ბიძინა ივანიშვილი - ნახეთ, რა ხარჯები აქვს პრეზიდენტს და დარწმუნდებით, რომ პოლიტიკა არაფერ შუაშია
საქართველოს პრეზიდენტის სარეზერვო ფონდი არამიზნობრივი ხარჯების გამო შემცირდა. ამის შესახებ "ინტერპრესნიუსს" სასტუმრო "ქორთიარდ მარიოტში" პრემიერ-მინისტრმა ბიძინა ივანიშვილმა 2013 წლის ბიუჯეტის პროექტის კომენტირებისას განუცხადა.
მისი განმარტებით, პრეზიდენტის ადმინისტრაციის ხარჯები შემცირდა იმიტომ, რომ ის გაუგებრად დიდი იყო.
"ნახეთ რამდენი სასახლე აქვს პრეზიდენტს, რა ხარჯები აქვს გაწეული და დარწმუნდებით, რომ პოლიტიკა არაფერ შუაშია. დღეს ჩვენ გვყავს უამრავი გაჭირვებული მოქალაქე და დევნილი, რომლებზეც უნდა დაიხარჯოს საბიუჯეტო თანხები. ამიტომ გაიზარდა დევნილების ბიუჯეტი, პრეზიდენტის სარეზერვო ფონდი კი შემცირდა გაწეული არამიზნობრივი ხარჯების გამო", - აღნიშნა ბიძინა ივანიშვილმა.
პრეზიდენტის სარეზერვო ფონდი 2013 წლის ბიუჯეტის პროექტით 50 მილიონიდან 10 მილიონ ლარამდე მცირდება.
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
