იაპონელებმა უნიტაზი გამოიგონეს, რომელიც პენალტს იგერიებს

რობოტების იაპონელმა კონსტრუქტორებმა კიდევ ერთხელ გააოცეს მსოფლიო აბსოლუტურად უსარგებლო, მაგრამ სასაცილო გამოგონებით. ამჯერად თავიანთი ინტელექტუალური პოტენციალი მათ უნიტაზის შექმნას მოახმარეს, რომელსაც საფეხბურთო მატჩის დროს კარში გოლკიპერის ადგილის დაკავება წარმატებით შეუძლია. განსაკუთრებით კი 11-მეტრიანის დროს.

უნიტაზ Super Great Toiler Keep-ის უნიკალური შესაძლებლობები თვით იაპონური ფეხბურთის ვარსკვლავმა ტაცუხიკო კუბომ შეამოწმა და აღტაცებული დარჩა.

უნიტაზი, რა თქმა უნდა, არაჩვეულებრივია და ის მოძრაობაზე რეაგირების სენსორებითა და მინი-კომპიუტერითაა აღჭურვილი, რაც ბურთის ფრენის ტრაექტორიას წამის მეათედ დროში აფიქსირებს. უნიტაზი თავისი ღერძის გარშემო ბრუნავს, დარტყმის მოსაგერიებლად კი თავის ბურთს იყენებს, რომელსაც დარტყმული ბურთის მიმართულებით ტყორცნის და მას გზას უჭრის.

ამ უჩვეულო გამოგონებაზე ერთნაირი სახელწოდების ორი იაპონური კომპანია მუშაობდა. პირველი -  საპირფარეშოს აღჭურვილობის მწარმოებელი "ტოტოა", მეორე კი სპორტული ლატარეის კომპანია "ტოტო".

იხილეთ ვიდეო

SPORTALL.GE