ვასილ მაღლაფერიძის "კონსილიუმი" იხურება

ვასილ მაღლაფერიძის გადაცემა "მეცხრე არხის" სატელევიზიო ბადეში აღარ იქნება. ჩვენ მიერ მოპოვებული ინფორმაციით, გადაცემა უახლოეს დღეებში დაიხურება. ამბობენ, რომ პროექტი ამოიწურა და ახლა სიახლის დროა. უნდა აღინიშნოს, რომ გადაცემა "კონსილიუმი" საკმაოდ რეიტინგულიც გახლდათ. "ყველა სიახლე" ვასილ მაღლაფერიძეს დაუკავშირდა.

- ბატონო ვასილ, ჭორი გავრცელდა, რომ "კონსილიუმი" იხურება?

- რად უნდა ამას ჭორები? ნამდვილად იხურება ჩემი გადაცემა. მუდმივი არაფერია.

- რა გახდა გადაცემის დახურვის მიზეზი?

- შეიცვალა გადაცემის ფორმატი. განახლებული გადაცემა ეთერში მაშინ გავა, როდესაც ტელეკომპანია "მეცხრე არხი" დიღომში გადავა ახალ შენობაში და განახლებული ეთერით წარდგება მაყურებლის წინაშე. ვინ წაიყვანს გადაცემას, ჯერჯერობით არ ვიცი.

თამარ ბოჭორიშვილი

ყოველკვირეული გაზეთი "ყველა სიახლე"

(გამოდის ოთხშაბათობით)