მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რაკეტა, რომელიც მხოლოდ კომპიუტერებს ანადგურებს
07:21 / 31-10-2012
ოქტომბრის შუა რიცხვებში ამერიკულმა "ბოინგმა" ახალი ფრთოსანი რაკეტა გამოსცადა. მსგავსი ტიპის შეიარაღებისგან განსხვავებით, ის არც ცოცხალ ძალას, არც სამხედრო ტექნიკას და არც რაიმე შენობა-ნაგებობებს ანადგურებს. რადიოტალღების ძლიერი იმპულსებით მას მწყობრიდან მხოლოდ მოწინააღმდეგის კომპიუტერები და ელექტრონული სისტემები გამოჰყავს.
"ბოინგის" სპეციალისტთა აზრით, მსგავსი შეიარაღება ომებისა და საბრძოლო მოქმედებების წარმოების ტაქტიკას ძირფესვიანად შეცვლის. გამომდინარე იქიდან, რომ CHAMP-ის ტიპის ახალი რაკეტა მხოლოდ ელექტოსისტემების წინააღმდეგაა გამიზნული, მის მიერ მიყენებული არაპირდაპირი ზიანი მინიმალურია.
ელექტროტექნიკაზე ელექტრომაგნიტური იმპულსის უარყოფითი მოქმედება გასული საუკუნის შუა ხანებში ატომური ბომბების გამოცდებისას აღმოაჩინეს. ყოველი აფეთქების შემდეგ, რამდენიმე ათეული კილომეტრის რადიუსში მცირე დროით ყველა ელექტრონული მოწყობილობების მუშაობაში შეფერხებები შეინიშნებოდა. მათი ნაწილი კი საერთოდ მწყობრიდან გამოდიოდა. მას შემდეგ ელექტრომაგნიტური იარაღის შექმნაზე მსოფლიოს წამყვანი სპეციალისტები აქტიურად მუშაობენ.
რაკეტა CHAMP-ის გამოცდისას, სამიზნეს კომპიუტერული და სხვა ელექტროტექნიკით სავსე ორსართულიანი შენობა წარმოადგენდა. მიკროტალღური გამოსხივების იმპულსის "გასროლის" შემდეგ, რამდენიმე წამში შენობაში არსებულმა ყველა ელექტრულმა მოწყობილობამ მუშაობა შეწყვიტა.
გამოცდები წარმატებულად ჩაითვალა, რადგან ერთი საათის განმავლობაში რაკეტამ მსგავსი სახის შვიდი სამიზნე "გაანადგურა". სპეციალისტთა თქმით, ამ სისტემის შეიარაღებაში მიღებაზე საუბარი ჯერ ნაადრევია. თუმცა ყველანი ერთხმად აღნიშნავენ, რომ მსგავსი შეიარაღების გამოჩენა სამხედრო საქმეში დიდ გადატრიალებას მოახდენს.
ნუკრი მგელაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
