"ბრიტანეთის ავიახაზებმა" თბილისი-ლონდონის მიმართულებით რეგულარული რეისები დაიწყო. კომპანიის ადგილობრივი წარმომადგენლობის ინფორმაციით, ფრენები ლონდონის მიმართულებით ყოველდღიურად შესრულდება. ამასთან, "ბრითიშ ეარვეისი" ქართველ მგზავრებს ჰითროუს აეროპორტიდან სხვადასხვა მარშრუტებზე კავშირებს სთავაზობს. რეისები A321 ტიპის "ეარბასით" ხორციელდება.
"თბილისიდან მიმავალი მგზავრები ჰითროუს აეროპორტის პირველ ტერმინალში ჩაფრინდებიან, საიდანაც მათ შესაძლებლობა აქვთ დაუკავშირდნენ "ბრითიშ ეარვეისის" ოცზე მეტ მიმართულებას შეერთებულ შტატებსა და კანადაში", - აცხადებენ კომპანიაში.
"ბრითიშ ეარვეისის" ბილეთის ფასი ეკონომ-კლასზე (ორი გზა), იწყება 428 ევროდან ხოლო ბიზნეს კლასზე - 1214 ევროდან.
რა? სად? რა ფასად?
გაიგეთ ”რადიო მარკეტში”
ყოველ სამუშაო დღეს 10:50 და 11:50 საათზე
რადიო ”პალიტრის” ეთერში - FM 103.9
