2
ივნისიდღის ზოგადი ასტროლოგიური პროგნოზი
თბილისის მერი მთავრობის წევრი არ არის და მას მთავრობის სხდომაზე დასწრების უფლება არ აქვს, - ამის შესახებ ჟურნალისტებს ფინანსთა მინისტრმა ნოდარ ხადურმა განუცხადა.
მისი განმარტებით, მთავრობის სხდომაზე თბილისის მერს და სხვა პირებს დასწრება შეუძლიათ მხოლოდ მაშინ, თუ მათ მიღებული აქვთ მოწვევა.
"თბილისის მერი მთავრობის სხდომაზე მოწვეული არ ყოფილა, სწორედ ამიტომ მას პრემიერმა მთავრობის სხდომის დატოვება მოსთხოვა", - განაცხადა ნოდარ ხადურმა.
მისივე განმარტებით, იმ საკითხების განხილვას, რომლებზე სასაუბროდაც დღეს თბილისის მერი მთავრობის სხდომაზე მივიდა, მთავრობა არ აპირებს, რადგან მერია ვალდებულია, საკუთარი გადაწყვეტილება თავადვე გააუქმოს.
თბილისის მერი გიგი უგულავა დღეს მთავრობის სხდომაზე არ დაუშვეს. მისი ინფორმაციით, მთავრობის სხდომაზე სოციალური შეღავათების საკითხის განხილვას აპირებდა.
