დათო გო­გი­ჩა­იშ­ვი­ლი ძა­ლი­ან ბევ­რს მუ­შა­ობს. ამი­ტო­მაც არ გვწყა­ლობს ჟურ­ნა­ლის­ტებს და გული სწყდე­ბა, რომ არ გვეს­მის მისი, როცა ინ­ტერ­ვი­უ­ზე უარს გვე­უბ­ნე­ბა. დათო კი­თხუ­ლობს ლექ­ცი­ებს თბი­ლი­სის სა­ხელ­მწი­ფო უნი­ვერ­სი­ტეტ­ში. ძა­ლი­ან მალე პე­რი­ო­დუ­ლად ჰო­ლან­დი­ა­ში ჩავა და ვებსტე­რის უნი­ვერ­სი­ტეტ­შიც წა­ი­კი­თხავს ლექ­ცი­ებს. ჰყავს 5 წლის ნი­კო­ლო­ზი, რო­მელ­საც ტე­ლე­ვი­ზო­რის ყუ­რე­ბა არ უყ­ვარს და მა­მის მომ­ზა­დე­ბუ­ლი სე­რი­ა­ლე­ბის ცქე­რას კომ­პი­უ­ტე­რით გარ­თო­ბა ურ­ჩევ­ნია. "იმედ­ზე" ბოლო დროს ბევ­რი რამ შე­იც­ვა­ლა, თუმ­ცა "ღა­მის შოუ სტუ­დი­ის" რამ­დე­ნი­მე პრო­ექ­ტი უახ­ლო­ეს მო­მა­ვალ­ში კვლავ გაგ­რძელ­დე­ბა.

- "იმედ­თან" ვაგ­რძე­ლებთ სამ პრო­ექტს, სე­რი­ალს "შუა ქა­ლაქ­ში", "ღა­მის შოუს ოთარ ტა­ტიშ­ვილ­თან ერ­თად" და "ანეკ­დო­ტებს". ნო­ემ­ბრის ბო­ლოს დავ­ბრუნ­დე­ბით ეთერ­ში. "იმედ­თან" ხელ­შეკ­რუ­ლე­ბა იან­ვრის ჩათ­ვლით გვაქვს და­დე­ბუ­ლი. იან­ვრის ბო­ლოს კვლავ შევ­ხვდე­ბით "იმე­დის" ხელ­მძღვა­ნე­ლო­ბას და გვექ­ნე­ბა სა­უ­ბა­რი პრო­ექ­ტე­ბის გაგ­რძე­ლე­ბა-არ­გაგ­რძე­ლე­ბა­ზე. გარ­და ამი­სა, ვაგ­რძე­ლებთ მო­ლა­პა­რა­კე­ბებს "მე­ცხრე არხთან", "მა­ესტროს­თან", "პირ­ველ არხთან" და "რუს­თა­ვი 2"-თან.

- ანუ "ღა­მის შოუ სტუ­დია" რამ­დე­ნი­მე არხთან ითა­ნამ­შრომ­ლებს?

- ჩვენ ყო­ველ­თვის გვინ­დო­და, რომ ასე ყო­ფი­ლი­ყო.

- რა უშ­ლი­და ხელს ამის გან­ხორ­ცი­ე­ლე­ბას?

- არ ვიცი. ეს უნდა ჰკი­თხოთ სხვა ტე­ლე­ვი­ზი­ებს, რომ­ლე­ბიც, სა­ვა­რა­უ­დოდ, ფიქ­რობ­დნენ, რად­გან "იმედ­ზე" აკე­თე­ბენ გა­და­ცე­მებს, ჩვენ­თან ცუ­დად გა­ა­კე­თე­ბე­ნო.

- სე­რი­ა­ლი "გო­გო­ნა გა­რე­უბ­ნი­დან" რა­ტომ არ გრძელ­დე­ბა?

- ეს "იმე­დის" წარ­მო­მად­გენ­ლებს უნდა ჰკი­თხოთ.

- დარ­წმუ­ნე­ბუ­ლი ვარ, მათ ეს კი­თხვა თქვენც და­უს­ვით...

- ყვე­ლა­ფე­რი ფი­ნან­სებ­თა­ნაა და­კავ­ში­რე­ბუ­ლი. "ღა­მის შოუ სტუ­დი­ამ" თა­ვი­დან და­ი­წყო სე­რი­ალ "შუა ქა­ლაქ­ში" გა­და­ღე­ბა და მერე ყვე­ლა­ფე­რი გა­და­ვა­ნა­წი­ლეთ. ოპე­რა­ტო­რე­ბი და სცე­ნა­რის­ტე­ბი სხვა პრო­ექ­ტებ­ზეც მუ­შა­ობ­დნენ. "შუა ქა­ლა­ქის" რე­სურ­სი ამის სა­ფუძ­ველს გვაძ­ლევ­და. შემ­დეგ სხვა პრო­ექ­ტის მომ­ზა­დე­ბა იაფ­დე­ბო­და. ანუ, სხვა გა­და­ცე­მა ცალ­კე რომ მომ­ზა­დე­ბუ­ლი­ყო, უფრო ძვი­რი დაჯ­დე­ბო­და. შე­სა­ბა­მი­სად, "იმე­დის" ახალ­მა ხელ­მძღვა­ნე­ლო­ბამ გვი­თხრა, თქვენს ხუ­თი­ვე პრო­ექტს ძა­ლი­ან ვა­ფა­სებთ და ვფიქ­რობთ, თუ არ­ხის­თვის რე­ი­ტინ­გი გვინ­და, თქვენ­თან მჭიდ­რო ურ­თი­ერ­თო­ბა უნდა და­ვამ­ყა­რო­თო. ასე­თი შე­ფა­სე­ბე­ბი მარ­ტო "იმე­დი­დან" არ გვეს­მის. ყვე­ლა არხი, რო­მელ­თა­ნაც მო­ლა­პა­რა­კე­ბას ვა­წარ­მო­ებთ, იმა­ვეს ამ­ბობს და ეს ძა­ლი­ან სა­სი­ა­მოვ­ნო მო­სას­მე­ნია. ამის­თვის მინ­და, ყვე­ლას დიდი მად­ლო­ბა გა­და­ვუ­ხა­დო. "იმე­დის" ახალ­მა წარ­მო­მად­გენ­ლებ­მა გვი­თხრეს, ძა­ლი­ან ბევ­რი ვალ­დე­ბუ­ლე­ბე­ბი გვაქვს, იან­ვრის ჩათ­ვლით გარ­კვე­უ­ლი თან­ხა შეგ­ვიძ­ლია მოგ­ცეთ და თქვენ გა­და­წყვი­ტეთ, რო­მე­ლი პრო­ექ­ტი გაგ­რძელ­დე­ბაო. ჩვენ წა­მო­ვე­დით შეხ­ვედ­რი­დან, დავ­თვა­ლეთ ყვე­ლა­ფე­რი და ფი­ნან­სუ­რი ვაჭ­რო­ბე­ბის შე­დე­გად მი­ვე­დით გა­და­წყვე­ტი­ლე­ბამ­დე, რომ გა­მო­ვი­დო­და "შუა ქა­ლაქ­ში", "ღა­მის შოუ ოთარ ტა­ტიშ­ვილ­თან ერ­თად" და "ანეკ­დო­ტე­ბი". მოკ­ლედ, ყვე­ლა­ფე­რი ფი­ნან­სურ ჭრილ­ში გა­დაჭ­რი­ლი ვაჭ­რო­ბა უფრო იყო.

- სხვა არ­ხე­ბი­დან რო­მე­ლი და­ინ­ტე­რეს­და თქვე­ნი და­ნარ­ჩე­ნი პრო­ექ­ტე­ბით?

- ამ ეტაპ­ზე ყვე­ლა­ფერს ვერ გა­ვახ­მა­უ­რებ. არის ლა­პა­რა­კი, რომ "კა­ცე­ბის შოუ" და "გო­გო­ნა გა­რე­უბ­ნი­დან" გაგ­რძელ­დეს. ვგეგ­მავთ ახა­ლი პრო­ექ­ტე­ბის გა­კე­თე­ბა­საც.

- კუ­ლუ­ა­რუ­ლი ინ­ფორ­მა­ცი­ით, "მე­ცხრე არ­ხმა" კონ­კრე­ტუ­ლი პრო­ექ­ტის გა­კე­თე­ბა შე­მოგ­თა­ვა­ზათ, რა­საც თქვენ არ და­თან­ხმდით.

- ბო­ლომ­დე გა­და­წყვე­ტი­ლი არა­ფე­რია. შე­საძ­ლე­ბე­ლია, ჩვე­ნი ერთ-ერთი პრო­ექ­ტი "მე­ცხრე არხზე" იხი­ლოთ. კახა ბე­ქა­ურ­თან და ზო­გა­დად ყვე­ლას­თან ორი მი­მარ­თუ­ლე­ბით ვა­წარ­მო­ებთ სა­უ­ბარს. მათ ჩვენს პრო­ექ­ტებს ვთა­ვა­ზობთ და გარ­და ამი­სა, "ღა­მის შოუ სტუ­დი­ის" არ­ხის მო­ლა­პა­რა­კე­ბა­სა და და­ნარ­ჩენ არ­ხებ­თან თა­ნამ­შრომ­ლო­ბის გეგ­მებ­ზეც ვსა­უბ­რობთ. თუ ჩვე­ნი არხი "და­ი­ქო­ქე­ბა", მერე შე­იძ­ლე­ბა, რე­სურ­სი აღარ გვე­ყოს სხვა არ­ხე­ბის­თვის პრო­ექ­ტე­ბის მო­სამ­ზა­დებ­ლად. თუ რა­ი­მე ახალ გა­და­ცე­მას მო­ვი­ფიქ­რებთ, გვსურს ისიც ჩვენს არხზე გა­ვუშ­ვათ.

- გა­სარ­თო­ბი არ­ხის გა­კე­თე­ბას გეგ­მავთ?

- ამის სურ­ვი­ლი გვაქვს.

- დღეს სა­ქარ­თვე­ლო­ში ად­ვი­ლი არ უნდა იყოს ახა­ლი არ­ხის გა­კე­თე­ბა.

- ჩვენ გვიყ­ვარს რთუ­ლი ამო­ცა­ნე­ბი. არც სე­რი­ა­ლის "შუა ქა­ლაქ­ში" და "ღა­მის შოუს" გა­კე­თე­ბა იყო ად­ვი­ლი. ვერ ვი­ტყვი, რომ თა­ვი­დან­ვე ყვე­ლა­ზე მა­გა­რი არხი გვექ­ნე­ბა, მაგ­რამ ამის მუ­ღა­მი გვაქვს.

- არ­ხის­თვის სა­ვა­რა­უ­დო სა­ხე­ლი თუ გაქვთ შერ­ჩე­უ­ლი?

- ბოლო დღე­ე­ბის გან­მავ­ლო­ბა­ში სულ ამ თე­მა­ზე ვფიქ­რობთ. ჩვენ არ გვინ­და, დავ­კარ­გოთ ჩვე­ნი ბრენ­დი "ღა­მის შოუ სტუ­დია", მაგ­რამ არ­ხის­თვის ამ სა­ხე­ლის დარ­ქმე­ვა, არ ვიცი, რამ­დე­ნად კარ­გი იქ­ნე­ბა. სტუ­დი­ის­თვის კარ­გი სა­ხე­ლია, მაგ­რამ არ­ხის­თვის არ მგო­ნია, გა­მოდ­გეს.

- უახ­ლო­ეს მო­მა­ვალ­ში ბევ­რი ახა­ლი ქარ­თუ­ლი გა­სარ­თო­ბი არხი გვექ­ნე­ბა. მა­მუ­კა ღლონ­ტის, ბერა ივა­ნიშ­ვი­ლის და "ღა­მის შოუ სტუ­დი­ის". კონ­კუ­რენ­ცია აშ­კა­რად დიდი იქ­ნე­ბა.

- "ჯი­დი­ე­სი" ეთერ­ში უკვე გა­ვი­და საც­დე­ლი მა­უ­წყებ­ლო­ბით. მა­მუ­კა ღლონტმა გა­და­წყვი­ტა შე­მეც­ნე­ბით-გა­სარ­თო­ბი არ­ხის გა­კე­თე­ბა. "რუს­თა­ვი 2"-იც აპი­რებს "ახა­ლი არ­ხის" ბა­ზა­ზე "კო­მე­დი ტვ"-ის გა­კე­თე­ბას, თუმ­ცა "რუს­თა­ვი 2" ჩვენც გვხვდე­ბა და გვე­კი­თხე­ბა, "ახალ არხზე" რა თა­ნამ­შრომ­ლო­ბა შე­იძ­ლე­ბა შედ­გეს ჩვენ შო­რის. არ ვიცი, ეს ყვე­ლა­ფე­რი რო­გორ დამ­თავ­რდე­ბა. რე­ა­ლუ­რად სა­ქარ­თვე­ლო­ში არ არის იმის რე­სურ­სი, რომ ამ­დე­ნი ტე­ლე­ვი­ზია არ­სე­ბობ­დეს. ბევ­რნი არ არი­ან, ვი­საც კარ­გი ტე­ლე­ვი­ზი­ის გა­კე­თე­ბა შე­უძ­ლია. დრო გვიჩ­ვე­ნებს, რო­მე­ლი ტე­ლე­ვი­ზია გა­ა­მარ­თლებს. თა­ვი­დან, სა­ვა­რა­უ­დოდ, რე­სურ­სე­ბი გა­და­ნა­წილ­დე­ბა. ერ­თმა­ნეთ­ში ტა­ცი­ა­ო­ბა წავა, ვის რო­მე­ლი პრო­დი­უ­სე­რი უნდა. მერე უკვე მა­ყუ­რე­ბე­ლი გა­მო­ავ­ლენს, რო­მე­ლი არხი იქ­ნე­ბა ყუ­რე­ბა­დი და ფი­ნან­სუ­რად მომ­გე­ბი­ა­ნი. ეს უკვე მო­მავ­ლის საქ­მეა.

- კონ­კუ­რენ­ცია კარ­გი­ცაა და რა­ღაც მო­მენ­ტში ცუ­დიც, რად­გან ხან­და­ხან კონ­ფლიქ­ტუ­რი სი­ტუ­ა­ცი­ე­ბი იქ­მნე­ბა. ამის მა­გა­ლი­თია თუნ­დაც ის, რაც თქვენ­სა და ვანო ჯა­ვა­ხიშ­ვილს შო­რის მოხ­და. რო­გორც ვანო ამ­ბობს, ნა­ნუ­კა ჟორ­ჟო­ლი­ან­თან გქო­ნი­ათ სა­უ­ბა­რი, რამ­დე­ნად კარ­გი იქ­ნე­ბო­და ვანო ჯა­ვა­ხიშ­ვი­ლის მის შო­უ­ში მიყ­ვა­ნა.

- მე რა უფ­ლე­ბა მაქვს, ნა­ნუ­კა ჟორ­ჟო­ლი­ან­თან მქონ­დეს სა­უ­ბა­რი იმის შე­სა­ხებ, ვისი სტუმ­რად მოყ­ვა­ნა იქ­ნე­ბა კარ­გი და ვისი - ცუდი. ეს ნა­ნუ­კას გა­და­სა­წყვე­ტია. ხოლო იმას, სად გა­მოჩ­ნდე­ბა "ღა­მის შოუ სტუ­დი­ის" ლოგო, რა თქმა უნდა, მე და ჩვე­ნი სტუ­დი­ის სხვა დამ­ფუძ­ნებ­ლე­ბი ვწყვეტთ. ჩვენ არ გვით­ქვამს ნა­ნუ­კას­თვის, ვანო ჯა­ვა­ხიშ­ვი­ლი არ მო­იწ­ვი­ოო. რა უფ­ლე­ბა გვქონ­და, ეს გვეთ­ქვა. ჩვენ ვუ­თხა­რით, "ღა­მის შოუს" ლოგო მოვხსნათ შენს გა­და­ცე­მა­სო. თა­ვი­დან ნა­ნუ­კას გა­და­ცე­მის მომ­ზა­დე­ბა­ში მე­გობ­რუ­ლად და მე­ზობ­ლუ­რად ვეხ­მა­რე­ბო­დით, უბ­რა­ლოდ ვეხ­მა­რე­ბო­დით, როცა ნა­ნუ­კას გა­და­ცე­მა იქო­ქე­ბო­და.

- გა­მო­დის, "ღა­მის შოუ სტუ­დი­ის" ლოგო გა­და­ცე­მას მას შემ­დეგ მოხ­სე­ნით და ნა­ნუ­კას დახ­მა­რე­ბაც მას შემ­დეგ შე­წყვი­ტეთ, რაც ვანო მას­თან გა­ცე­მა­ში სტუმ­რობ­და.

- ნამ­დვი­ლად ასე იყო. ნა­ნუ­კას ვუ­თხა­რი, რომ ვანო ჯა­ვა­ხიშ­ვი­ლი ჩვენ­თვის ადა­მი­ა­ნურ ტკი­ვილ­თან არის და­კავ­ში­რე­ბუ­ლი. არა­ვის ჩემს აზრს თავ­ზე არ ვახ­ვევ. უბ­რა­ლოდ ვამ­ბობ­დი, რომ ერ­თად არ გა­მო­დის ჩვე­ნი ლოგო და ვანო ჯა­ვა­ხიშ­ვი­ლი.

- ასე­თი და­ძა­ბუ­ლი ურ­თი­ერ­თო­ბა წლე­ბია გრძელ­დე­ბა "ღა­მის შოუ სტუ­დი­ა­სა" და "კო­მე­დი შოუს" გუნდს შო­რის...

- პი­რა­დად ჩემ­თვის, მი­უ­ხე­და­ვად იმი­სა, რაც ჩვენ შო­რის მოხ­და, ის სამი წელი, რაც ერ­თად გა­ვა­ტა­რეთ, მნიშ­ვნე­ლო­ვა­ნია და მე ამ სამ წელს ვა­ფა­სებ. რაც მოხ­და, ძა­ლი­ან სა­წყე­ნი იყო და არა­სო­დეს და­მა­ვი­წყდე­ბა, ალ­ბათ არც მათ და­ა­ვი­წყდე­ბათ.

- ხმა­მაღ­ლა, პრე­სის ფურ­ცლებ­ზე ყვე­ლა­ფერს არას­დროს ჰყვე­ბით. ორი­ვე მხა­რე ამ­ბობთ, რომ იყო გუ­ლის­ტკე­ნა, მაგ­რამ დე­ტა­ლებს არ ახ­მა­უ­რებთ. იქ­ნებ გვი­ამ­ბო ყვე­ლა­ფე­რი...

- ეს ის თე­მაა, რა­ზეც არას­დროს ვი­სა­უბ­რებთ. არ მინ­და... "ბითლზე­ბი" და "სპა­ის გერლ­ზი" და­ი­შა­ლა და ჩვენც და­ვი­შა­ლეთ. ხდე­ბა ასე­თი რა­ღა­ცე­ბი.

- ცოტა ხმა­მა­ღა­ლი შე­და­რე­ბაა...

- (იცი­ნის) გავ­კად­ნი­ერ­დი და "ბითლზებს" შე­ვა­და­რე ჩვე­ნი თავი. ეს კონ­ფლიქ­ტი წარ­სუ­ლი ამ­ბა­ვია და მათ­თან ერ­თად გა­ტა­რე­ბუ­ლი სამი წელი ჩემი კა­რი­ე­რის­თვის მნიშ­ვნე­ლო­ვა­ნი იყო მი­უ­ხე­და­ვად იმი­სა, რო­გორც დამ­თავ­რდა ყვე­ლა­ფე­რი. მას შემ­დეგ, რაც ჩვე­ნი გზე­ბი გა­ი­ყო, და­ძა­ბუ­ლი კი არა, არა­ნა­ი­რი ურ­თი­ერ­თო­ბა აღარ გვაქვს.

- რო­გორ ფიქ­რობთ, თქვენ შო­რის კარ­გი ურ­თი­ერ­თო­ბა რომ ყო­ფი­ლი­ყო, გა­და­ცე­მე­ბის რე­ი­ტინგზე უფრო კარ­გად აი­სა­ხე­ბო­და?

- კარ­გი ურ­თი­ერ­თო­ბის მიღ­წე­ვა შე­უძ­ლე­ბე­ლია. ისე­თი რამ გვაქვს ბექგ­რა­უნ­დად, წარ­მო­უდ­გე­ნე­ლია ძვე­ლი მე­გობ­რო­ბის აღ­დგე­ნა, თუმ­ცა არა­სო­დეს უნდა თქვა არა­სო­დეს.

- ხომ არ გეგ­მავთ, ძვე­ლი დრო გა­იხ­სე­ნოთ და ეკ­რანს და­უბ­რუნ­დეთ?

- არა­ნა­ი­რად.

- აღარ გა­ინ­ტე­რე­სებთ?

- სი­მარ­თლე გი­თხრათ, მე უფრო მე­ნე­ჯმენ­ტში და მარ­თვა­ში "ვი­ხარ­შე­ბი" და თა­ვი­და­ნაც მა­ინ­ცდა­მა­ინც არ მინ­დო­და წამ­ყვა­ნო­ბა. თით­ქოს შვი­ლი­ვით მიყ­ვარ­და "ღა­მის შოუ" და ვერ ვან­დე სხვას. თუმ­ცა მერე, დრო რომ გა­ვი­და და სხვა პრო­ექ­ტე­ბი დაგ­ვე­მა­ტა, გა­და­ცე­მის წაყ­ვა­ნა ვანო ჯა­ვა­ხიშ­ვილს მი­ვან­დე.

- ამ­ბო­ბენ, "იმედ­ზე" მუ­შა­ო­ბა გარ­კვე­უ­ლი ხარ­კის გა­დახ­დას ითხოვ­დაო. ოპო­ზი­ცი­უ­რად გან­წყო­ბილ ხალ­ხს იწ­ვევ­დით, მაგ­რამ ისე­თი ხუმ­რო­ბე­ბი გქონ­დათ, რო­მე­ლიც ხე­ლი­სუფ­ლე­ბას არ გა­ა­ნა­წყე­ნებ­და და ეთერ­ში უპ­რობ­ლე­მოდ გახ­ვი­დო­დით.

- არც "რუს­თა­ვი 2"-ში და არც "იმედ­ში" არა­სო­დეს არა­ვის უთ­ქვამს, ვინ მო­მეწ­ვია გა­და­ცე­მა­ში სტუმ­რად და ვინ - არა. ან ვის­ზე უნდა გვე­ხუმ­რა და ვის­ზე - არა.

- გა­სა­გე­ბია, რომ სა­რე­დაქ­ციო საქ­მი­ა­ნო­ბა­ში არ ჩა­რე­უ­ლან, მაგ­რამ ხში­რად იხ­სე­ნე­ბენ ოთარ ტა­ტიშ­ვი­ლის, რბი­ლად რომ ვთქვათ, მწა­რე ხუმ­რო­ბებს ბი­ძი­ნა ივა­ნიშ­ვილ­ზე.

- არ მგო­ნია, ძა­ლი­ან მწა­რე ყო­ფი­ლი­ყო, ან სხვის მი­მართ არ ყო­ფი­ლი­ყო იმა­ვე სიმ­წა­რის ხუმ­რო­ბე­ბი. მო­მა­ვალ­შიც ყვე­ლა მხა­რე­ზე ვი­ხუმ­რებთ. ყვე­ლა­ფერს ისე გა­ვა­კე­თებთ, რო­გორც აქამ­დე ვა­კე­თებ­დით.

მერი კო­ბი­აშ­ვი­ლი

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)