფუძველზეც მაქვს. კომისიის წევრებს ჩემი სტატუსი ავტომატურად უნდა დაედასტურებინათ, განსახილველი არაფერია. რეალური მიზეზი კი შემდეგში მდგომარეობს - იუსტიციის მინისტრი თეა წულუკიანი გამოვიდა ”კავკასიის” პირდაპირ ეთერში და თავის არაკომპეტენტურობით გამაოცა. თქვა, რომ უნდობლობას გამოუცხადებს საპარლამენტო კომისიას, თუ ისინი შემიყვანენ პოლიტდევნილთა სიაში. ამისთან, ქვეყნის პირველი იურისტის არაკომპეტენტური გამოთქმა მიანიშნებს სხვა რამეზე. თუ არ შეგისწავლია და წინასწარ გაქვს ჩამოყალიბებული აზრი, ეს სხვა თუ არაფერი, პოლიტიკური დევნაა. თავისი განცხადებით, წულუკიანმა შექმნა პრეცენდენტი, რომ მე უკვე ახალი ხელისუფლების დევნილი ვარ", - განაცხადა ლევან პირველმა.
ამასთან, მისი თქმით, 2007 წლიდან ის საქართველოს მოქალაქის პასპორტს ითხოვს, თუმცა დღემდე არ აძლევენ. "ვიღაცას ქვეყანაში ჩემი მობრუნების ძალიან ეშინია. ეშინიათ, როგორც ნაციონალებს, ასევე ყოფილ ნაციონალებს", - განაცხადა ლევან პირველმა.
ლევან პირველის საქმის განხილვა პოლიტპატიმართა და პოლიტდევნილთა კომისიაში პარტია "მრეწველების" ინიციატივა იყო, რადგან ლევან პირველი ამ პარტიის ყოფილი წევრია.
ხათუნა გაგნიძე
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
