6
ივნისიდღის ზოგადი ასტროლოგიური პროგნოზი
ისრაელში მცხოვრები ქართველი ებრაელები და თელ-ავივში სამუშაოდ ჩასული საქართველოს მოქალაქეები ღაზას სექტორში დაძაბული ვითარების გამო შეშფოთებულები არიან და შესაძლოა, ზოგიერთმა მათგანმა იქაურობა უახლოეს დღეებში დატოვოს.
როგორც "ინტერპრესნიუსს" ისრაელში მცხოვრებმა ქართველმა ემიგრანტებმა განუცხადეს, ორი დღეა ისრაელის სამხედრო-საჰაერო ძალებმა და ღაზას სექტორიდან პალესტინელებმა ერთმანეთს საჰაერო ცეხლი გაუხსნეს. ღაზას სექტორიდან გამოტყორცნილი რაკეტები თელ-ავივშიც ჩაცვივდა, რასაც სამი ადამიანი ემსხვერპლა.
"უკვე ორი დღეა ძალიან დაიძაბა ვითარება. რაკეტები ქალაქშიც ჩამოცვივდა. აფეთქების ხმაზე მანქანების სიგნალიზაციები და საჰაერო დაბომბვის სირენები ჩაირთო. ძალიან შევშინდით. ასე თუ გაგრძელდა, ან საქართველოში დავბრუნდებით ან შევეცდებით სხვა ქვეყანაში გადავიდეთ", - განუცხადა "ინტერპრესნიუსს" თელ-ავივში მცხოვრებმა ემიგრანტმა.
უცხოური მედიის ცნობით, ისრაელის მხარე იმ დრომდე არ შეწყვეტს ღაზას სექტორში სამხედრო-საჰაერო ოპერაციას, სანამ "ჰამასი" მოლაპარაკებაზე არ წამოვა. თავის მხრივ, "ჰამასის" წარმომდგენლები აცხადებენ, რომ მშვიდობიანი მოლაპარაკება არ მოხდება.
