ერთი წინა მოწ­ვე­ვის პარ­ლა­მენ­ტის წევ­რია, მე­ო­რე კი - მოქ­მე­დის. პირ­ვე­ლი თუ პო­ლი­ტი­კურ უმ­ცი­რე­სო­ბა­შია, მე­ო­რეს უმ­რავ­ლე­სო­ბა უმაგ­რებს ზურგს. თუმ­ცა ორი­ვე მზი­ა­ნი აჭა­რის შვი­ლია. კობა ხა­ბა­ზი და მურ­მან დუმ­ბა­ძე "კონ­ტრა­ში" სა­კუ­თარ პო­ზი­ცი­ებს იცა­ვენ...

- ბოლო დროს ქვე­ყა­ნა­ში გან­ვი­თა­რე­ბულ მოვ­ლე­ნებს, ყო­ფილ მა­ღალ­ჩი­ნო­სან­თა და­კა­ვე­ბის ფაქ­ტებს რო­გორ შე­ა­ფა­სებთ? ეს არის პო­ლი­ტი­კუ­რად მო­ტი­ვი­რე­ბუ­ლი ნა­ბი­ჯი თუ მარ­თლმსა­ჯუ­ლე­ბის აღ­დგე­ნის მა­გა­ლი­თი?

კობა ხა­ბა­ზი, "ერ­თი­ა­ნი ნა­ცი­ო­ნა­ლუ­რი მოძ­რა­ო­ბის" წევ­რი:

- ეს და­კა­ვე­ბე­ბი თა­ვი­დან ბო­ლომ­დე პო­ლი­ტი­კუ­რად მო­ტი­ვი­რე­ბუ­ლია და ორ ძი­რი­თად მი­ზანს ემ­სა­ხუ­რე­ბა: პირ­ვე­ლი - მოხ­დეს იმ შე­უს­რუ­ლე­ბე­ლი და­პი­რე­ბე­ბის გა­და­ფარ­ვა, რაც "ქარ­თულ ოც­ნე­ბას" წი­ნა­სა­არ­ჩევ­ნოდ ჰქონ­და. ლა­პა­რა­კი არ არის იმა­ზე, რომ ერთ თვე­ში მათ­გან ვინ­მე რა­ი­მე სას­წა­ულს ელო­და, მაგ­რამ არ არ­სე­ბობს კონ­კრე­ტუ­ლი გეგ­მა, თუ რო­გორ უნდა გა­ი­აფ­დეს ბენ­ზი­ნი 1.50 ლა­რამ­დე, რო­გორ უნდა შემ­ცირ­დეს ბუ­ნებ­რი­ვი აი­რის და ელექტრო­ე­ნერ­გი­ის ტა­რი­ფი, რო­გორ გახ­დე­ბა პენ­სია 240 ლარი და რო­გორ მოხ­დე­ბა უამ­რა­ვი სხვა შე­ღა­ვა­თის და­წე­სე­ბა. ეს ყვე­ლა­ფე­რი რომ გა­და­ე­ფა­რათ, მო­სახ­ლე­ო­ბას სა­ნაც­ვლოდ, და­ჭე­რე­ბი შეს­თა­ვა­ზეს. ჩვენ­მა ხე­ლი­სუფ­ლე­ბამ მო­ა­ხერ­ხა და სა­ქარ­თვე­ლო­ში და­ამ­კვიდ­რა ის, რომ კვი­რა არ გა­ვი­დო­და, ახა­ლი ობი­ექ­ტი, ახა­ლი გზა, ახა­ლი მშე­ნებ­ლო­ბა არ გახ­სნი­ლი­ყო. ამ ხე­ლი­სუფ­ლე­ბის ხელ­ში კი ერთი სი­ახ­ლეც არ არის, რი­თაც ხალ­ხის წი­ნა­შე წარ­დგე­ბოდ­ნენ. აქვე ვერ გა­მოვ­რი­ცხავთ იმას, რომ ეს ადა­მი­ა­ნე­ბის ბოღ­მის გა­მოვ­ლე­ნაა, ვინც "ქარ­თულ ოც­ნე­ბა­ში" მო­ი­ყა­რა თავი.

მურ­მან დუმ­ბა­ძე, სა­ქარ­თვე­ლოს პარ­ლა­მენ­ტის ვიცე-სპი­კე­რი, კო­ა­ლი­ცია "ქარ­თუ­ლი ოც­ნე­ბის" წევ­რი:

- ეს ქმე­დე­ბე­ბი არც პო­ლი­ტი­კუ­რად მო­ტი­ვი­რე­ბუ­ლია და არც სა­მარ­თლი­ა­ნო­ბის აღ­დგე­ნა­ზეა ლა­პა­რა­კი. არ­სე­ბობს ეჭვი და ამ ადა­მი­ა­ნებს აპა­ტიმ­რე­ბენ ამ ეჭ­ვის სა­ფუძ­ველ­ზე. სა­სა­მარ­თლო გა­არ­ჩევს, მი­უ­ძღვით თუ არა ამ ადა­მი­ა­ნებს ბრა­ლი კა­ნო­ნის წი­ნა­შე. და­ჭე­რა, და­პა­ტიმ­რე­ბა ხდე­ბო­და ახა­ლი ხე­ლი­სუფ­ლე­ბის მოს­ვლამ­დეც და ახა­ლი ხე­ლი­სუფ­ლე­ბის დრო­საც ასე იქ­ნე­ბა. თუ ეჭვი ჩნდე­ბა, პრო­კუ­რა­ტუ­რა იჭერს, ხოლო სა­სა­მარ­თლო ასა­მარ­თლებს. ასე რომ, და­ვე­ლო­დოთ სა­სა­მარ­თლოს გა­და­წყვე­ტი­ლე­ბას. ვფიქ­რობ, რომ პრო­ცე­სი, რო­მე­ლიც ამ ეტაპ­ზე მიმ­დი­ნა­რე­ობს, არ გა­დის კა­ნო­ნის მიღ­მა.

- რო­გორ ფიქ­რობთ - არის ქვეყ­ნის­თვის ხი­ფა­თის შემ­ცვე­ლი "ოპო­ზი­ცი­ო­ნე­რი" პრე­ზი­დენ­ტის და ახა­ლი ხე­ლი­სუფ­ლე­ბის ერ­თობ­ლი­ვი მმარ­თვე­ლო­ბა?

კობა ხა­ბა­ზი:

- რთუ­ლი კი­თხვაა და ყვე­ლა­ზე ნაკ­ლე­ბად გვე­ხე­ბა ჩვენ, რად­გან არ­ჩევ­ნე­ბის დღი­დან მო­ყო­ლე­ბუ­ლი ყვე­ლა­ფე­რი გა­ვა­კე­თეთ, რომ ხე­ლი­სუფ­ლე­ბის გა­და­ბა­რე­ბა ნორ­მა­ლურ სა­მუ­შაო პრო­ცეს­ში მომ­ხდა­რი­ყო და არა კონფრონ­ტა­ცი­ულ რე­ჟიმ­ში. ჯერი იყო მათ­ზე, თუ რო­გორ გა­აგ­რძე­ლებ­დნენ და რო­გორ შე­ე­გუ­ე­ბოდ­ნენ ამ ფაქტს. ბევრ ქვე­ყა­ნა­ში ხდე­ბა, რომ ხე­ლი­სუფ­ლე­ბის სხვა­დას­ხვა შტოს სხვა­დას­ხვა პო­ლი­ტი­კუ­რი ძალა ხელ­მძღვა­ნე­ლობს. ამათ კი მო­ინ­დო­მეს სრუ­ლი ძა­ლა­უფ­ლე­ბის უზურ­პა­ცია, და­ი­წყეს შე­ტე­ვა ყვე­ლა მი­მარ­თუ­ლე­ბით: საკ­რე­ბუ­ლო­ზე, მე­რი­ა­ზე, სა­სა­მარ­თლო­სა და გენშტაბ­ზე. მეტ­საც გე­ტყვით, არ­ნა­ხუ­ლი ზე­წო­ლა მიმ­დი­ნა­რე­ობს ყვე­ლა დე­პუ­ტატ­ზე, მოს­ყიდ­ვით და­წყე­ბუ­ლი და და­ში­ნე­ბით დამ­თავ­რე­ბუ­ლი, რომ სა­კონ­სტი­ტუ­ციო უმ­რავ­ლე­სო­ბა ჩა­იგ­დონ ხელ­ში და კა­ნო­ნე­ბი სა­კუ­თარ თავ­ზე მო­ირ­გონ.

მურ­მან დუმ­ბა­ძე:

- ვფიქ­რობ, რომ ასე­თი მმარ­თვე­ლო­ბა და­საშ­ვე­ბია დე­მოკ­რა­ტი­ულ ქვე­ყა­ნა­ში. მა­გა­ლი­თად, ცენ­ტრა­ლურ ხე­ლი­სუფ­ლე­ბას შე­საძ­ლოა აკონ­ტრო­ლებ­დეს სხვა პო­ლი­ტი­კუ­რი ძალა, ხოლო თვით­მმარ­თვე­ლო­ბას - სხვა. მთა­ვა­რია, ქვეყ­ნის სტრა­ტე­გი­ულ კურსს არ გა­და­ვუხ­ვი­ოთ, ანუ არ­სე­ბობ­დეს შე­თან­ხმე­ბა პო­ლი­ტი­კურ ძა­ლებს შო­რის ქვეყ­ნის სტრა­ტე­გი­ულ კურსთან და­კავ­ში­რე­ბით. არ­სე­ბულ რე­ა­ლო­ბა­ში ეს შე­თან­ხმე­ბა ფაქ­ტობ­რი­ვად არ­სე­ბობს. თუმ­ცა, მინ­და გი­თხრათ, რომ თვით­მმარ­თველ ერ­თე­უ­ლებ­შიც უახ­ლო­ეს მო­მა­ვალ­ში "ქარ­თუ­ლი ოც­ნე­ბა" გა­ი­მარ­ჯვებს, რად­გან რა­ი­ო­ნუ­ლი თუ ქა­ლა­ქის საკ­რე­ბუ­ლო­ე­ბის წევრთა უმე­ტე­სო­ბა დღე­ვან­დე­ლი ხე­ლი­სუფ­ლე­ბის მხარ­დამ­ჭე­რია.

- იყო თუ არა აუ­ცი­ლე­ბე­ლი პრე­ზი­დენ­ტის­თვის გან­კუთ­ვნი­ლი ხარ­ჯე­ბის შემ­ცი­რე­ბა?

კობა ხა­ბა­ზი:

- როცა ბი­უ­ჯეტ­ში ხარ­ჯე­ბის შემ­ცი­რე­ბის აუ­ცი­ლებ­ლო­ბა არ­სე­ბობს, ეს უნდა შე­ე­ხოს ყვე­ლას. ზო­გა­დად, ამას "ქამ­რე­ბის შე­მო­ჭე­რის" პო­ლი­ტი­კა ჰქვია. მაგ­რამ როცა ეს პო­ლი­ტი­კა ცალ­კე­ულ მი­მარ­თუ­ლე­ბებს ეხე­ბა - მა­გა­ლი­თად, სა­ზო­გა­დო­ებ­რივ მა­უ­წყე­ბელს, პრე­ზი­დენ­ტის ად­მი­ნის­ტრა­ცი­ას, - ეს არის პირ­და­პი­რი ზე­წო­ლა იმ ადა­მი­ა­ნებ­ზე, უწყე­ბებ­ზე, რომ­ლებ­საც სხვაგ­ვა­რად ვერ აკონ­ტრო­ლე­ბენ. პრე­ზი­დენტს პი­რა­დად დის­კომ­ფორ­ტი არ შე­ექ­მნე­ბა, მაგ­რამ პრე­ზი­დენ­ტის სა­სახ­ლეც, პრე­მი­ე­რის სა­მუ­შაო ად­გი­ლიც და სხვა და­წე­სე­ბუ­ლე­ბე­ბიც უნდა იყოს მიმ­ზიდ­ვე­ლი, ლა­მა­ზი და მოს­წონ­დეს ყვე­ლას, ვინც ჩვენს ქვე­ყა­ნა­ში და­ა­პი­რებს შე­მოს­ვლას და ინ­ვეს­ტი­ცი­ის გან­ხორ­ცი­ე­ლე­ბას.

მურ­მან დუმ­ბა­ძე:

- ხარ­ჯე­ბის არა­გო­ნივ­რუ­ლი და არა­გამჭვირ­ვა­ლე ხარ­ჯვა კა­ნო­ნის მიღ­მა მოქ­მე­დე­ბაა და ამ თე­მა­ზე სა­სა­მარ­თლომ თა­ვი­სი სი­ტყვა უნდა თქვას. პრე­ზი­დენ­ტის­თვის ხარ­ჯე­ბის შემ­ცი­რე­ბა გარ­და­უ­ვა­ლი აუ­ცი­ლებ­ლო­ბა იყო.

- ღო­ნის­ძი­ე­ბე­ბის დიდი ნა­წი­ლი, რო­მე­ლიც პრე­ზი­დენ­ტის ფონ­დი­დან ფი­ნანსდე­ბო­და, ბა­თუმ­ში იმარ­თე­ბო­და, მათ შო­რის - კონ­ცერ­ტე­ბი უცხო­ე­ლი ვარ­სკვლა­ვე­ბის მო­ნა­წი­ლე­ო­ბით. რამ­დე­ნად გა­მარ­თლე­ბუ­ლი იყო ასე­თი ხარ­ჯე­ბის გა­ღე­ბა?

კობა ხა­ბა­ზი:

- არ ვიცი, რო­გორ შე­იძ­ლე­ბა მო­გიბ­რუნ­დეს ენა ადა­მი­ანს ამის სათ­ქმე­ლად, როცა ყვე­ლა­ფერს ვა­კე­თებ­დით, რომ ჩვე­ნი კუ­თხე­ე­ბის პო­პუ­ლა­რი­ზა­ცია მომ­ხდა­რი­ყო მსოფ­ლი­ო­ში. როცა ბა­თუმ­ში ბო­ჩე­ლი და სხვა ცნო­ბი­ლი მომ­ღერ­ლე­ბი ჩა­მო­დი­ოდ­ნენ, ეს ხომ ჩვე­ნი სი­ა­მოვ­ნე­ბის­თვის არ კეთ­დე­ბო­და. ეს ემ­სა­ხუ­რე­ბო­და იმა­საც, რომ მა­გა­ლი­თად, აფხა­ზეთ­ში მცხოვ­რებ ადა­მი­ა­ნებს ენა­ხათ, სა­ქარ­თვე­ლოს­თან თა­ნა­ცხოვ­რე­ბით რა ლა­მა­ზი შე­იძ­ლე­ბა იყოს სო­ხუ­მი. ერთი ფაქ­ტი მახ­სოვს, რა­საც ოპო­ზი­ცი­ის მხრი­დან ქი­ლი­კი მოჰ­ყვა. პრე­ზი­დენ­ტი შე­ვი­და ზღვა­ში და ჩა­მოთ­ვა­ლა, იმ დროს რა ტემ­პე­რა­ტუ­რა იყო სხვა­დას­ხვა ქვე­ყა­ნა­ში და აღ­ნიშ­ნა, რომ ბა­თუმ­ში სა­ბა­ნაო ამინ­დი იყო. ვინ­მეს ჰგო­ნია, რომ პრე­ზი­დენტს წყალ­ში შეს­ვლა და იქ ინ­ტერ­ვი­უს მი­ცე­მა უხა­რია? არა, ბა­ტო­ნო, ეს კეთ­დე­ბო­და ჩვე­ნი კუ­თხე­ე­ბის პო­პუ­ლა­რი­ზა­ცი­ის­თვის.

მურ­მან დუმ­ბა­ძე:

- სა­ქარ­თვე­ლოს სა­ხელ­მწი­ფო ბი­უ­ჯე­ტის პრო­ექ­ტი 5 ოქ­ტომ­ბერს შე­მო­ვი­და პარ­ლა­მენ­ტში გან­სა­ხილ­ვე­ლად და გარ­წმუ­ნებთ, რომ ასეთ ხარ­ჯებს სა­ხელ­მწი­ფო ბი­უ­ჯეტ­ში ვე­ღარ ნა­ხავთ ჩვე­ნი ხე­ლი­სუფ­ლე­ბის პი­რო­ბებ­ში. კარ­ე­რა­სის კონ­ცერ­ტე­ბის და­ფი­ნან­სე­ბა, რეს­ტორ­ნებ­ში ღრე­ო­ბა და რეს­ტორ­ნე­ბის აშე­ნე­ბა სა­ხელ­მწი­ფო ბი­უ­ჯე­ტით დას­რუ­ლე­ბუ­ლია.

- პარ­ლა­მენ­ტში გან­სა­ხილ­ვე­ლად შე­ვი­და კა­ნონპ­რო­ექ­ტი "ამ­ნის­ტი­ის შე­სა­ხებ", რო­მე­ლიც გუ­ლის­ხმობს უსა­მარ­თლო გა­ნა­ჩე­ნე­ბის გა­და­ხედ­ვას. რო­გორ შე­ა­ფა­სებთ უმ­რავ­ლე­სო­ბის ამ ინი­ცი­ა­ტი­ვას?

კობა ხა­ბა­ზი:

- მე ვე­კუთ­ვნი იმ ადა­მი­ა­ნებს, ვი­საც გულ­წრფე­ლად მი­აჩ­ნია, რომ ამ­ნის­ტია ჰუ­მა­ნუ­რი აქ­ტია. ხე­ლი­სუფ­ლე­ბა ამ­ნის­ტი­ას უნდა იყე­ნებ­დეს და ათა­ვი­სუფ­ლებ­დეს პა­ტიმ­რებს, მაგ­რამ ამა­ვე დროს, პა­სუ­ხის­მგებ­ლო­ბას უნდა იღებ­დეს იმა­ზე, რომ ქვე­ყა­ნა­ში კრი­მი­ნო­გე­ნუ­ლი ვი­თა­რე­ბა არ გა­უ­ა­რეს­დეს.

მურ­მან დუმ­ბა­ძე:

- სა­ქარ­თვე­ლო­ში 4,5 მი­ლი­ო­ნი ადა­მი­ა­ნი ცხოვ­რობს, მათ შო­რის 40000 პა­ტი­მა­რია. ბუ­ნებ­რი­ვია, მათ შო­რის ბევ­რი, პო­ლი­ტი­კუ­რი ნიშ­ნით არის და­კა­ვე­ბუ­ლი. ასეც რომ არ იყოს, მა­ინც ძა­ლი­ან ბევ­რი პა­ტი­მა­რი გვყავს, მო­სახ­ლე­ო­ბის სა­ერ­თო რა­ო­დე­ნო­ბას­თან შე­ფარ­დე­ბით. ამი­ტომ, ფარ­თო­მას­შტა­ბი­ა­ნი ამ­ნის­ტია გარ­და­უ­ვა­ლი აუ­ცი­ლებ­ლო­ბაა. ათა­სო­ბით ადა­მი­ა­ნი უახ­ლო­ეს ხან­ში და­ტო­ვებს სა­პა­ტიმ­როს და ეს სა­მარ­თლი­ა­ნი გა­და­წყვე­ტი­ლე­ბა იქ­ნე­ბა.

- შექ­მნი­ლი პო­ლი­ტი­კუ­რი ვი­თა­რე­ბი­დან გა­მომ­დი­ნა­რე, რამ­დე­ნად შე­საძ­ლებ­ლად მი­გაჩ­ნი­ათ, რომ კონ­ფლიქ­ტე­ბის მოგ­ვა­რე­ბის სა­კი­თხში სა­ქარ­თვე­ლომ გარ­კვე­ულ წარ­მა­ტე­ბებს მი­აღ­წი­ოს?

კობა ხა­ბა­ზი:

- დღე­ვან­დე­ლი ხე­ლი­სუფ­ლე­ბის­გან ჯერ­ჯე­რო­ბით ვხე­დავ მხო­ლოდ დათ­მო­ბის მზად­ყოფ­ნას. გა­ვიხ­სე­ნოთ შე­ვარ­დნა­ძის დრო - იმა­საც კი უთან­ხმებ­და კრემლს, თუ ვინ იქ­ნე­ბო­და სა­ქარ­თვე­ლო­ში თავ­დაც­ვის, ში­ნა­გან საქ­მე­თა მი­ნის­ტრე­ბი და ა.შ. ყვე­ლა­ნა­ირ დათ­მო­ბა­ზე წა­ვი­და შე­ვარ­დნა­ძე და სა­ნაც­ვლოდ ტე­რი­ტო­რი­უ­ლი მთლი­ა­ნო­ბის აღ­დგე­ნა მი­ვი­ღეთ? მე არ მჯე­რა, რომ რუ­სეთ­თან დამთმო­ბი პო­ლი­ტი­კით სა­ქარ­თვე­ლოს ტე­რი­ტო­რი­უ­ლი მთლი­ა­ნო­ბის აღ­დგე­ნა იქ­ნე­ბა შე­საძ­ლე­ბე­ლია. ამის­თვის არ­სე­ბობს ერ­თა­დერ­თი გზა - ძლი­ე­რი სა­ქარ­თვე­ლოს ჩა­მო­ყა­ლი­ბე­ბა, რო­გორც სამ­ხედ­რო, ისე ეკო­ნო­მი­კუ­რი თვალ­საზ­რი­სით, რათა აფხა­ზებ­სა და ოსებს გა­უჩ­ნდეთ ერ­თი­ან სა­ქარ­თვე­ლო­ში ცხოვ­რე­ბის სურ­ვი­ლი.

მურ­მან დუმ­ბა­ძე:

- აუ­ცი­ლებ­ლად მი­ვაღ­წევთ. ჩვე­ნი ამო­ცა­ნაა, სა­ქარ­თვე­ლოს სა­ხელ­მწი­ფოს, მო­ქა­ლა­ქე­ე­ბის, ოჯა­ხე­ბის ეკო­ნო­მი­კურ წარ­მა­ტე­ბას მი­ვაღ­წი­ოთ. ქვე­ყა­ნა ეკო­ნო­მი­კუ­რად უნდა გან­ვი­თარ­დეს და მიმ­ზიდ­ვე­ლი გახ­დეს. როცა სა­ქარ­თვე­ლო იქ­ცე­ვა შვე­ი­ცა­რი­ის ტი­პის ქვეყ­ნად, ის მო­ქა­ლა­ქე­ე­ბი, რომ­ლე­ბიც სა­ქარ­თვე­ლოს იუ­რის­დიქ­ცი­ის მიღ­მა ცხოვ­რო­ბენ, ჩვენ­თან დაბ­რუ­ნე­ბა­ზე იფიქ­რე­ბენ. ჩვენ ტე­რი­ტო­რი­ე­ბი კი არ უნდა და­ვიბ­რუ­ნოთ, უნდა და­ვიბ­რუ­ნოთ ხალ­ხი, ადა­მი­ა­ნე­ბი. ამი­ტომ ამ პრობ­ლე­მე­ბის მოგ­ვა­რე­ბაც შე­საძ­ლე­ბე­ლია, თუ სწო­რი ხედ­ვა და სტრა­ტე­გია გვექ­ნე­ბა ამ სა­კი­თხთან და­კავ­ში­რე­ბით. ია­რა­ღის ჟღა­რუ­ნით პრობ­ლე­მის მოგ­ვა­რე­ბა ფაქ­ტობ­რი­ვად შე­უძ­ლე­ბე­ლია. ძლი­ერ ეკო­ნო­მი­კა­სა და ურ­თი­ერ­თხელ­საყ­რე­ლი პი­რო­ბე­ბის შექ­მნა­ზე უნდა გა­ვა­კე­თოთ აქ­ცენ­ტი.

- რო­გორ ფიქ­რობთ - უნდა ჩა­ტარ­დეს თუ არა გა­მო­ძი­ე­ბა ლა­ფან­ყუ­რის სპე­ცო­პე­რა­ცი­ას­თან და­კავ­ში­რე­ბით?

კობა ხა­ბა­ზი:

- ნე­ბის­მი­ერ სა­კი­თხზე უნდა ჩა­ტარ­დეს გა­მო­ძი­ე­ბა. მე იმ გუნდს წარ­მო­ვად­გენ, რომ­ლის ქმე­დე­ბებ­შიც დარ­წმუ­ნე­ბუ­ლი ვარ. 1987 წლი­დან ჩარ­თუ­ლი ვარ პო­ლი­ტი­კურ პრო­ცე­სებ­ში, ბევრ რა­მე­საც შე­მიძ­ლია, ინ­ტუ­ი­ცი­უ­რად მივ­ხვდე. რო­დე­საც ამ სპე­ცო­პე­რა­ცი­ა­ზე ლა­პა­რა­კო­ბენ, ერთი მარ­ტი­ვი კი­თხვა მიჩ­ნდე­ბა: რომ გა­და­სუ­ლი­ყო ეს შე­ი­ა­რა­ღე­ბუ­ლი ჯგუ­ფი რუ­სე­თის ტე­რი­ტო­რი­ა­ზე და რამე ტე­რაქ­ტი მო­ე­წყოთ, შემ­დეგ ამას დამ­თხვე­ო­და არ­ჩევ­ნე­ბი სა­ქარ­თვე­ლო­ში და ჩვენს გუნდს გა­ე­მარ­ჯვა, იქ­ნე­ბო­და თუ არა ეს სა­ბა­ბი, რომ რუ­სებს შე­ი­ა­რა­ღე­ბუ­ლი ძა­ლე­ბი შე­მო­ეყ­ვა­ნათ სა­ქარ­თვე­ლოს ტე­რი­ტო­რი­ა­ზე? დარ­წმუ­ნე­ბუ­ლი ვარ, რომ ეს ამ მი­ზანს ემ­სა­ხუ­რე­ბო­და. ბევ­რჯერ შეს­თა­ვა­ზეს ჩვენ­მა სა­მარ­თალ­დამ­ცა­ვებ­მა და­ნე­ბე­ბა, რა­ზეც უარი თქვეს. ჩვენს ქვე­ყა­ნას საფრ­თხის ქვეშ ვერ და­ვა­ყე­ნებ­დით.

მურ­მან დუმ­ბა­ძე:

- აუ­ცი­ლებ­ლად და არა მარ­ტო ლა­ფან­ყუ­რის სპე­ცო­პე­რა­ცია. ბევ­რი სხვა სპე­ცო­პე­რა­ცი­აც უნდა იყოს გა­მო­ძი­ე­ბუ­ლი, რომ­ლებ­საც 2004 წლი­დან მო­ყო­ლე­ბუ­ლი ატა­რებ­და "ნა­ცი­ო­ნა­ლუ­რი მოძ­რა­ო­ბა". მე მახ­სენ­დე­ბა 2005 წელს, მეტ­რო "სამ­გორ­თან" დახ­ვრე­ტი­ლი სამი ახალ­გაზ­რდა მა­მა­კა­ცის საქ­მე. ისი­ნი ბა­თუ­მე­ლე­ბი იყ­ვნენ და მათ დახ­ვრე­ტას დათა ახა­ლა­ია ხელ­მძღვა­ნე­ლობ­და. ამ ბი­ჭე­ბის მშობ­ლებ­მა უკვე შე­ი­ტა­ნეს სა­ჩი­ვა­რი პრო­კუ­რა­ტუ­რა­ში.

- ქალი პო­ლი­ტი­კა­ში მოგ­წონთ?

კობა ხა­ბა­ზი:

- არას­დროს და­მიყ­ვია ადა­მი­ა­ნე­ბი ამ ნიშ­ნით. ქა­ლე­ბი და მა­მა­კა­ცე­ბი ვართ აბ­სო­ლუ­ტუ­რად ერ­თნა­ი­რე­ბი - ერ­თნა­ი­რად გვიყ­ვარს, გვძულს, ვა­კე­თებთ ან ვა­ფუ­ჭებთ რა­მეს. მთა­ვა­რია, ვინ ხარ და რო­გო­რი ადა­მი­ა­ნი ხარ. მარ­გა­რეტ ტე­თჩე­რი­დან და­წყე­ბუ­ლი, თა­მა­რით დამ­თავ­რე­ბუ­ლი, არა­ერ­თი ქალი შე­მიძ­ლია ჩა­მოვ­თვა­ლო, ვინც თა­ვი­სი ქვეყ­ნის წარ­მა­ტე­ბა­ში დიდი წვლი­ლი შე­ი­ტა­ნა.

მურ­მან დუმ­ბა­ძე:

- სი­ტყვა "გენ­დერუ­ლი" არ მომ­წონს. იმის გამო, რომ ქა­ლია და უპი­რა­ტე­სო­ბა უნდა მი­ე­ნი­ჭოს, ან იმის გამო, რომ მა­მა­კა­ცია, ქალს უნდა და­უთ­მოს - ჩემ­თვის გა­უ­გე­ბა­რია. მთა­ვა­რია, მისი უნა­რე­ბი, შე­საძ­ლებ­ლო­ბე­ბი და ნიჭი. ვფიქ­რობ, ქალ­ბა­ტო­ნე­ბი კარგ ნიჭს ავ­ლე­ნენ პო­ლი­ტი­კა­ში და ამი­ტომ ბევ­რი პო­ლი­ტი­კო­სი ქალი გვყავს. ქა­ლია სა­ქარ­თვე­ლოს სა­გა­რეო საქ­მე­თა მი­ნის­ტრი. მა­გა­ლი­თად, ნინო ბურ­ჯა­ნა­ძე ორ­ჯერ იყო პრე­ზი­დენ­ტის მო­ვა­ლე­ო­ბის შემ­სრუ­ლე­ბე­ლი.

- ადა­მი­ა­ნებს იო­ლად ენ­დო­ბით?

კობა ხა­ბა­ზი:

- ამას ნაკ­ლად მით­ვლი­ან, მაგ­რამ მე ასე არ ვფიქ­რობ. მი­მაჩ­ნია, რომ ყვე­ლა ადა­მი­ანს უნდა ენდო, რად­გან უფ­ლე­ბა არ გვაქვს, უნ­დობ­ლად მო­ვე­კი­დოთ მათ, ხოლო ამის შემ­დეგ, მოქ­მე­დე­ბით უნდა შე­ა­ფა­სო, რო­გორ ამარ­თლებს ის ამ ნდო­ბას.

მურ­მან დუმ­ბა­ძე:

- ადა­მი­ა­ნებ­თან ურ­თი­ერ­თო­ბის დიდი გა­მოც­დი­ლე­ბა და­მიგ­როვ­და - ნა­ხე­ვა­რი სა­უ­კუ­ნის ასა­კის ვარ. გარ­და იმი­სა, რომ პო­ლი­ტი­კო­სი ვარ, სპე­ცი­ა­ლო­ბით მა­თე­მა­ტი­კო­სი და პე­და­გო­გი გახ­ლა­ვართ. ადა­მი­ა­ნე­ბი შე­მიძ­ლია და­ვა­ხა­სი­ა­თო თმის ფე­რის მი­ხედ­ვით. რამ­დე­ნი­მე წუ­თიც კი საკ­მა­რი­სია, ადა­მი­ანს ვე­ლა­პა­რა­კო და გი­თხრათ, რას წარ­მო­ად­გენს.

ემა ტუ­ხი­აშ­ვი­ლი

ჟურ­ნა­ლი "გზა"

(გა­მო­დის ხუთ­შა­ბა­თო­ბით)