23
მაისიდღის ზოგადი ასტროლოგიური პროგნოზი
მსახიობ ჰოლი ბერის ყოფილი საყვარელი, მანეკენი და ფოტომოდელი გაბრიელ ორბი ჰოლი ბერის სახლში ჩხუბის დროს დააპატიმრეს. იგი მსახიობის საქმრო ოლივიე მარტინესს წაეკიდა, ინციდენტის შედეგად მარტინესი საავადმყოფოში გადაიყვანეს.
ხუთშაბათს, 35 წლის ობრი ჰოლი ბერის სახლში მათი საერთო ქალიშვილის, ნალას მოსანახულებლად მივიდა. იგი და მარტინესი შეკამათდნენ, რაც მოგვიანებით ჩხუბში გადაიზარდა.
თვითმხილველების თქმით, გაბრიელმა ოლივიეს ხელი ჰკრა და სახეში დაარტყა, შემდეგ გაბრიელმა ოლივიე ძირს დააგდო, ოლივიემ კი მას სახეში ფეხი ჩაარტყა.
მამაკაცების გაშველება მხოლოდ ადგილზე მისულმა პოლიციელებმა შეძლეს. შედეგად, ობრის ნეკნი გაუტყდა და სახე დაუზიანდა, მარტინესმა ხელი და კისერი დაიშავა. ორივე მამაკაცი საავადმყოფოში გადიყვანეს.
ბერის სახლში მომხდარი ინციდენტის სასამართლო განხილვა 13 დეკემბერს შედგება. მანამდე კი ობრის ბერისთან, მარტინესთან და საკუთარ ქალიშვილთან 100 იარდზე (91 მეტრი) ახლოს მისვლა ეკრძალება.
ჰოლი ბერი - ამერიკის კინემატოგრაფის ისტორიაში პირველი შავკანიანი მსახიობია, რომელმაც პრემია "ოსკარი" მოიპოვა. იგი მას 2001 წელს ფილმ "მონსტრების წვეულებაში" შესრულებული როლისთვის მიენიჭა.
2011 წლის დასაწყისში ვრცელდებოდა ინფორმაცია, რომ ბერი სასამართლოში ქალიშვილზე სრული მეურვეობის მოსაპოვებლად ბრძოლას აპირებდა.
მომზადებულია TMZ-ის მიხედვით.
