independent.co.uk

ჩვე­ნი კო­რეს­პონ­დენ­ტი, სა­ქარ­თვე­ლოს მო­ქა­ლა­ქე YouTube-ზე სა­უ­კე­თე­სო პოსტსაბ­ჭო­თა ვი­დე­ო­ებს და­ე­ძებს.

ამ­ბო­ბენ, რომ პო­ლი­ტი­კა უშნო ხალ­ხის რო­კენ­რო­ლია. ხში­რად ეს შე­ფა­სე­ბა სწო­რია. თუმ­ცა არ­სე­ბობს ისე­თი ად­გი­ლე­ბი, სა­დაც ეს­თე­ტიზ­მის დე­ფი­ცი­ტი პო­ლი­ტი­კა­ში სუ­ლაც არ აფრ­თხობს მუ­სი­კო­სებს. ერთ-ერთი ასე­თი ად­გი­ლი სა­ქარ­თვე­ლოა.

პრე­ზი­დენტ სა­ა­კაშ­ვი­ლის ცხრაწ­ლი­ა­ნი მმარ­თვე­ლო­ბის გან­მავ­ლო­ბა­ში პოპ­ჩარ­ტე­ბი აშ­კა­რად იქცა ბრძო­ლის ვე­ლად, სა­დაც ერ­თმა­ნეთს უპი­რის­პირ­დე­ბოდ­ნენ მის­და­მი და მისი პო­ლი­ტი­კი­სად­მი ლო­ი­ა­ლუ­რად გან­წყო­ბი­ლი მუ­სი­კო­სე­ბი და ისი­ნი, ვინც ურ­ჩად ემ­ტე­რე­ბო­და. ეს ჩარ­ტე­ბი, ამა­ვე დროს, თა­ნა­მედ­რო­ვე სა­ქარ­თვე­ლოს პო­ლი­ტი­კის სიმ­ღე­რად ქცე­ულ პა­ტა­რა ის­ტო­რი­ა­საც წარ­მო­ად­გენს. მე "რა­დიო თა­ვი­სუფ­ლე­ბის" ლუ­კა­შენ­კოს ბრწყინ­ვა­ლე ფლე­ი­ლის­ტმა შთა­მა­გო­ნა და გა­დავ­წყვი­ტე ისე­თი ჰიტ­პა­რა­დი წარ­მო­გიდ­გი­ნოთ, რო­მე­ლიც ან მი­ხე­ილ სა­ა­კაშ­ვი­ლის შე­სა­ხებ მოგ­ვი­თხრობს, ან მი­სით, მი­შა­თია (ასე ეძა­ხის მას ყვე­ლა) შთა­გო­ნე­ბუ­ლი.

1."მიშა მა­გა­რია". ეს სიმ­ღე­რა და­წე­რა და გა­და­ი­ღო გოგა ხა­ჩი­ძემ, ბო­ი­ბენ­დის ყო­ფილ­მა ვარ­სკვლავ­მა, რო­მე­ლიც პო­ლი­ტი­კო­სად იქცა. ვი­დე­ოკ­ლიპ­ში მოქ­მე­დე­ბა იშ­ლე­ბო­და ახ­ლად აღ­დგე­ნილ მთი­ან ქა­ლაქ-ექ­სპო­ნატ სიღ­ნაღ­ში, სა­დაც ბავ­შვე­ბი დრო­შის ფრი­ა­ლით დახ­ტოდ­ნენ. კლი­პი 2007 წელს გა­მო­ვი­და, ზუს­ტად მა­შინ, რო­დე­საც "ვარ­დე­ბის რე­ვო­ლუ­ცი­ის" ფურ­ცლებ­მა ცვე­ნა იწყო. სიმ­ღე­რას იმე­დის­მომ­ცე­მი ტექ­სტი გას­დევ­და: "ჩვენ შე­ვა­ღებთ კარს ევ­რო­პა­სა და ნა­ტო­ში". ეს უხერ­ხუ­ლი, ჰი­ტის­მაგ­ვა­რი სიმ­ღე­რა გა­მოჩ­ნდა და ხა­ჩი­ძე გა­რე­მოს დაც­ვის მი­ნის­ტრად და­ნიშ­ნეს, რაც იმის დას­ტუ­რია, რომ მლიქ­ვნე­ლო­ბა წარ­მა­ტე­ბის სა­წინ­და­რია. ქვე­ვით სიმ­ღე­რის კა­რა­ო­კე-ვერ­სი­ას გთა­ვა­ზობთ, თუ ქარ­თულ ან­ბან­ში გა­ერ­კვე­ვით, შე­გიძ­ლი­ათ თქვენც წა­უმ­ღე­როთ.

2. 2007 წლის ბო­ლოს სა­ზო­გა­დო­ე­ბა­ში სა­ა­კაშ­ვი­ლით უკ­მა­ყო­ფი­ლე­ბა მა­ტუ­ლობ­და და ოპო­ზი­ცი­უ­რი პარ­ტი­ე­ბის ჭრელ­მა ნაკ­რებ­მა მის­თვის ქუ­ჩის მას­შტა­ბუ­რი საპ­რო­ტეს­ტო აქ­ცი­ე­ბით პრობ­ლე­მე­ბის შექ­მნა გა­და­წყვი­ტა. ეს ექ­სტრა­ვან­გა­ტუ­რი ნა­წარ­მო­ე­ბი, რო­მე­ლიც მი­ტინ­გე­ბის და­სა­წყი­სის­თვის მომ­ზად­და, უც­ნობს ეკუთ­ვნის, სა­ქარ­თვე­ლოს ყვე­ლა­ზე ცნო­ბილ რე­პერს. უც­ნო­ბი, ლე­ვან გა­ჩე­ჩი­ლა­ძის ძმაა, პრო­ტეს­ტის ლი­დე­რის, რო­მელ­საც ყვე­ლა გრე­ჩი­ხად იც­ნობს და რო­მელ­მაც 2008 წლის იან­ვრის საპ­რე­ზი­დენ­ტო არ­ჩევ­ნე­ბი სა­ა­კაშ­ვილ­თან წა­ა­გო. სიმ­ღე­რას "დედა ენა" ჰქვია. "დედა ენა" პირ­ვე­ლი ქარ­თუ­ლი სას­კო­ლო სა­ხელ­მძღვა­ნე­ლოა. კლი­პის და­სა­წყის­ში, მას ნე­რო­ნი-სა­ა­კაშ­ვი­ლი ცე­ცხლში ის­ვრის.

3. სა­ქარ­თვე­ლოს სე­პა­რა­ტის­ტულ რე­გი­ონ­ში, აფხა­ზეთ­ში მომ­ხდა­რი კონ­ფლიქ­ტი ბევ­რი ქარ­თვე­ლის­თვის მუდ­მი­ვი გლო­ვის მი­ზე­ზია. და­ახ­ლო­ე­ბით 250,000 ადა­მი­ა­ნი ეთ­ნი­კუ­რი წმენ­დის დროს გა­მო­ა­ძე­ვეს პრო­რუს­მა სე­პა­რა­ტის­ტებ­მა. მაგ­რამ სა­ა­კაშ­ვი­ლის მთავ­რო­ბის ქმე­დე­ბე­ბი ამ სა­კი­თხთან და­კავ­ში­რე­ბით, სა­ში­ნე­ლი იყო. იმის მა­გივ­რად, რომ სე­პა­რა­ტის­ტებ­თან მო­ლა­პა­რა­კე­ბე­ბი და­ე­წყო, ის ია­რა­ღის ჟღა­რუნს მოყ­ვა და ისეთ სიმ­ღე­რებს უკ­ვე­თავ­და, რო­გო­რიც იყო "გა­მარ­ჯო­ბა, აფხა­ზე­თო ჩვე­ნო". ამ ვი­დე­ო­ში, ცნო­ბი­ლი საბ­ჭო­თა მსა­ხი­ო­ბე­ბი, პოპ­ვარ­სკვლა­ვე­ბი და ბავ­შვე­ბი, სა­ავ­ტო­მო­ბი­ლო გზით, მა­ტა­რებ­ლი­თა და გე­მით და­კარ­გუ­ლი პრო­ვინ­ცი­ის­კენ მი­ე­შუ­რე­ბი­ან. სევ­დი­ა­ნი ამ­ბა­ვია, რად­გან ის ფაქ­ტი, რომ ამ ტე­რი­ტო­რი­ა­ზე, რო­მელ­საც მოს­კო­ვი უკვე და­მო­უ­კი­დებ­ლად გა­ნი­ხი­ლავს, ათა­სო­ბით რუსი სამ­ხედ­რო დგას, ბევ­რს ამ მსა­ხი­ობ­თა­გან, ალ­ბათ, ვერ შე­აძ­ლე­ბი­ნებს ასე­თი­ვე მოგ­ზა­უ­რო­ბას რე­ა­ლურ ცხოვ­რე­ბა­ში.

4. სა­ქარ­თვე­ლოს კი­დევ ერთ სე­პა­რა­ტის­ტულ რე­გი­ონ­ში, სამ­ხრეთ ოსეთ­ში, ომმა 2008 წელს იფეთ­ქა. თვე­ე­ბით ადრე სა­ა­კაშ­ვი­ლის მთავ­რო­ბამ დიდი ფული ჩადო პრო­ქარ­თუ­ლად გან­წყო­ბილ ოს პო­ლი­ტი­კო­სებ­ში, რომ­ლე­ბიც ცდი­ლობ­დნენ ტე­რი­ტო­რი­ის ბან­დი­ტი ბოსი, ედუ­არდ კო­კო­ი­თი გა­ე­ძე­ვე­ბი­ნათ. ეს პრო­ექ­ტი, რომ არა ომი, შე­იძ­ლე­ბა წარ­მა­ტე­ბუ­ლი გა­მომ­დგა­რი­ყო, მაგ­რამ ყვე­ლა­ზე მე­ტად ადა­მი­ა­ნებს ამ პრო­ექ­ტი­დან ეს მო­უ­ხე­შა­ვი ძა­ლის­ხმე­ვა და­ა­მახ­სოვ­რდათ: სიმ­ღე­რა სა­თა­უ­რით "კო­კო­ი­თი, ფან­და­რასტ" - "ნახ­ვამ­დის, კო­კო­ი­თი". საქ­მე ისაა, რომ ოსუ­რად "ნახ­ვამ­დის" ასე ჟღერს -"ფან­და­რას­ტუ", სიმ­ღე­რა­ში კი სი­ტყვა ისეა შეც­ვლი­ლი, რომ ის­მის შემ­დე­გი - "კო­კო­ი­თი პე­დე­რასტ".

5. ბევ­რს ეგო­ნა, რომ რუ­სე­თის ინ­ტერ­ვენ­ცია და ოკუ­პა­ცია სა­ა­კაშ­ვილს და­სას­რულს უქად­და, მაგ­რამ მუ­ხე­და­ვად პუ­ტი­ნის მუ­ქა­რი­სა - "მე მას კვერ­ცხე­ბით დავ­კი­დებ", სა­ა­კაშ­ვი­ლი თა­ვის პოსტზე დარ­ჩა და დღე­საც იქ არის. რუ­სულ-ქარ­თუ­ლი ურ­თი­ერ­თო­ბე­ბი უი­მე­დო­დაა გა­ყი­ნუ­ლი, თუმ­ცა 2009 წელს კო­მი­კურ­მა სი­ტუ­ა­ცი­ამ ვი­თა­რე­ბა შე­ამ­სუ­ბუ­ქა. ლა­პა­რა­კია ვი­დე­ო­ზე, რო­მე­ლიც სა­ქარ­თვე­ლოს "ევ­რო­ვი­ზი­ის" კონ­კურ­სზე უნდა წა­რედ­გი­ნა. სიმ­ღე­რას ერ­ქვა We don’t Wanna Put In და რუ­სე­თის ლი­დე­რის გვა­რის ნა­ძა­ლა­დევ კა­ლამ­ბურს წარ­მო­ად­გენ­და: "ჩვენ არ გვინ­და პუტ ინ/ნე­გა­ტი­უ­რი გან­წყო­ბა კლავს კა­იფს/მე უბ­რა­ლოდ სრო­ლა მინ­და/და კი­დევ დის­კო­თე­კა ამა­ღამ". მაგ­რამ ვაი, რომ სტე­ფა­ნემ და 3G-მ ვერ მო­ა­ხერ­ხეს ამ ნომ­რის მოს­კოვ­ში შეს­რუ­ლე­ბა, რად­გან "ევ­რო­ვი­ზი­ის" წარ­მო­მად­გენ­ლებ­მა ეს სიმ­ღე­რა, პო­ლი­ტი­კუ­რი გზავ­ნი­ლის გამო, კონ­კურ­სი­დან მოხ­სნეს.

6. ბედ­ნი­ე­რი ერი. 2009 წელს, რო­დე­საც ომის­შემ­დგომ­მა აპა­თი­ამ და­ი­სად­გუ­რა, კი­დევ უფრო მეტი საპ­რო­ტეს­ტო აქ­ცია გა­ი­მარ­თა. მათი ორ­გა­ნი­ზა­ტო­რი ისევ უიღ­ბლო ოპო­ზი­ცია იყო და ყვე­ლა­ფე­რი ეს მშვე­ნივ­რად აი­სა­ხა ანრი ჯო­ხა­ძის სიმ­ღე­რა­ში. მი­სამ­ღე­რი ჯო­ხა­ძემ ქარ­თვე­ლი პო­ე­ტის­გან, ილია ჭავ­ჭა­ვა­ძის­გან ისეს­ხა. ამ მი­სამ­ღერ­ში ის რი­ტო­რი­კუ­ლად კი­თხუ­ლობ­და - "ჩვე­ნის­თა­ნა ბედ­ნი­ე­რი, განა სად­მე არის ერი?". ეს ვი­დეო, რო­მე­ლიც ტა­ლან­ტის დე­მონ­სტრი­რე­ბას წარ­მო­ად­გენ­და, სა­ქარ­თვე­ლოს პირ­ვე­ლი პრე­ზი­დენ­ტის თვით­მკვლე­ლო­ბით იწყე­ბო­და და თით­ქმის ყვე­ლა მთა­ვარ პო­ლი­ტი­კურ ფი­გუ­რას დას­ცი­ნო­და. მას­ში პა­რო­დი­რე­ბუ­ლი იყო ამ სი­ა­ში და­სა­ხე­ლე­ბუ­ლი მე-2, მე-3 და მე-5 სიმ­ღე­რე­ბი და აქვე ისიც მო­ხერ­ხდა, რომ 1984 წლის კლა­სი­კუ­რი ფილ­მი, "მო­ნა­ნი­ე­ბაც", გა­ეხ­სე­ნე­ბი­ნათ.

7. პო­ლი­ცი­ის კლი­პი 3 - პო­ლი­ცი­ე­ლი ბავ­შვე­ბი. 2010 წელს ყვე­ლა­ფე­რი ნორ­მას და­უბ­რუნ­და, სა­ა­კაშ­ვი­ლის მთავ­რო­ბა პირ­და­პი­რი მნიშ­ვნე­ლო­ბით სა­კუ­თარ თავს უმ­ღე­რო­და დი­თირ­ამ­ბებს. ეს უც­ნა­უ­რი სა­რეკ­ლა­მო კლი­პი (სა­ყო­ველ­თაო აღი­ა­რე­ბით) ქვეყ­ნის (ბრწყინ­ვა­ლე) პო­ლი­ცი­ას ეძღვნე­ბო­და. პა­ტა­რა ბავ­შვე­ბი სხვა­დას­ხვა სა­ხის კრი­მი­ნალს ებ­რძოდ­ნენ, ყვე­ლა პა­ტა­რა უნი­ფორ­მა­ში იყო გა­მო­წყო­ბი­ლი. 1 წუთ­სა და 45 წამ­ზე ცოტა არ იყოს პირ­ქუ­ში ეპი­ზო­დი თა­მაშ­დე­ბა - პა­ტა­რა ბა­ჭი­ის მკვლე­ლო­ბა არის ნაჩ­ვე­ნე­ბი. ეს არ იყო ერ­თა­დერ­თი კლი­პი, რო­მე­ლიც ში­ნა­გან საქ­მე­თა სა­მი­ნის­ტროს დაკ­ვე­თით მომ­ზად­და. გარ­და ამი­სა, ეს ვი­დეო იმ­დე­ნად მო­ე­წო­ნათ სომ­ხეთ­ში, რომ მისი რი­მე­ი­ქი გა­და­ი­ღეს და თით­ქმის ყო­ვე­ლი კად­რი გა­ი­მე­ო­რეს.

8. 2012 წლის­თვის სა­ა­კაშ­ვი­ლი­სა და მისი პარ­ტი­ის, ერ­თი­ა­ნი ნა­ცი­ო­ნა­ლუ­რი მოძ­რა­ო­ბის პო­პუ­ლა­რო­ბამ სე­რი­ო­ზუ­ლად იკლო. ოპო­ზი­ცია, რო­მელ­საც სა­თა­ვე­ში მი­ლი­არ­დე­რი ოლი­გარ­ქი ბი­ძი­ნა ივა­ნიშ­ვი­ლი ჩა­უდ­გა, ბო­ლოს და ბო­ლოს გა­ერ­თი­ან­და. მაგ­რამ რომ არა ვი­დე­ო­ე­ბი, რომ­ლებ­შიც ნაჩ­ვე­ნე­ბი იყო პა­ტიმ­რე­ბის გუ­ლი­სამ­რე­ვი წა­მე­ბა ქვეყ­ნის სა­ხელ­გან­თქმულ ცი­ხე­ებ­ში, მი­შას პარ­ტი­ას შე­საძ­ლე­ბე­ლია მა­ინც მო­ე­ხერ­ხე­ბი­ნა 1 ოქ­ტომ­ბრის არ­ჩევ­ნებ­ში ხმე­ბის უმ­რავ­ლე­სო­ბის მო­პო­ვე­ბა. მაგ­რამ ვი­დეო აჩ­ვე­ნეს და ამას მათი დიდი მარ­ცხი მოჰ­ყვა. ეს ვი­დეო ქარ­თვე­ლე­ბის უმე­ტე­სო­ბის აღ­შფო­თე­ბას გა­მო­ხა­ტავს. კლი­პი ყვე­ლა­ზე პო­პუ­ლა­რუ­ლი როკ და ელექტრო­მუ­სი­კო­სე­ბის თა­ნამ­შრომ­ლო­ბით შე­იქ­მნა. სიმ­ღე­რას პირ­და­პირ და­არ­ქვეს - "სის­ტე­მა უნდა და­ინ­გრეს". ვი­დეო სკან­და­ლი­დან სამ დღე­ში იქნა ნაჩ­ვე­ნე­ბი. ტექ­სტი ბრა­ზი­ა­ნია. მომ­ღერ­ლე­ბი იმ ვი­დე­ო­კად­რებს იხ­სე­ნე­ბენ, რო­მელ­შიც პა­ტიმ­რებს ცო­ცხით აუ­პა­ტი­უ­რე­ბენ: "მე ვერ დავ­ხუ­ჭავ თვა­ლებს და ვერ გავ­დგე­ბი გან­ზე, რო­დე­საც სის­ტე­მა სის­ტე­მა­ტუ­რად გვ-ავს თავ­ზე. გონს მო­დით, რა უნდა მოხ­დეს კი­დევ? ეს ყვე­ლა­ფე­რი ახ­ლა­ვე უნდა დამ­თავ­რდეს. თუ თა­ვის არი­დე­ბას შე­ეც­დე­ბით, არ გა­გიკ­ვირ­დეთ, რო­დე­საც უკა­ნალ­ში თა­ვად გა­გიყ­რი­ან ცო­ცხს". და კი­დევ და­უ­ვი­წყა­რია ფრა­ზა - "და­ვაფ­სი თქვენ პა­გო­ნებს".

9. ხალ­ხი ხში­რად მე­კი­თხე­ბა - მარ­თა­ლია, რომ ივა­ნიშ­ვილს, რო­მე­ლიც ახლა სა­ქარ­თვე­ლოს პრე­მი­ერ­მი­ნის­ტრია, ალ­ბი­ნო­სი რე­პე­რი შვი­ლი ჰყავს? კი, ეს აბ­სო­ლუ­ტუ­რი სი­მარ­თლეა. ბერა ას­რუ­ლებს სიმ­ღე­რას "ქარ­თუ­ლი ოც­ნე­ბა", მა­მის კო­ა­ლი­ცი­ის სიმ­ღე­რას, ამ კო­ა­ლი­ცი­ა­საც "ქარ­თუ­ლი ოც­ნე­ბა" ჰქვია. და­დის ხმე­ბი, რომ ივა­ნიშ­ვი­ლი ბე­რას მუ­სი­კა­ლურ კა­რი­ე­რა­ზე მი­ლი­ო­ნებს ხარ­ჯავს, მო­უ­წყო არტსტუ­დია და სა­უ­კე­თე­სო ჰიპ-ჰოპ პრო­დი­უ­სე­რებს ქი­რა­ობს - ზო­გი­ერ­თი ხუ­მა­რა იმა­საც კი ვა­რა­უ­დობს, რომ ერ­თა­დერ­თი მი­ზე­ზი, რის გა­მოც ივა­ნიშ­ვილ­მა არ­ჩევ­ნებ­ში მო­ნა­წი­ლე­ო­ბა მი­ი­ღო, მისი შვი­ლის კა­რი­ე­რის მხარ­და­ჭე­რა იყო. ნა­ხეთ ვი­დეო და თა­ვად­ვე გა­და­წყვი­ტეთ, კარ­გად და­ი­ხარ­ჯა ფული თუ არა.

10. არ­ჩევ­ნე­ბი დას­რულ­და, სა­ა­კაშ­ვი­ლი ელე­გან­ტუ­რად ელის თა­ვი­სი ვა­დის დას­რუ­ლე­ბას, ხოლო მისი პარ­ტია ოპო­ზი­ცი­ა­შია. ალ­ბათ, მო­ვი­და იმის დრო, რომ სა­ქარ­თვე­ლო­ში ვნე­ბე­ბი ჩა­ცხრეს. აი, ამ გან­წყო­ბით გთა­ვა­ზობთ ჩი­ნე­თის შე­ი­ა­რა­ღე­ბუ­ლი სა­ხალ­ხო პო­ლი­ცი­ის მა­მა­კაც­თა გუნდს, რო­მე­ლიც ქარ­თულ ხალ­ხურ სიმ­ღე­რას, "სუ­ლი­კოს" ას­რუ­ლებს.

უი­ლი­ამ დენ­ბა­რი

foreignpress.ge

იხი­ლეთ ვი­დეო