ევროკავშირის ფინანსთა მინისტრები და საერთაშორისო სავალუტო ფონდი საბერძნეთის საგარეო ვალის 40 მილიარდი ევროთი შემცირებაზე შეთანხმდნენ, რაც ქვეყნისთვის მორიგი დახმარების პაკეტის მიღების წინაპირობას წარმოადგენდა. ახალი, 44 მილიარდი ევროს ოდენობის ფინანსური დახმარების პაკეტს ევროკავშირი ფორმალურად 13 დეკემბერს დაამტკიცებს.
"საქმე უბრალოდ ფულზე არაა. დღეს ჩვენ ეს გადაწყვეტილება ბერძენი ხალხისა და მთლიანად ევროარეალის უკეთესი მომავლისთვის მივიღეთ", - განაცხადა ევროჯგუფის პრეზიდენტმა ჟან-კლოდ იუნკერმა.
