ფრანგული მოდის სახლის Louis Vuitton-ის კრეატიული დირექტორი, მარკ ჯეიკობსი სახლის გარეშე დარჩა. ქარიშხალმა "სენდიმ" დიზაინერის მანჰეტენზე მდებარე აპარტამენტები ნანგრევებად აქცია.
ამერიკელი დიზაინერის სახლი ქარიშხლის მოქმედების ეპიცენტრში აღმოჩნდა. ჯეიკობსის ბინა, რომელიც ვესტ-ვილიჯში, კუნძულ მანჰეტენზე მდებარეობდა, სტიქიამ მთლიანად იმსხვერპლა.
როგორც საიტი TMZ.com-ი იუწყება, დიზაინერს იმის დროც არ ჰქონდა, რომ შინ დაბრუნებულიყო და რამე მაინც გადაერჩინა.
ქარიშხალი "სენდი", რომელიც ადრე კარიბის ზღვის ქვეყნებში მძვინვარებდა, ნიუ-იორკს თავს 30 ნოემბრის ღამეს დაატყდა. ყველაზე მეტი დაზიანება სტიქიამ ნიუ-ჯერსისა და ნიუ-იორკს მოუტანა. ბოლო მონაცემებით, ქარიშხალს 100-ზე მეტი ადამიანის სიცოცხლე ემსხვერპლა.
მომზადებულია TMZ.com-ის მიხედვით.
