მნიშვნელოვანი ინფორმაცია
12
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პროკურატურა ბაჩო ახალაიას დაკითხვაზე დაიბარებს
03:53 / 06-11-2012
მთავარი პროკურატურა ყველა იმ ბრალდებასა და ინფორმაციაზე, რომელიც ბაჩო ახალაიასთან დაკავშირებითაა გავრცელებული, გამოძიებას დაიწყებს, - ამის შესახებ "ინტერპრესნიუსს" მთავარმა პროკურორმა არჩილ კბილაშვილმა განუცხადა.
მისივე განმარტებით, აქედან გამომდინარე ბაჩო ახალაია დაკითხვაზე აუცილებლად იქნება დაბარებული.
"პროკურატურის მოვალეობაა, მედიაში გავრცელებულ და ზოგადად საზოგადოებაში არსებული განცხადებები შეისწავლოს, გამოძიება აწარმოოს და თუკი დანაშაულის ნიშნები დადასტურდება, კონკრეტული შედეგი დააყენოს. რაც შეეხება ახალაიას, მასთან დაკავშირებით ბევრი განცხადება და ინფორმაცია არსებობს. რა თქმა უნდა, დაიწყება მათი შესწავლა და დამუშავება, თუმცა საზოგადოებრივი აზრი, რომ ის დამნაშავეა და არ შეიძლება ქუჩაში დადიოდეს, საზოგადოებრივი აზრია, პროკურატურა კი კონკრეტული მტკიცებულების საფუძველზე უნდა მოქმედებდეს. ის, რომ ბაჩო ახალაიას დაკითხვაზე დაბარება დიდი ალბათობით მოსალოდნელი იქნება, რასაკვირველია, ეს შეიძლება ითქვას", - განაცხადა კბილაშვილმა.
ამასთან, მთავარი პროკურორის განმატებით, აღნიშნულის გარდა, დაიწყება ყველა იმ საქმის თავიდან შესწავლა, რომელთანაც ყოფილი ხელისუფლების წევრების, მათ შორის ახალაიას კავშირის შესახებ საზოგადოებაში მოსაზრებები არსებობს. კბილაშვილმა ერთ-ერთ მაგალითად ალექსანდრე თეთრაძის საქმე დაასახელა.
"პროკურატურაში წინა ხელისუფლების დროს შემოსული გარკვეული საქმეები წარმოებული იყო იმდაგვარად, რომ გამოკვეთილი არ ყოფილიყო სახელისუფლებო პირთა პასუხისმგებლობის საკითხი. რა თქმა უნდა, მათი მოკვლევა თავიდან დაიწყება. რაც შეეხება სანდრო თეთრაძის საქმეს, მასზე გამოძიება დასრულებული და საქმე დახურულია, თუმცა ის არ იყო სრული და ამომწურავი, ამიტომ გამოძიება იქნება წარსამართი იმ საკითხების გამოკვლევის მიზნით, რაზეც საზოგადოებას ეჭვი აქვს, თუმცა სანამ მტკიცებულება არ იქნება, არც ერთი ადამიანის პასუხისმგებლობაში მიცემა არ შეიძლება. ამის გაკეთება არ მოხდება. საჩქარო და ასაფორიაქებელი არაფერია", - დასძინა კბილაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
