კონსტიტუციური უსაფრთხოების დეპარტამენტის უფროსის მოადგილე ვაჟა ლილუაშვილი დაკავებულია, - ამის შესახებ ჟურნალისტებს პროკურატურაში მყოფმა მისმა ადვოკატმა ზაზა ვაშაყმაძემ ტელეფონის მეშვეობით აცნობა.
როგორც ადვოკატმა განმარტა, ვაჟა ლილუაშვილს სისხლის სამართლის კოდექსის 159-ე მუხლით გათვალისწინებული დანაშაულის ჩადენას ედავებიან, რაც პირადი მიმოწერის, ტელეფონით საუბრის ან სხვაგვარი ხერხით შეტყობინების საიდუმლოების დარღვევას გულისხმობს და ჯარიმიდან სამ წლამდე თავისუფლების აღკვეთას ითვალისწინებს.
ვაჟა ლილუაშვილი ამ დრომდე პროკურატურის შენობაში რჩება.