მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჟიურის უპრეცედენტო რაოდენობა და ინციდენტი "Best Model Of The World" - ის ფინალზე
23:10 / 21-11-2012
"მის თინეიჯერის" ორგანიზატორმა და სამოდელო სააგენტო "კატრინის" ხელმძღვანელმა ეკა მგალობლიშვილმა ახლახან კიდევ 3 საერთაშორისო კონკურსის ლიცენზია მოიპოვა და ერთ-ერთის Best Model Of The World 2012-ის ფინალი 13 ნოემბერს Holliday In-ში გაიმართა კიდეც.
ჟიურის ამხელა შემადგენლობა, როგორიც აღნიშნულ კონკურსზე ვნახე, არც ერთ შეჯიბრებაზე არ მინახავს. პოდიუმის წინ ჟიურის იმხელა რიგი იყო, კარში შესვლას მხოლოდ შესუნთქული თუ მოახერხებდი. ჟიურის 17-კაციან შემადგენლობაში იყვნენ: ქეთი ორჯონიკიძე, მარკო მეტრეველი, ზალიკო ბერგერი, შოთიკო ბოჭორიშვილი, დათუნა სულიკაშვილი, დალი ჩიტალაძე, ავთო ჩიტიძე, გიორგი ნაზღაიძე, უცხოეთიდან მოწვეული სტუმრები, სხვადასხვა სამოდელო სააგენტოს წარმომადგენლები, თქვენი მონა-მორჩილი და სხვები. ასე მეგონა, მის და მისტერ მსოფლიოს ვირჩევდით.
ჟიურის სიმრავლემ კონკურსის დაწყებამდე პატარა ინციდენტამდეც მიგვიყვანა. მოდის კრიტიკოსი დალი ჩიტალაძე და ჟიურის თავმჯდომარე კრისტი ყიფშიძე დაგვიანებით მოვიდნენ. ვინაიდან ვარსკვლავურ ჟიურის შუა ადგილები უნდოდა, განაპირა ადგილებში მსხდომთ სთხოვდნენ, ერთი სავარძლით გადაიწიეთო. ამან მარკუს მეტრეველი მდგომარეობიდან გამოიყვანა, მე ჩემს ადგილას ვზივარ და ვისაც სად უნდა იქ დაჯდესო, ყველას გასაგონად გამოაცხადა.
როგორც იქნა, მოვთავსდით. საღამო, უკვე ამერიკაში რომ გვეგონა, ნინი შერმადინმა გახსნა. ამ ღონისძიებისთვის გადაუდია ვიზიტი. გვიმღერა და პირდაპირ აეროპორტში გაიქცა. ჩაიგდო რა მიკროფონი ხელში კონკურსის ორგანიზატორმა ეკა მგალობლიშვილმა, "კატრინის" წარმატებებზე, სპონსორებზე, ჟიურის წევრებზე გაუთავებლად მოჰყვა და მოჰყვა. ბოლოს მაყურებელს აუწყა, რომ იმ დარბაზში საუკეთესო მოდელი უნდა გამოგვევლინა გოგონებშიც და ბიჭებშიც, რომლებიც 8 დეკემბერს სტამბოლში მსოფლიოს 100 ქვეყნის გამარჯვებულებს უნდა შეეჯიბრონ.
ამასობაში საცურაო კოსტიუმებში გამოწყობილი კონკურსანტებიც წარდგნენ ჩვენ წინაშე. გოგონებში ჟიურის დიდი არჩევანი არ ჰქონია. "კატრინის" მოდელი თამთა ქენქაძე ერთხმად ავირჩიეთ. აი, ბიჭებში კი ერთმა ხმამ გადაწყვიტა ყველაფერი. ბრძოლა ბესუს ქრისტესაშვილსა და მახო მაჭარაშვილს შორის მიმდინარეობდა, რომელიც ბესუსის სასარგებლოდ გადაწყდა.
ბესუს ქრისტესაშვილი:
- საკმაოდ კარგი კონკურენტები მყავდა, ნამდვილად არ ველოდი ასეთ შედეგს. კმაყოფილი ვარ.
თამთა ქენქაძე:
- ძალიან გახარებული ვარ, ემოციებს ვერ ვმალავ.
- ასი ქვეყნის საუკეთესო მოდელებთან მოგიწევს პაექრობა, მზად ხარ ამისთვის?
- სამოდელო გამოცდილება "კატრინის" წყალობით მაქვს. ინგლისურ ენას ვფლობ. ვნახოთ რა იქნება.
ეკა მგალობლიშვილი:
- როგორ შეიძლება, უკმაყოფილო ვიყო, ორივე გამარჯვებული ჩემი მოდელია. "კატრინის" მოდელები აირჩია ჟიურიმ, რომელიც სხვადასხვა სამოდელო სააგენტოს ხელმძღვანელებისგან, დიზაინერებისა და ჟურნალისტებისგან შედგებოდა. როგორც ნახეთ, მე შეგნებულად არ დავტოვე სცენა. ორმაგად ბედნიერი ვარ, როგორც ორგანიზატორი და როგორც სააგენტოს ხელმძღვანელი.
მარკუს მეტრეველი:
- გოგონებში თამთა უდავოდ შეუდარებელი იყო, უბრალოდ, მეშინია, სიმაღლის გამო არ დაიკარგოს საერთაშორისო კონკურსზე, 169 სმ-ია. ბიჭებს რაც შეეხებათ, ორივე ძალიან მომწონს, თუმცა ბოლოს ერთად რომ დავინახე, მახო უფრო მომეწონა, ვამბობდი კიდეც, შევცვალოთ გადაწყვეტილება-მეთქი, მაგრამ ჟიურიმ არ ამიბა მხარი.
ჩვენ ისღა დაგვრჩენია, დეკემბერს დაველოდოთ. საინტერესოა, რა შედეგით დაბრუნდებიან ჩვენი რჩეულები სტამბოლიდან.
DJბუკლე
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
