მეტროს თანამშრომლები შესაძლოა, გაიფიცონ

მეტროპოლიტენის პროფკავშირები მეტროს თანამშრომლების გაფიცვას არ გამორიცხავს.

როგორც "ინტერპრესნიუსს" მეტროპოლიტენის პროფკავშირების თავმჯდომარის მოადგილემ გიორგი ხიტალიშვილმა განუცხადა, ისინი სოლიდარობას უცხადებენ ავტობუსების გაფიცულ მძღოლებს.

ხიტალიშვილის თქმით, მეტროპოლიტენის თანამშრომლებმა ჩამოაყალიბეს 12-პუნქტიანი მოთხოვნები, რომლებიც საკრებულოს წარუდგინეს.

მეტროპოლიტენის თანამშრომლების მთავარი მოთხოვნა შრომითი პირობების გაუმჯობესება და ანაზღაურების მომატებაა.

იმ შემთხვევაში, თუ მეტროპოლიტენის თანამშრომლების მოთხოვნები არ დაკმაყოფილდება, მეტროპოლიტენის პროფკავშირები მეტროს თანამშრომლების გაფიცვას არ გამორიცხავს.

"ინტერპრესნიუსი"