22
ივნისიდღის ზოგადი ასტროლოგიური პროგნოზი
ოზურგეთის მუნიციპალიტეტის 2013 წლის ბიუჯეტში, სოციალური პროგრამებისთვის 759 000 ლარია გათვალისწინებული - ამის შესახებ ოზურგეთის მუნიციპალიტეტის საკრებულოს სხდომაზე, განათლების, კულტურის, სპორტის, ახალგაზრდულ საქმეთა, ჯანმრთელობისა და სოციალურ საკითხთა კომისიის თავმჯდომარემ, ირინა საჯაიამ განაცხადა.
მისი თქმით, სოცპაკეტი 14 პროგრამით იქნება წარმოდგენილი. "2012 წლის ბიუჯეტში ეს პაკეტი 17 პროგრამით იყო წარმოდგენილი, მაგრამ ეს არ ნიშნავს იმას, რომ წელს შემცირდა, პირიქით, გაიზარდა და დაემატა ორი ახალი პროგრამა. თუმცა, ერთმა სამედიცინო დახმარების პროგრამამ ოთხი პროგრამა გააერთიანა, ამის გამო, მთელი რიგი შენიშვნები და სიახლეებია სოცპაკეტში და ვიწყებთ საჯარო ადმინისტრაციულ წარმოებას გაცემისა და მიღების წესთან დაკავშირებით. ეს წესი კი ამოქმედდება პირველი იანვრიდან. თუ საყოველთაო დაზღვევა იქნება, მაშინ კიდევ მოხდება ცვლილებები", - განაცხადა ირინა საჯაიამ.
