ახალი ვარსკვლავური წყვილი - ტეილორ სვიფტი და ჰარი სტაილზი

ცნობილი ამერიკელი ქანთრის სტილის მომღერალი ტეილორ სვიფტი ხელთათმანებივით იცვლის პარტნიორებს. ცოტა ხნის წინ ვარსკვლავი კონორ კენედის დაშორდა, შემდეგ პატრიკ შვარცენეგერს ხვდებოდა, ახლა კი მისი გული ბრიტანელმა მომღერალმა, ჰარი სტაილზმა დაიპყრო.

18 წლის ჰარი ჯგუფ One Direction-ის სოლისტია. ამ ჯგუფს ახალ "ბითლზებს" უწოდებენ. ტეილორ სვიფტი მის ახალ შეყვარებულზე 4 წლით უფროსია. წყვილი ერთად გასულ კვირას, ლოს-ანჯელესში შეამჩნიეს.

წყვილის მეგობრების თქმით, ჰარისა და ტეილორს ფლირტი ჰქონდათ, რაც ახლა უკვე სერიოზულ გრძნობაში გადაიზარდა. ვარსკვლავების პირველი საჯარო გამოსვლა X Factor-ში შედგა. თვითმხილველების განცხადებით, ახალგაზრდები ხელიხელჩაკიდებულნი იდგნენ და ერთმანეთს თვალს არ აცილებდნენ.

ჰარი ტეილორის დედასაც დაუახლოვდა. ისინი ერთად ისხდნენ კულისებში და სვიფტის რეპეტიციას ადევნებდნენ თვალს. შოუს წამყვანმა, საომონ კოუელმა განაცხადა, რომ X Factor-ის შემოქმედებითი ჯგუფი მთელი დღე მხოლოდ ამ წყვილზე საუბრობდა.

ჰარი და ტეილორი ერთმანეთს ადრეც ხვდებოდნენ, თუმცა მათი რომანი მაშინ დასრულდა, რაც ჰარი პაპარაცებმა ემა ოსტილთან გამოიჭირეს.

მომზადებულია The Sun-ის მიხედვით.