აკაკი მინაშვილი - ახალ მთავრობას საქართველოში "მართალი კაცის დაბრუნების შეეშინდა"
საპარლამენტო უმცირესობის ერთ-ერთი ლიდერი აკაკი მინაშვილი ბაჩო ახალაიას დაკავებას "მშიშარა ადამიანების საქციელად" აფასებს.
როგორც მინაშვილმა ჟურნალისტებს განუცხადა, ახალ მთავრობას საქართველოში "მართალი კაცის დაბრუნების შეეშინდა".
"ეს არის მშიშარა ადამიანების საქციელი. მათ შეეშინდათ, რომ მართალი კაცი დაბრუნდა საქართველოში. გამოძიება გუშინ დაიწყო, დღეს კი ის დააკავეს. აღარ უნდა ბევრი საუბარი იმას, რომ ეს პოლიტიკური კამპანიაა. ეს ყველასთვის ცხადია", - აღნიშნა მინაშვილმა.
შინაგან საქმეთა ყოფილი მინისტრი ბაჩო ახალაია დღეს, პროკურატურაში დაკითხვის შემდეგ დააკავეს და წინასწარი დაკავების იზოლატორში გადაიყვანეს. ადვოკატ დავით დეკანოიძის ინფორმაციით, ახალაია სისხლის სამართლის კოდექსის 333-ე მუხლის III ნაწილის საფუძველზე დააკავეს, რაც უფლებამოსილების გადამეტებას გულისხმობს.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
