15
ივლისიდღის ზოგადი ასტროლოგიური პროგნოზი
აშშ-ის შტატ მასაჩუსეტსში მცხოვრები და-ძმა - ევილინ და რემი ურბანოები Facebook-ის მომხმარებლებს ფოტოს დალაიქებას სთხოვენ. პატარებმა მშობლებს კატის სახლში მიყვანა სთხოვეს, მაგრამ მამა წინააღმდეგი იყო. მამამ შვილებს განუცხადა, რომ მათ სახლში კატა მხოლოდ იმ შემთხვევაში იცხოვრებდა, თუკი Facebook-ში ბავშვების ფოტო 1000 "ლაიქს" მიიღებდა. ევილინისა და რემის მამამ იფიქრა, რომ შვილების ფოტოს 1000 ადამიანი ვერ დაულაიქებდა და კატის თემა დიდი ხნით გადაიდებოდა.
თუმცა, დენი ნამდვილად შეცდა, რადგანაც შვილებს დედა დაეხმარა და პატარების ფოტო სოციალურ ქსელში განათავსა - ფოტოზე პატარებს დაფა უჭირავთ, რომელზეც ადამიანებს სთხოვენ, მათი ფოტო დაალაიქონ.
"გამარჯობა Facebook! მე და ჩემს დას ძალიან გვინდა, რომ კატა გვყავდეს. მამა დაგვპირდა, რომ თუკი 1000 ლაიქს მივიღებთ, გვეყოლება. ძალიან გთხოვთ, დაგვილაიქეთ ფოტო. გმადლობთ", - წერია დაფაზე.
ფოტო Facebook-ში გავრცელებიდან რამდენიმე დღეში 120 000-მა ადამიანმა დაალაიქა და 100 000 დაშეარება აქვს. მამა იძულებული გახდა, შვილებისთვის კატა ეყიდა.
მომზადებულია dailymail.co.uk-ის მიხედვით.
