ფოტორეპორტიორები ირაკლი გედენიძე, გიორგი აბდალაძე და ზურაბ ქურციკიძე დღეს, ფოტოგამოფენას -"7 ნოემბრიდან 7 ნოემბრამდე" გამართავენ.
ფოტონამუშევრების გამოფენა სასტუმრო "შერატონ მეტეხი პალასში" გაიმართება და მასზე წარმოდგენილი იქნება 2007 წლის 7 ნოემბერს და 2011 წლის 26 მაისს მიტინგების დარბევისას გადაღებული დღემდე საზოგადოებისთვის უცნობი ფოტონამუშევრები.
როგორც ფოტორეპორტიორები აცხადებენ, ფოტოგამოფენა სახელმწიფოს მხრიდან ძალადობის განხორციელების წინააღმდეგაა მიმართული. გამოფენის ორგანიზატორი გაზეთი "იბერიაა". გამოფენა 16:00 საათზე გაიხსნება და 22:00 საათამდე გაგრძელდება.
