9
აპრილიდღის ზოგადი ასტროლოგიური პროგნოზი
ნიდერლანდისა და ბელგიის საზღვარი პატარა ქალაქ ბარლეზე გადის. საერთაშორისო საზღვარი, რომელიც ამ ორ ქვეყანას ქალაქ ბარლეში ერთმანეთისგან მიჯნავს, არაა დადგენილი. საზღვარი თეთრი ხაზით ქალაქის ქვაფენილზე პირობითად არის დატანილი.
თეთრი ხაზი მთელ ქალაქს მიჰყვება და მთელ პერიმეტრზე ინგლისურად ქვეყნების სახელების პირველი ასოა დატანილი. ქვაფენილზე დატანილი ხაზი ჰყოფს სახლებს, ოთახებს, სასტუმროებს, კაფეებს, ბაღებს და ქუჩებს. მოსახლეობა ხშირად ხუმრობს, რომ ბელგიიდან ნიდერლანდებში - სამზარეულოდან სასტუმრო ოთახის გავლით გადადიან. კორპუსებში იმის მიხედვით, თუ საზღვრის რომელ ზონაშია მოხვედრილი, ბინის კარზე ქვეყნის სახელი აწერია.
ქალაქში კურიოზებს თითქმის ყველა ფეხის ნაბიჯზე შეხვდებით. თუკი ბელგიის მონაკვეთში მაღაზიები შაბათს მუშაობს, თეთრი ხაზის მოპირდაპირე მხარეს (ნიდერლანდი) ყველა მაღაზია დაკეტილია. ბელგიასა და ნიდერლანდში ტაქსების მომსახურებაც განსხვავებულია.
ყველაზე მეტად ტურისტები და ადგილობრივები რესტორნებში ერთობიან - ნიდერლანდის მონაკვეთში მჯდარ სტუმრებს შესაძლოა სადილობის გაგრძელება ხაზის მოპირდაპირე მხარეს, ბელგიის მონაკვეთში მოუწიოთ, რადგანაც რესტორანი ნიდერლანდის ტერიტორიაზე ადრე იკეტება.
შეგახსენებთ, მსგავსი სიტუაციაა შვეიცარია-საფრანგეთის საზღვარზეც - პატარა, მყუდრო, ორვარსკვლავიანი სასტუმრო Arbez Franco-Suisse ზედ საფრანგეთისა და შვეიცარიის საზღვარზე მდებარეობს.
სასადილო ოთახი, სამზარეულო, დერეფანი, რამდენიმე ოთახი და კიბეები საერთაშორისო საზღვრითაა გადაკვეთილი. ხაზი, რომელიც საფრანგეთსა და შვეიცარიას ერთმანეთისგან ყოფს, მთელს შენობას მიუყვება.
იხილეთ ასევე: "შვეიცარია-საფრანგეთის საზღვარი სასტუმროს კიბეზე გადის"
მომზადებულია amusingplanet.com-ის მიხედვით.
