8
ივნისიდღის ზოგადი ასტროლოგიური პროგნოზი
გაერთიანებული შტაბის ყოფილი უფროსის, გიორგი კალანდაძის მხარე მზად არის მისი ხელახალი დაპატიმრების სანაცვლოდ გირაოს სახით 10 ათასი ლარი გადაიხადოს.
კალანდაძის ხელახლა დაპატიმრებასთან დაკავშირებით თბილისის საქალაქო სასამართლოში პროცესი ამ წუთებშიც მიმდინარეობს. პროცესზე მხარეებმა უკვე დააყენეს შუამდგომლობები. პროკურატურის წარმომადგენლები გიორგი კალანდაძისა და ბაჩო ახალაიას მიმართ აღმკვეთი ღონისძიების შეფარდებას ითხოვენ.
პროცესზე კალანდაძის ადვოკატმა გოგიტა გაბაიძემ დააყენა შუამდგომლობა, რომ მის მიმართ 10 ათასი ლარის ოდენობის გირაო იყოს გამოყენებული. მისი თქმით, პროკურატურის შუამდგომლობა უსაფუძვლოა და ის არ უნდა დაკმაყოფილდეს. ადვოკატის შეფასებით, გიორგი კალანდაძეს აღმკვეთ ღონისძიებად შეფარდებული აქვს გირაო და ის ძალაში უნდა დარჩეს.
რაც შეეხება ბაჩო ახალაიას, მისი ადვოკატის, დავით დეკანოიძის თქმით, ახალაიას აღმკვეთი ღონისძიების შეფარდებასთან დაკავშირებით პროკურატურის შუამდგომლობა უსაფუძვლო და დაუსაბუთებელია. შესაბამისად, ის არ უნდა დაკმაყოფილდეს, რადგან ამ შუამდგომლობის დაკმაყოფილების შემთხვევაში მისი სტატუსი არ შეიცვლება, რადგან ის ამჟამადაც პატიმარია.
მთავარმა პროკურატურამ ბაჩო ახალაიასა და გიორგი კალანდაძის წინააღმდეგ ახალი ეპიზოდი გამოაქვეყნა და სასამართლოს კალანდაძის დაპატიმრების შუამდგომლობით დღეს მიმართა.
