სუზან სარანდონი თხოვდება

უკვე რამდენიმე წელია 66 წლის მსახიობი სუზან სარანდონი მასზე 30 წლით პატარა მამაკაცს, ჯონათან ბრიკლინს ხვდება. თუმცა ასაკობრივი სხვაობა წყვილს ბედნიერებაში ხელს არ უშლის. გარდა ამისა, როგორც ჩანს, სუზანისა და მისი ახალგაზრდა საყვარლის ცხოვრებაში სერიოზული გადაწყვეტილების დრო დადგა: ნოემბრის დასაწყისში წყვილი საიუველირო მაღაზიაში, ნიშნობის ბეჭდების შეძენის დროს შეამჩნიეს!

თუ მსახიობი მართლაც აპირებს საკურთხეველთან მისვლას, ეს ძალიან ბევრისმთქმელი იქნება, ვინაიდან გასულ კვირას ერთ-ერთ ინტერვიუში სუზანმა განაცხადა, რომ ქორწინება მისი საქმე არ არის:

"მე მჯერა სხვა ადამიანების ქორწინების. მაგრამ ეს საჩემო არ არის. ყოველთვის ვფიქრობდი, რომ შტამპი პასპორტში ურთიერთობას ნაკლებსპონტანურს ხდის", - განაცხადა მსახიობმა.

ასეთ განცხადებებს სუზანი მდიდარ ცხოვრებისეულ გამოცდილებაზე დაყრდნობით აკეთებს: 1967 წელს ვარსკვლავი მსახიობ კრის სარანდონს გაყვა ცოლად. შემდეგ იტალიელ რეჟისორს, ფრანკო ამურის ხვდებოდა (წყვილს ქალიშვილი ევა შეეძინა, რომელიც დედის მსგავსად, მსახიობი გახდა), შემდეგ კი სუზანი ტიმ რობინსონს შეხვდა. ამ ურთიერთობიდან სუზანს ორი ვაჟი შეეძინა. სარანდონის და რობინსონის ურთიერთობა 2009 წელს დასრულდა.

გამოცდილებამ სუზანს ასწავლა, რომ ქორწინებას დიდი სიფრთხილით უნდა მიუდგეს, მაგრამ დასავლურ პრესაში იმედოვნებენ, რომ ახალგაზრდა საყვარელმა მსახიობი შეცვალა.

მომზადებულია Huffington Post-ის მიხედვით.