ბერმუდის სამკუთხედში ჩაძირული ქალაქი იპოვეს

ბერმუდის სამკუთ­ხედის რაიონში ძველი უცნობი ქალაქის ნანგრევები იპოვეს. კანადელმა მეცნიერებმა პოლ ვაინცვეიგმა და პოლინა ზალიცკიმ კუბის აღმოსავლეთ სანაპიროდან ჩრდილოეთისკენ 700 მეტრში წყალქვეშა ნანგრევები იპოვეს.

რობოტის დახმარებით გაკეთდა ატლანტის ოკეანეში იდუმალი ადგილის ფოტოები. მეცნიერთა თქმით, ფოტოსურათებზე აღბეჭდილია მონუმენტური ნაგებობები, მათ შორის ოთხი გიგანტური პირამიდა, რომელთაგან ერთი მათგანი, ჩანს, შუშისგან არის გაკეთებული. ფოტოებზე ასევე ჩანს რაღაც სფინქსის ქანდაკების მსგავსი და რამდენიმე მონოლითური ნაგებობა.

როგორც მკვლე­ვრები ვარაუდობენ, აღმოჩენილი ქალაქი ეკუთვნის კარიბის და ცენტრალური ამერიკის ისტორიის კლასიკურის წინა პერიოდს. ეს ადგილი თავის დრ­ოზე შეიძლებოდა ტეოტი­უაკანის კუ­ლ­ტურის მსგავსი წა­მყვანი ცი­ვილიზა­ცი­ებით ყო­ფი­ლიყო დასახლებული.

კანადელი მეცნი­ერების აზრით, პირ­ველებმა ეს ჩაძირული ქალაქი ამერიკელებმა იპოვეს 1960-იან წლებში, კარიბის კრი­ზისის დროს. მაგრამ ობიექტი დახურეს. კანადელებმა კი ეს ახალი აღმოჩენა შემთხვევით გააკეთეს. ჯერ კიდევ 2000-იან წლებში ისინი კუბის ხელისუფლებამ დაიქირავა და ოკეანის ფსკერის კარტოგრაფიული აღწერა შეუკვეთა. კუბელებს სურდათ ესპანური ჩაძირული გემების განძის პოვნა, შედეგად კი ქალაქის ნანგრევები აღმოჩნდა.

ბერმუდის სამკუთხედი - რაიონი ატლანტის ოკეანეში - ცნობილია იმით, რომ აქ თითქოს იდუმალი მოვლენები ხდება, მოულოდნელად ქრებიან საზღვაო თუ საჰაერო ხომალდები. სხვადასხვა ჰიპოთეზა არსებობს ამ ზონაში გაუჩინარების შესახებ: ჩვეულებრივი ამინდის მოვლენებიდან უცხოპლანეტელების მიერ გატაცებამდე, ასევე არსებობს ვერსია, რომ ამ ხომალდებს ატლანტიდის, ლეგენდარული ჩაძირული კუნძულის მცხოვრებნი იტაცებენ.

NewScientist

ჟურნალი "რეიტინგი"

(გამოდის ორშაბათობით)