ფოთის პორტის გენერალური დირექტორი ჯოზეფ ქროული თანამდებობიდან გადადგა, - აღნიშნული ინფორმაცია მან "ინტერპრესნიუსს" პირადად დაუდასტურა.
ქროულის შემცვლელი სპინ დევიდსენი უკვე ფოთის პორტში იმყოფება. იგი ფოთის პორტში მიმდინარე მოვლენებზე კომენტარს ჯერჯერობით არ აკეთებს.
"გადაბარების პროცესი უკვე მიმდინარეობს, რაც არანაირ კავშირში არ არის მიმდინარე მოვლენებთან, ეს დაგეგმილი იყო ძალიან ადრე, 2-3 თვის წინ და ეს ბიზნესის ჩვეულებრივი ნაწილია", - აცხადებს ქროული.
ქროულის მუშაობის პერიოდს უკავშირდება გასულ წელს, ფოთის პორტში 500-ზე მეტი ადამიანის შემცირება და მიმდინარე უვადო გაფიცვები, რომელიც 6 დღეა გრძელდება.
