1
ივნისიდღის ზოგადი ასტროლოგიური პროგნოზი
კრიტიკულად მნიშვნელოვანია, რომ ორივე მხარემ პოზიტიურად ითანამშრომლოს, - ამის შესახებ აშშ-ის სახელმწიფო მდივნის მოადგილემ ევროპისა და ევრაზიის საკითხებში ფილიპ გორდონმა უშიშროების საბჭოს მდივანთან გიგა ბოკერიასთან გუშინდელი შეხვედრის კომენტირებისას განაცხადა.
გორდონმა საქართველოში გამართული შეხვედრების დეტალებზე საუბრისგან თავი შეიკავა, თუმცა უმრავლესობისა და უმცირესობის თანამშრომლობის აუცილებლობაზე ყურადღება გაამახვილა.
"ბატონ ბოკერიასთან შეხვედრის დროს ხაზი გავუსვით, რამდენად მნიშვნელოვანია "ნაციონალური მოძრაობისთვის" კონსტრუქციულად ითანამშრომლოს უმრავლესობასთან საქართველოს ეროვნული ინტერესებიდან გამომდინარე. კრიტიკულად მნიშვნელოვანია, რომ ორივე მხარემ ითანამშრომლოს პოზიტიურად. ჩვენ მივესალმებით განხორციელებულ მშვიდობიან ცვლილებას, რომელიც საქართველოში დადგა არჩევნების შედეგად და რომელიც შეიძლება ჩაითვალოს მოდელად მთელი რეგიონისთვის", - აღნიშნა გორდონმა.
მისივე თქმით, აშშ და საერთაშორისო თანამეგობრობა დიდი ინტერესით აკვირდება იმას, თუ "როგორ განხორციელდა და ხორციელდება საქართველოში კანონის უზენაესობის პრინციპები".
"ეს პროცესი უნდა იყოს აუცილებლად გამჭვირვალე და არ უნდა ატარებდეს პოლიტიკური ანგარიშსწორების რაიმე ნიშანს", - განმარტა გორდონმა.
