6
ივნისიდღის ზოგადი ასტროლოგიური პროგნოზი
ანდერს ფოგ რასმუსენი ბიძინა ივანიშვილს "საზოგადოებრივი მაუწყებლის" ირგვლივ მიმდინარე მოვლენებზეც ესაუბრა.
როგორც პრემიერთან შეხვედრის შემდეგ ერთობლივ პრესკონფერენციაზე ნატო-ს გენერალურმა მდივანმა "საზოგადოებრივი მაუწყებლის" ჟურნალისტის კითხვის პასუხად აღნიშნა, საკუთარი პოზიცია ამ საკითხზე ნათლად დააფიქსირა.
"შეშფოთებული ვარ, თუ ეს პროცესები აღიქმება, როგორც პოლიტიკურად მოტივირებული. ეს საზიანოა ქვეყნის იმიჯისთვის, თუნდაც მართალიც არ იყოს. ეს არის ჩემი შეშფოთების მიზეზი. აი, რატომ არის უაღრესად მნიშვნელოვანი, რომ ასეთმა პროცესებმა კანონის უზენაესობის საბაზისო სამართლებრივი პრინციპების დაცვით ჩაიაროს, უზრუნველყოფილ იქნას სრული გამჭვირვალობა და სამართლიანი პროცესი. ეს განვაცხადე და პრემიერ-მინისტრმაც დამარწმუნა, რომ ყველაფერი ასე მოხდება. ამაზე დაყრდნობით ასევე ნათლად უნდა დავაფიქსირო, რომ ჩვენ არ ვაპირებთ ჩარევას მიმდინარე პროცესებში. ჩვენ გვჯერა, რომ ეს პროცესები ჩატარდება პოლიტიკური ჩარევის გარეშე და გაამართლებს კანონის უზენაესობის ფუნდამენტურ პრინციპებს", - განაცხადა რასმუსენმა.
აღნიშნული კომენტარი ნატო-ს გენერალურმა მდივანმა მას შემდეგ გააკეთა, რაც საზოგადოებრივი მაუწყებლის ჟურნალისტი დაინტერესდა, როგორია მისი შეფასება "მაუწყებელში მიმდინარე ფინანსურ რევიზიაზე, თავდაცვის სამინისტროს მაღალჩინოსნების ბრალდებების დამძიმებასა და გავრცელებულ ინფორმაციაზე სახელმწიფო დაცვის სამსახურის ხელმძღვანელის შესაძლო დევნის შესახებ".
