5
ივლისიდღის ზოგადი ასტროლოგიური პროგნოზი
ცნობილი რუსი ტელეწამყვანი, ანფისა ჩეხოვა და ქართველი მსახიობი, გურამ ბაბლიშვილი ჯერჯერობით დაქორწინებას არ აპირებენ. როგორც ტელეწამყვანმა ჟურნალისტებს განუცხადა, თავისი შვილის მამასთან ურთიერთობის ოფიციალურად გაფორმებას არ ჩქარობს და საკუთარი სიყვარულის ნაყოფს სამოქალაქო ქორწინებაში ზრდიან.
"როგორც იქნა, შევხვდი ადამიანს, რომელიც ბედნიერებას მანიჭებს. ამისათვის პასპორტში ბეჭდის დასმა საჭირო არ არის, ჩემს ცხოვრებას ეს ვერ შეცვლის. ქორწილი ზედმეტი ხარჯების გარდა რას მოგვიტანს? როცა მე და გურამი ერთად ვიპოვით პასუხს კითხვაზე, რას შეცვლის ქორწინება ჩვენს ცხოვრებაში, მხოლოდ მაშინ დავაკანონებთ ურთიერთობას", - აცხადებს ანფისა ჩეხოვა, რომელიც ერთი თვის წინ ირწმუნებოდა, რომ მალე ქორწილი უნდა გადაეხადათ, თანაც არაერთი.
"მე და გურამს უამრავი ახლობელი გვყავს როგორც რუსეთში, ასევე საქართველოში. მათი ერთად შეკრება ძნელი იქნება", - აცხადებდა ჩეხოვა.
მისივე თქმით, გურამი შესანიშნავი მამაა. "ჩემზე მეტად ზრუნავს ბავშვზე, არაფრის კარნახი არ სჭირდება. ზოგჯერ მეჩვენება, რომ მათ დუეტში ზედმეტი ვარ", - ამბობს ტელეწამყვანი.
ანფისა ჩეხოვასა და გურამ ბაბლიშვილს მაისში ვაჟი შეეძინათ, რომელსაც სოლომონი დაარქვეს.
მომზადებულია lady.ru-ს მიხედვით.
